Morgunblaðið - 03.05.2019, Blaðsíða 37

MENNING 37
MORGUNBLAÐIÐ FÖSTUDAGUR 3. MAÍ 2019
Funahöfða 7, 110 Reykjavík | Sími 577 6666
KIEL/ - OG FRYSTITJEKI
., '*-�-��,�rKu�,
Kæli- & frystibúnaður
í allar gerðir sendi- og flutningabíla
laugavegi 47 www.kokka.is kokka@kokka.is
Rösle þeytari
Verð 3.490 kr.
„Það er alltaf gaman fyrir tónlistar-
mann að fá nýtt hljóðfæri,“ segir tón-
listarmaðurinn Júníus Meyvant,
réttu nafni Unnar Gísli Sigurmunds-
son, sem hlaut í gær Langspilið,
verðlaun STEFs, Sambands tón-
skálda og eigenda flutningsréttar.
Langspilið hlýtur höfundur sem þyk-
ir hafa skarað fram úr og náð eftir-
tektarverðum árangri á síðastliðnu
ári, að mati STEFs, og er verðlauna-
gripurinn, hið íslenska langspil,
smíðað fyrir STEF af Jóni Sigurðs-
syni á Þingeyri.
Unnar kann ekki á langspil en seg-
ist ætla að læra á það. Mun það þá
koma við sögu á næstu plötu? „Já, al-
veg pottþétt,“ svarar Unnar. Önnur
breiðskífa hans, Across the Borders,
kom út í janúar en átti upphaflega að
koma út í fyrrahaust. Útgáfunni var
frestað út af samningi sem Unnar
gerði við bandaríska útgáfufyrirtæk-
ið Glassnote Records „korteri fyrir
útgáfudag“, eins og hann orðar það.
Landamæri í ýmsum myndum
Titill plötunnar vísar í landamæri,
nánar tiltekið það sem er handan
þeirra, og leikur blaðamanni forvitni
á að vita hvort Unnar sé í textum sín-
um að fjalla um flóttamenn og annað
sem landamærum tengist á vorum
dögum. Jú, hann segir svo vera og að
landamærin séu margs konar, líka
andleg. „Stundum er maður fastur í
lífinu og vill gera eitthvað annað og
það eru alls konar landamæri að
stoppa mann. Síðan er það flótta-
maðurinn sem er þvingaður yfir önn-
ur landamæri,“ nefnir Unnar, „þetta
eru allt saman mjög erfið málefni.“
–Þú fékkst Íslensku tónlistarverð-
launin árið 2017 fyrir plötuna Float-
ing Harmonies. Hvaða breytingum
hefurðu tekið sem tónlistarmaður
milli þessara tveggja platna?
„Ég nota meira auto-tune,“ svarar
Unnar að bragði en segist svo vera
að spauga. „Það er alltaf breyting, ég
nota mikið hljóðfæri sem ég hef ekki
notað áður, hljóðgervla og annað
sem ég blanda við. Ég fór ekki alveg
í elektróið, þetta er meira eins og
synþapopp frá áttunda áratugnum.“
Unnar segir fönktónlist hafa
kveikt með honum áhuga upphaflega
á því að gera tónlist og heyra má
áhrif frá henni og sálartónlist á báð-
um plötum. Hann tekur þó fram að
hann kunni að meta alla góða tónlist.
Um alla Evrópu
–Fór mestallt púðrið hjá þér í
fyrra í plötuna?
„Já, púðrið fór mest í plötuna og
núna er ég að dusta rykið af spila-
mennskunni, er að fara út núna í maí
og svo fer ég út í ágúst og eitthvað í
september,“ svarar Unnar.
En hefur hann leikið mikið er-
lendis? „Já, mjög mikið, sérstaklega
í Evrópu,“ svarar Unnar, „ég tók
túra núna í janúar og febrúar út um
alla Evrópu, í 18 daga.“ Fimm
tónlistarmenn skipa hljómsveit Unn-
ars auk hans sjálfs en á síðasta
ferðalagi voru tveir þýskir blást-
urshljóðfæraleikarar með í för.
Hann segir hljómsveitina hafa fengið
mjög góðar viðtökur á ferðum sínum
og að uppselt hafi verið á alla tón-
leikana nema þrenna. „Og við spil-
uðum ferna tónleika,“ bætir hann við
kíminn og biðst svo afsökunar á grín-
inu. Tónleikarnir hafi verið miklu
fleiri.
Styrkir afhentir
Styrkir úr Nótnasjóði og
Upptökusjóði STEFs voru veittir við
sama tilefni í gær. Sjóðirnir úthluta
styrkjum tvisvar sinnum á ári, að
vori og að hausti og er markmið
Nótnasjóðs að styrkja útgáfu ís-
lenskra tónverka á nótum og á staf-
rænu formi og markmið Upp-
tökusjóðs að styrkja útgáfu íslenskra
tónverka á hljómplötum, hljóm-
diskum og öðrum hljóðritum. Að
þessu sinni voru afhentir 33 styrkir
úr Upptökusjóði og 16 styrkir úr
Nótnasjóði og námu þeir samtals um
10 milljónum króna.
helgisnaer@mbl.is
 Júníus Meyvant hlýtur Langspilið, verðlaun STEFs
 Segist ætla að læra að leika á verðlaunagripinn
Alls konar landamæri
Morgunblaðið/Hari
Kampakátur Unnar Gísli, öðru nafni Júníus Meyvant, með verðlaunagripinn, Langspilið, í húsi STEFs í gær.
Myndlistarmaðurinn Erró afhenti
kollega sínum Huldu Rós Guðna-
dóttur Guðmunduverðlaunin, viður-
kenningu Guðmundusjóðs, fyrir árið
2019 við opnun nýrrar sýningar á
verkum hans, Heimsferð Maós, í
Listasafni Reykjavíkur Hafnarhúsi í
fyrradag, 1. maí. Hulda er fædd árið
1973 og er með meistaragráðu í
gagnvirkri hönnun frá Middlesex-
háskólanum í London, BA-gráðu í
myndlist frá Listaháskóla Íslands og
BA-gráðu í mannfræði frá Háskóla
Íslands. Hún hefur bæði starfað við
myndlist og kvikmyndagerð og hlot-
ið fjölda viðurkenninga.
Styrkur úr listasjóði Guðmundu S.
Kristinsdóttur er veittur fram-
úrskarandi listakonu ár hvert og er
ætlað að efla og styrkja listsköpun
kvenna. Erró stofnaði Guðmundu-
verðlaunin til minningar um móður-
systur sína, Guðmundu S. Kristins-
dóttur frá Miðengi.
Morgunblaðið/Hari
Styrkur Hulda Rós tók við Guðmunduverðlaununum, viðurkenningu Guðmundusjóðs, úr hendi Errós 1. maí.
Hulda hlaut Guðmunduverðlaunin
Myndlistarsýningin Fixed-points,
eða Fastir punktar, verður opnuð í
Verksmiðjunni á Hjalteyri á morg-
un, 4. maí, kl. 14. Að henni standa
listamennirnir Helene Garberg,
Kah Bee Chow, Bjarni Þór Pét-
ursson og Þorbjörg Jónsdóttir en
sýningarstjórar eru Bjarni Þór Pét-
ursson og Gústav Geir Bollason.
Fixed-points sýnir hreyfimyndir
sem sökkva sér í goðafræði og
draumaveröld náttúrulegra svæða,
að því er fram kemur í tilkynningu.
„Myndað er á mörgum stöðum svo
sem eins og Yucatán í Mexíkó og
Amasón-héraðið í Kólumbíu, þar
sem listamennirnir skoða og rann-
saka sérkenni, sögu og andrúms-
loft viðfangsefnis og staða.
Langt í burtu og þó nær en
nokkru sinni, reyndu fjórir lista-
menn að vefa gagnsæjan vef á
milli okkar veruleika og annars. Í
sameiningu gerðu hreyfimynd-
irnar og vídeóverkin eftir Bjarna
Þór Pétursson, Helene Garberg,
Kah Bee Chow og Þorbjörgu
Jónsdóttur kleift að sýna fram á
stað þar sem efnið kemur á eftir
goðsögunum, þar sem umbreyt-
ing og endursköpun eru sjálf-
sagðir hlutir,“ segir í tilkynning-
unni.
Sýningin stendur yfir til 9. júní.
Verksmiðjan er neðst á Hjalteyri
við Eyjafjörð og má kynna sér
hana frekar á vefsíðu hennar,
verksmidjanhjalteyri.com.
Goðafræði og
draumaveröld
Auðn Kynningarmynd fyrir sýninguna sem opnuð verður á morgun.
 Fastir punktar í Verksmiðjunni