Dagblaðið Vísir - DV - 29.03.2019, Blaðsíða 4

4 29. mars 2019FRÉTTIR
Himnaríki og helvíti
S
varthöfði hefur aldrei verið
mjög trúrækinn. Barátta
hins algóða gegn hinu al-
slæma finnst Svarthöfða
ekki alltaf eiga við í hinum marg-
breytilega heimi. Sumar reglurnar
úr bókinni góðu eru líka hreint út
sagt furðulegar eins og blátt bann
við neyslu skelfisks. Svarthöfða
finnst hörpudiskur hreint lostæti.
Hvað um það. Nýlega rambaði
Svarthöfði inn á heimspekilegt
spjall á virðulegri netsíðu þar
sem hart var deilt um eftirlífið. Að
ákveðin breytni sendi sálu okk-
ar upp til himnaríkis og Jésúm
Krists sem fórnaði sér fyrir okkur
syndarana. Ef við tækjum ekki við
þeim boðskap færum við lóðbeint
niður til skrattans. Þar myndum
við steikjast á pinna yfir vítislog-
um.
Góður guð gæfi okkur þetta val,
þetta unaðslega frelsi. „Hlýddu
mér og þér er borgið, annars læt
ég gamlan félaga minn pynta þig!“
Þetta er ekki ósvipað og eiturlyfja-
sali sem kemur til að innheimta
skuld. „Borgaðu bara og þá færðu
meira djönk, annars læt ég Stebba
stóra hérna mölva á þér hnéskelj-
arnar.“
Þetta spjall fékk Svarthöfða til
að hugsa. Ekki um hvort helvíti
væri vondur staður, því það er
augljóst. Heldur um hvort himna-
ríki væri góður staður.
Boðberar kristninnar bjóða
fólki þessa framtíðarsýn ef það
fellur á kné og játar. Eilíft líf
með guði, Jésú og englunum.
Syngjandi Kúmbaja og leikandi
á hörpu. Engar syndir, engar
freistingar, engar nautnir. Eilíft líf!
Þessi hugmynd skelfir Svarthöfða
eiginlega meira en helvíti sjálft.
Þar má að minnsta kosti reykja og
hlusta á AC/DC.
Svarthöfði veit ekki, og þyk-
ist ekki vita, hvað tekur við þegar
hinu jarðneska lífi lýkur. Óskandi
væri að það væri hvíld en ekki ei-
líft neitt. Að lifa að eilífu yrði alltaf
helvíti, sama hvort það væri uppi
eða niðri. Þetta umrædda val sem
okkur er boðið er því ekkert val
eftir allt saman. n
Svarthöfði
Það er
staðreynd að…
Kaffi kom til Íslands um miðja 18. öld.
5 prósent fullorðinna ganga í svefni.
Hestar geta ekki kastað upp.
Í einu ári eru 31.557.600 sekúndur.
Íslenskar konur gátu gifst án sam-
þykkis föður eða bróður árið 1921.
YFIRHEYRSLAN
Helga Vala Helgadóttir er
alþingismaður Samfylkingarinnar
og hefur setið á þingi síðan árið
2017. Hún er dóttir hinna ástsælu
leikara Helgu Bachmann og Helga
Skúlasonar. Helga Vala er lærð
leikkona og lögfræðingur og fékk
lögmannsréttindi árið 2011.
DV tók Helgu Völu í yfirheyrslu.
Hjúskaparstaða og börn
Ég er gift Grími Atlasyni og börnin eru Snærós, Emil, Ásta
Júlía og Arnaldur. Svo er ég komin með barnabörnin Urði
Völu og Tíbrá, Freyju og Kára. Jáh, ég er sko rík.
Fyrsta atvinnan
Fyrsta starfið mitt var í litlu hlutverki Antigónu í leikritinu
Ödipus konungur í Þjóðleikhúsinu. Ég var fimm ára og þetta
var mikið ævintýri.
Skemmtilegast að gera?
Mér finnst skemmtilegast að vera með fólkinu mínu og
vinum, á einhverjum þvælingi innan- sem utanlands. Mér
finnst líka ofsalega skemmtilegt að halda matarboð, en af
því geri ég því miður allt allt of lítið.
En leiðinlegast?
Ganga frá hreina þvottinum.
Spilar þú á hljóðfæri?
Í raun ekki, en þar sem ég er leikkona þá hef ég leikið
tónlistarmann uppi á sviði á tónlistarhátíðinni Aldrei fór ég
suður. Ég var vissulega með bassann í höndunum og lék þær
nótur sem mér var ætlað … en ég get samt ekki sagt að ég
spili á hljóðfæri.
Trúir þú á drauga?
Drauga? Tjah … svona í hvítu laki? Nei, en ég trúi að það taki
eitthvað við eftir þetta líf.
Besta ráð sem þú hefur fengið?
Mamma og pabbi voru dugleg að segja mér að ég gæti allt
sem ég vildi, ég þyrfti bara að fara í málin. Það hefur reynst
mér mjög vel, enda stoppar eigið hik oft besta fólk í að gera
frábæra hluti.
Leiðinlegasta bók sem þú hefur lesið?
Þær eru margar en sem betur fer eru þær miklu fleiri sem
eru skemmtilegar. Ég nenni yfirleitt ekki að klára leiðinlegar
bækur og alls ekki muna eftir þeim.
Fyrsti stjórnmálaflokkurinn sem þú kaust?
Kaus fyrst Reykjavíkurlistann í borgarstjórnarkosningunum
1994.
Hver myndi leika þig í kvikmynd?
Ég var einu sinni staðgengill fyrir Örn Árnason, í kvik-
myndinni Stikkfrí, svo mig langar mest að nefna hann, en
svo fékk hin frábæra leikkona Katla Margrét Þorgeirsdóttir
það verkefni að leika mig í Skaupinu svo ég bara panta
hana!
Hefur þú fallið á prófi?
Já, oft, meira hér í denn. Skulum orða það þannig að ég hafi
tekið það misjafnlega nærri mér.
Ertu dýravinur?
Ég er kisukona, kann mjög vel við sjálfstæði þeirra.
Ferðu seint eða snemma að sofa á kvöldin?
Ég fer yfirleitt snemma að sofa, ég er algjör A-manneskja,
eiginlega AAA.
Mannkostir þínir?
Ég er bjartsýn að eðlisfari, hefur stundum verið sagt að ég
hafi fæðst undir sól, mér þykir lífið yfirleitt bara skemmti-
legt. Svo er ég dugleg, held að það sé kostur.
En lestir?
Ég er með frestunaráráttu svo ég fer oft í hlutina algerlega á
síðustu stundu. Nenni lítið að skipuleggja mig fram í tímann
og svo er ég mjög kröfuhörð á sjálfa mig og aðra. Svo er ég
dugleg, held það sé löstur.
Best að vera leikari, lögmaður eða
þingmaður?
Mér hefur gagnast mjög vel að vera leikkona í lögmennsku
og þingmennsku, mér hefur gagnast vel að vera lögmaður
í þingmennskunni og klárlega mun það gagnast mér vel að
hafa verið þingmaður og lögmaður í leiklistinni, næst þegar
ég fer þangað. Þetta hefur allt sína kosti og galla.
Fyrsti bíllinn?
Daihatsu Charade, 1982 módel. Hann gekk fyrir eigin vilja og
meðaumkun með mér, fátækum námsmanninum.
Eitthvað að lokum?
Lífið er eins og hlaðborð, ef þú borðar alltaf sama réttinn þá
missir þú af ótalmörgu spennandi og öðru minna spennandi.
Ögraðu vitsmunum þínum og getu, það er magnað hvað
kemur í ljós.
Hver er
hann
n Fæddur 1977 og úr
Kópavogi.
n Stýrði þáttunum
Íslensk kjötsúpa á Skjá
einum.
n Dæmdur fyrir að smána Banda-
ríkin árið 2002.
n Aðdáandi kúbverskrar menn-
ingar.
n Gengur undir listamannsnafninu
Blaz Roca.
SVAR: ERPUR EYVINDARSON
Helga Vala
Helgadóttir
482225