Dagblaðið Vísir - DV - 12.04.2019, Blaðsíða 27

Páskafjör 12. apríl 2019 KYNNINGARBLAÐ
Bræðurnir Ólafur og Tyrfingur Leóssynir stofnuðu Jeppasmiðjuna árið 1990.
Upphaflega snerist starfsemin um
hvort tveggja varahluti og viðgerðir.
Viðgerðir á sjálfskiptingum og
almennar jeppaviðgerðir voru þá
helstu sérsvið Jeppasmiðjunnar.
„Einnig hefur fyrirtækið komið
mikið að bílabreytingum í gegnum
árin og þessir breyttu bílar hjá
ferðaþjónustufyrirtækjunum eru til
dæmis flestir með einhverja hluti sem
við höfum smíðað,“ segir Tyrfingur.
Sérhæfa sig nú í varahlutum
Í fyrra, þegar Ólafur féll frá, var
starfsemi fyrirtækisins skipt upp
þannig að varahlutainnflutningur og
varahlutasala er nú undir merkjum
Jeppasmiðjunnar. Tyrfingur og Unnur,
ekkja Ólafs, reka fyrirtækið saman.
„Verkstæðið Ljónsstaðir er hins vegar
í eigu fimm af okkar fyrrverandi
starfsmönnum og er rekið af þeim.
Við erum í miklu og góðu samstarfi
við þá en viðgerðarþjónustan er
staðsett í sama húsnæði. Við sjáum
um varahlutina og þeir um viðgerðir og
breytingar.“
Bræðurnir Ólafur og Tyrfingur
Leóssynir.
Alltaf nóg af varahlutum á lager
Í varahlutainnflutningnum er mikil
áhersla lögð á varahluti í bíla sem
eru á Bandaríkjamarkaði. „Þar má
nefna Ford, Dodge, Chevrolet, Jeep
og svo bandarískar gerðir af Toyota,
Mazda, Hyundai, Kia, Subaru o.fl.,“ segir
Tyrfingur.
Ávallt er mikið til af varahlutum á
lager en Jeppasmiðjan pantar aðra
varahluti sem vantar hverju sinni
jafnóðum og fær tvær sendingar í
viku frá Bandaríkjunum. Einnig er
Jeppasmiðjan með olíur, frostlög,
rúðuvökva og rafgeyma í margar
gerðir bíla.
Heimilisfang fyrirtækisins er
Ljónsstaðir, sem eru rétt fyrir utan
Selfoss, en í vissum skilningi þjónar
fyrirtækið öllu landinu. „Við seljum
varahluti til verkstæða og almennings
um allt land og héðan fara daglega
margir pakkar með póstinum og
flutningabílum hvert á land sem er.
Auk þess fara sendibílar með vörur frá
okkur þrjár ferðir á dag til Reykjavíkur,“
segir Tyrfingur.
Jeppasmiðjan er til húsa að
Ljónsstöðum, skammt fyrir utan
Selfoss.
Símanúmer er 480-0120 en nánari
upplýsingar eru á vefsíðunni jepp.is.
Facebook: Jeppasmiðjan ehf n
Þjónusta og varahlutir í
miklu úrvali
JEPPASMIÐJAN LJÓNSSTÖÐUM: