Dagblaðið Vísir - DV - 29.03.2019, Blaðsíða 31
Stóra ferðablaðið 29. mars 2019 KYNNINGARBLAÐ
DOKKAN BRUGGHÚS:
Eðalbjór með tæru lindar-
vatni úr vestfirskum fjöllum
Dokkan brugghús er lítið fjölskyldufyrirtæki á Ísafirði sem stofnað var árið 2017
þar sem eigendurnir töldu vanta
brugghús á svæðið. Á Dokkunni er
bruggaður úrvalsbjór þar sem uppi-
staðan er framúrskarandi lindarvatn
sem á upptök sín í fjöllum Vestfjarða.
Allt neysluvatn á svæðinu er fengið
úr Vestfjarðagöngunum sem opnuð
voru 1996.
„Einn helsti kostur vatnsins hérna
er hvað það er jafnt, það skiptir ekki
máli hvort það er vetur, vor, sum-
ar eða haust, vatnið er alltaf eins,“
segir Hákon Hermannsson, fram-
kvæmdastjóri fyrirtækisins. Það
er nóg að gera á Dokkunni en tveir
starfsmenn eru þar í fullu starfi auk
þess sem fleiri verkefni falla til.
Dokkan er til húsa að Sindragötu
11 á Ísafirði. „Við erum með það sem
ég kalla gestastofu og þar er krani
og gestir geta bragðað á veigunum
okkar,“ segir Hákon en Dokkunni hefur
verið afar vel tekið. „Sumarið í fyrra
var okkar fyrsta sumar og aðsókn
fór fram úr björtustu vonum,“ segir
Hákon en bæði erlendir og innlendir
ferðamenn heimsækja Dokkuna. „Yfir
vetrartímann eru innlendir ferða-
menn fleiri. Hér var til dæmis haldið
afar vel heppnað skíðanámskeið og
margir þátttakendur þar komu við
hjá okkur á eftir. Mörgum líkar vel að
fá sér bjór eftir að þeir hafa verið á
skíðum,“ segir Hákon. Framundan er
tónlistarhátíðin Aldrei fór ég suður,
sem verður haldin um páskana og
einnig í byrjun maí er Fossavatns-
gangan og má búast við því að
margir gestir þessara viðburða komi
við á Dokkunni.
Þrjár tegundir frá Dokkunni eru nú
komnar í sölu í Vínbúðunum en auk
þess er Dokkubjór til sölu á flestum
veitingahúsum á Ísafirði ásamt því
að vera á nokkrum börum á höfuð-
borgarsvæðinu.
Upplýsingar um tegundirnar
og annan fróðleik er að finna á
vefsíðunni dokkanbrugghus.is
#dokkanbrugghus