Skessuhorn - 21.12.2004, Page 23

úoiisaunu^
ÞRIÐJUDAGUR 2L DESEMBER 2004
23
Vesturland 2004 í máli og myndiim
Göngin jákvæð
I október var kynnt ný skýrsla um áhrif Hvalfjarðarganganna.
Þar kom fram að gífurlegur ávinningur er af göngununr bæði
í félagslegu og hagfræðilegu tilliti. Meðal annars hefur at-
vinnuöryggi aukist, matvöruverð hefur lækkað og almenning-
ur á Islandi orðið jákvæðari í garð Vesturlands.
Tæknivæðing
Ymsar fréttir bárust á árinu af tæknivæðingu hverskonar á
Vesturlandi. Meðal þess má nefna samning sem skrifað hefur
verið undir um lagningu ljósleiðara í öll hús á Akranesi fýrir
vorið 2006, útsendingu stafræns sjónvarps á Snæfellsnesi og í
Dölum, samning sem sveitarfélög í Borgarfirði hafa gert við
fýrirtækið eMax um uppbyggingu þráðlauss breiðbands og á-
fram inætti vafalaust telja. Allt niiðar þetta að því að gera bú-
setuskilyrði hagstæðari fyrir íbúa og fyrirtæki á Vesturlandi.
Norsku krónprinshjónin í heimsókn
Hákon krónprins Noregs, kona hans Mette Marit og dóttir
þeirra Ingrid Alexandra komu í heimsókn í sumar. Ferðuðust
þau um Borgarfjarðarhérað. Þau lim fýrst við hjá löndum sín-
um í Járnblendiverksmiðjunni á Grundartanga en verksmiðjan
er að meirihluta í eigu norska fýrirtækisins Elkem. Eftir að
hafa skoðað sig um innandyra sem utan á Grundartanga héldu
norsku gestirnir, ásamt íslensku forsetahjónunum og Þorgerði
Katrínu Gunnarsdóttur, menntamálaráðherra í Reykholt. Þar
tóku heimamenn á móti þeim og fræddu um starfsemi í Reyk-
holti allt frá tímum Snorra Sturlusonar til vorra daga. Norsku
gestirnir sýndu því sem Reykholt hefur að geyma mikinn á-
huga enda komu þau ekki að tómum kofunum hjá Sr. Geir
Waage né öðrum Reykhyltingum nútímans.
Jón Oddur kom heim með silfur
Vel var tekið á móti íslensku Olympíuförunum er þeir sneru
heim klifjaðir góðmálmum frá Ólympíuleikum fatlaðra í
Aþenu í sumar. Fram kom í Skessuhorni að Jón Oddur Hall-
dórsson frá Hellissandi náði frábærum árangri og krækti sér í
tvenn silfurverðlaun fýrir spretthlaup. Meðal þeirra sem tóku
á móti Jóni Oddi við komuna til landsins var Kristinn Jónas-
son bæjarstjóri Snæfellsbæjar sem færði honum góðar kveðjur
bæjarstjórnar. Þess má líka geta að bæjarstjórn Snæfellsbæjar
ákvað að veita Jóni Oddi sérstakan afreksstyrk.
A efri myndinni má sjá Jón Odd við komuna frá Aþenu. Með
honum á myndinni eru Halldór Pétur Andrésson, faðir hans
(t.v.) og Kristinn Jónasson bæjarstjóri Snæfellsbæjar.
Óskum nemendum, starfsmönnum og Vestlendingum
öllum gleðilegra jóla og farsældar á nýju ári.
www.bifrost.is
VIÐSKIPTAHASKOLINN
BIFRÖST