Dagblaðið Vísir - DV - 07.06.2019, Blaðsíða 20

20 UMRÆÐA
Sandkorn
7. júní 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Fréttastjóri: Kristinn Haukur Guðnason Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Orðin tóm
S
agt er að samfélög megi
dæma af því hvernig við
komum fram við okkar
minnstu bræður og systur.
Varla er hægt að halda öðru fram
en að þeir sem glíma við fötlun eða
veikindi af einhverjum toga falli í
þann hóp. Þá sérstaklega þeir sem
hafa ekki fulla hreyfigetu og geti
ekki sinnt daglegu amstri á sama
hátt og flestir aðrir.
Við Íslendingar stærum okkur
af því að vera velferðarþjóðfélag.
Stærstur hluti þjóðarinnar lítur til
hinna Norðurlandanna í því sam-
hengi. Hér á að vera norrænt vel-
ferðarríki sem byggir bæði á frelsi
og samkennd. Gagnstætt hinni
amerísku leið þar sem samfélags-
legur Darwinismi ríkir. En einnig
gagnstætt valdstjórnarstefnu
kommúnismans þar sem frelsið er
ekkert.
Af þessum ástæðum setjum
við okkur reglur um samfélags-
lega ábyrgð hins opinbera, hvort
sem það fellur undir svið ríkis eða
sveitarfélaga. Reglur sem skylda
þessa aðila til að grípa fólk sem
lendir í vanda og gera þeim kleift
að eiga mannsæmandi líf.
Í DV í þessari viku er rætt við
Stefán Stefánsson og Örn Sigfús-
son sem þurfa að skrá sig á hverjum
degi inni í Gistiskýlið við Lindar-
götu. Engum dylst að aðstæðurnar
þar eru ömurlegar. Frelsið ekkert,
einkalífið ekkert, öryggið ekkert.
Öllum hrúgað á sama stað. Hvort
sem þeir kljást við fíkn, alkóhól-
isma, geðræn vandamál, veikindi
eða einfaldlega hafa í engin önnur
hús að venda. Þetta er það sem Ís-
land getur boðið upp á.
Ekki er aðeins við Reykjavíkur-
borg að sakast, sem þó rekur Gisti-
skýlið. Hvað varðar félagslegt hús-
næði rekur borgin langtum fleiri
íbúðir. Ekki aðeins í fjölda heldur
höfðatölu einnig, 20 á hverja 1000
íbúa. Til samanburðar er hlutfallið
8 í Hafnarfirði, 3 í Mosfellsbæ og 2
í Garðabæ. Skömm hinna sveitar-
félaganna er enn meiri.
Stefán er bundinn við hjóla-
stól, vegna MS sjúkdómsins. Sjúk-
dómurinn hefur herjað hratt á
hann en engu að síður hefur kerf-
ið haft nægan tíma til að bregð-
ast við húsnæðisleysi hans. Marga
mánuði. Hann fékk jákvæð svör
en engar efndir. Í tvær vikur hefur
hann því þurft að leita til Gistiskýl-
isins í von og óvon um að fá að sofa
þar yfir nótt því það er skömminni
skárra en að sofa í köldum bíla-
stæðakjallara.
Stjórnmálamenn geta bros-
að framan í myndavélarnar þegar
þeir skrifa undir reglugerðir á borð
við NPA, sem á að tryggja fötluðu
fólki persónulega aðstoð. Klapp-
að sér á bakið og þóst vera að gera
samfélaginu gagn. En svo kemur á
daginn að orðin eru innantóm. n
Leiðari
Kristinn Haukur Guðnason
kristinn@dv.is
Spádómar um endalok
stjórnmálaflokka
Heimsendaraus á sér aldrei stoð
í veruleikanum. Engu að síður
ber töluvert á því undanfarna
daga og málsmetandi menn hafa
stigið fram og spáð endalokum
rótgróinna stjórnmálaflokka.
Nýlega skrifaði Jón Hjaltason,
kenndur við Háspennu, grein
í Morgunblaðið þar sem hann
húðskammar forystu Sjálfstæð-
isflokksins fyrir að hafa orðið
viðskila við grunnstefnuna. „Ég
óttast að flokkurinn okkar eigi
sér lengri fortíð en framtíð,“ sagði
hann.
Þá skrifar Styrmir Gunnarsson,
fyrrverandi ritstjóri blaðsins, um
grein Jóns Sigurðssonar, fyrrver-
andi formanns Framsóknar-
flokksins varðandi þriðja orku-
pakkann. „Sennilega áttar hann
sig betur á því að flokkur hans er
í lífshættu.“
Flokkarnir sem eru sitt hvor-
um megin við 100 ára afmælið,
mælast nú samanlagt með tæp-
lega þriðjungsfylgi hjá þjóðinni
og virðast ekki geta farið lægra
en það.
Yfirburðastaða Borgar-
leikhússins
Gríman verður
veitt bráðlega og
búast flestir við
því að Borgarleik-
húsið standi uppi
sem sigurvegari.
Er sýningin Rík-
harður III talin
sigurstranglegust í ár. Leikhúsið
hefur unnið verðlaunin Sýning
ársins síðan 2015. Borgarleik-
húsið er því ekki aðeins með al-
þýðlegri sýningar en Þjóðleik-
húsið heldur einnig faglegri.
Þegar kemur að barnasýning-
um verður munurinn á stóru
leikhúsunum, Borgarleikhúsinu
og Þjóðleikhúsinu, enn meiri. Á
hverju ári býður Borgarleikhús-
ið upp á stórfenglegar sýningar
fyrir börn á meðan Þjóðleikhús-
ið er með minna spennandi efni.
Einu glæðurnar eru þegar verk
Thorbjörns Egner eru sett á svið.
Er Þjóðleikhúsið sífellt að færast í
þá átt að verða eins og Rás 1, eða
Gufan eins og hún er stundum
kölluð. Aðeins fyrir eldri borgara
og þröngan hóp menningarvita.
Spurning vikunnar Óttast þú ásælni Kínverja í íslenskar náttúruauðlindir?
„Nei, ég geri það ekki.“
Theodór Vilbergsson
„Nei, það held ég ekki.“
Hekla Valsdóttir
„Nei, ég geri
það ekki.“
Eggert Kaaber
„Já.“
Sigrún Ásdís Sigurðardóttir
MYND HANNA/DV
Strákarnir okkar Þeir voru einbeittir á
æfingu í sólskininu. Á laugardaginn mætir íslenska
landsliðið því albanska á Laugardalsvelli.