Morgunblaðið - 03.05.2019, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 3. MAÍ 2019
og tónlist og segist spenntur fyrir
þessu verkefni. „Ég fæ að upplifa
eitthvað nýtt. Það finnst mér frá-
bært.“
Stefna á fleiri verðlaun
Þættirnir eru margverðlaunaðir og
hafa vakið athygli víða um heim að
sögn Elínar Sveinsdóttur sem sér um
dagskrárgerð þeirra. „Við fáum fyr-
irspurnir alls staðar að úr heiminum
og ég veit ekki betur en að þessir
þættir séu alveg einstakir í sinni
röð,“ segir Elín.
Þættirnir hafa verið tilnefndir sex
sinnum til Eddu-verðlaunanna og
hlotið þau einu sinni, fengið Hvatn-
ingarverðlaun Öryrkjabandalagsins,
Samfélagsverðlaun Fréttablaðsins
og viðurkenningu Mannréttindasviðs
Reykjavíkurborgar, svo nokkuð sé
nefnt. Elva og Magnús segjast ekki
eiga von á öðru en að sigurgangan
haldi áfram. „Auðvitað stefnum við á
fleiri tilnefningar og fleiri verðlaun,“
segir Elva. „Við þurfum að halda
þessum standard uppi,“ segir Magn-
ús hlæjandi og bætir við að ein skýr-
ingin á vinsældum þáttanna sé að
þeir sýni að fatlað fólk sé síður en svo
einsleitur hópur. „Það eru nefnilega
ekki allir eins,“ segir Magnús.
ir. „Ég hef mikinn áhuga á íþróttum,
ég hef verið í fimleikum í 21 ár og
unnið við fimleikaþjálfun,“ segir Elva
sem sinnir ýmsum verkefnum hjá
fimleikafélaginu Gerplu og vinnur
auk þess í Bæjarlínu Kópavogs, sem
er rúta sem ekur skólabörnum í
Kópavogi á íþróttaæfingar. „Ég
passa upp á að þau hagi sér vel,“ seg-
ir Elva og hlær.
Magnús kom að vinnslu og klipp-
ingu kynningarmyndbands fyrir
Heimsleika fatlaðra, en þættir um
leikana voru nýverið sýndir á RÚV.
Reyndar tók Magnús sjálfur þátt í
leikunum þar sem hann keppti í fim-
leikum, en við vinnslu myndbandsins
komst hann í kynni við framleiðendur
Með okkar augum og var í framhald-
inu boðið að slást í hópinn. „Ég sagði
strax já,“ segir Magnús sem stundar
nám við Fjölbrautaskóla Suðurnesja
þar sem hann lærir m.a. kvikmynda-
gerð, en hann hefur klippt myndefni
síðan hann var sex ára. Magnús seg-
ist ekki alls ókunnugur því að vera í
sviðsljósinu, en hann er trommari í
Tólfunni, stuðningsmannasveit ís-
lensku landsliðanna í knattspyrnu, og
hefur komið fram víða af því tilefni.
Hann hefur hug á að í þættinum
verði meiri umfjöllun um kvikmyndir
Anna Lilja Þórisdóttir
annalilja@mbl.is
Þau voru beðin um að vera með og
sögðu já. Flóknara var það nú ekki
þegar þau Elva Björg Gunnarsdóttir
og Magnús Orri Arnarson slógust
nýverið í hóp umsjónarmanna eins
vinsælasta og langlífasta sjónvarps-
þáttar landsins; Með okkar augum.
Þátturinn hefur verið sýndur á RÚV
frá árinu 2010 og mun hefja göngu
sína 9. árið í röð í haust.
Í þættinum skoðar fólk með
þroskahömlun málefni líðandi stund-
ar, spyr spurninga, skemmtir og
fræðir og í næstu þáttaröð verða sex
umsjónarmenn, sem eru, auk Elvu og
Magnúsar, þau Steinunn Ása Þor-
valdsdóttir, Katrín Guðrún Tryggva-
dóttir, Ásgeir Tómas Arnarson og
Andri Freyr Hilmarsson. Elva segist
ekki hafa starfað áður við fjölmiðla,
en þurfti ekki að hugsa sig lengi um
þegar henni var boðið starfið. „Ég
hlakka til að hitta allskonar fólk og
taka viðtal við það,“ segir Elva, en
tökur á næstu þáttaröð hefjast í
næstu viku.
Spurð hvernig hún hyggist setja
mark sitt á þáttinn segist hún gjarn-
an vilja leggja meiri áherslu á íþrótt-
Ljósmynd/Elín Sveinsdóttir
Með okkar augum Frá vinstri: Steinunn Ása, Magnús, Elva, Ásgeir, Katrín og Andri. Tökur hefjast í næstu viku.
„Það eru nefnilega
ekki allir eins“
 Með okkar augum fær öflugan liðsauka Elvu og Magnúsar
Guðni Einarsson
gudni@mbl.is
Landeyjahöfn var opnuð í gær en
hún hafði verið lokuð frá því í nóv-
ember. Herjólfur sigldi sjö ferðir
milli lands og Vestmannaeyja.
„Ég er mjög kátur,“ sagði Guð-
bjartur Ellert Jónsson, fram-
kvæmdastjóri Herjólfs ohf. sem ann-
ast nú rekstur ferjunnar. Hann sagði
að Herjólfur hefði áður siglt fimm
ferðir á dag í Landeyjahöfn og sex
yfir háannatímann. „Við höfum ein-
sett okkur að sigla sjö ferðir alla
daga,“ sagði Guðbjartur. „Um leið
og Landeyjahöfn opnast kviknar líf
hér í Eyjum. Það er allt annað að
sigla þessa stuttu leið en til Þorláks-
hafnar. Það varð algjör viðsnúningur
í bæjarlífinu og mjög margir ferða-
menn. Ég heyri ekki annað en að
rekstraraðilar hér brosi nú allan
hringinn.“
Guðbjartur sagði að Landeyja-
höfn hefði verið lokuð óvenju lengi í
vetur og Herjólfur því siglt tvær
ferðir á dag til Þorlákshafnar. Hann
sagði vonir bundnar við að Land-
eyjahöfn haldist opin í allt sumar.
„Aðilar komu sér saman um að
halda áfram dýpkun þó að við séum
að sigla okkar áætlun. Björgun mun
dýpka að næturlagi þegar við erum
ekki að sigla. Það þarf að taka meira
úr höfninni. Núna er þar lágmarks-
dýpi,“ sagði Guðbjartur. Hann segir
að dýpkunarskipið Dísa geti athafn-
að sig þótt Herjólfur sinni áætlun því
það siglir fyrir eigin vélarafli.
Dýpkunarpramminn Reynir, sem
er búinn skurðgröfu, og sandflutn-
ingaskipið Pétur mikli munu hins
vegar vinna að dýpkun á nóttinni.
Draga þarf Reyni til og frá og þegar
hann vinnur að dýpkun er skotið
stoðum niður á sjávarbotn og sandi
síðan mokað upp í Pétur mikla. Veð-
urspáin er hagstæð næstu daga og er
því vonast til að dýpkunarstörfin
getu haldið áfram snurðulaust.
Sumarið kom í gær
„Við opnuðum klukkan ellefu í
morgun og á tveimur klukkutímum
kom jafn mikið í kassann í Eldheim-
um og við fengum á tveimur vikum í
apríl,“ sagði Kristín Jóhannsdóttir
safnvörður í gær. Hún sagði þetta
vera dæmi um hvernig ferðaþjónust-
an í Vestmannaeyjum hefur liðið
vegna lokunar Landeyjahafnar að
undanförnu.
„Nú er allt í einu komið sumar og
stanslaus straumur af fólki og við
komin í ferðaþjónustu! Þetta hefur
verið hörmung fram að þessu. Ég
var með bókaða stóra og smáa hópa
frá því í mars. Hver einasti þeirra af-
pantaði heimsóknina,“ sagði Kristín.
Algjör viðsnún-
ingur í bæjarlífinu
 Herjólfur siglir sjö ferðir á dag
Ágúst Ólafur
Ágústsson, þing-
maður Samfylk-
ingarinnar, hef-
ur ákveðið að
láta af störfum
sem varaforseti
fjárlaganefndar
Alþingis. Þetta
staðfestir þing-
flokksformaður
Samfylkingar-
innar, en Ágúst Ólafur sneri í gær
aftur til starfa á Alþingi eftir leyfi.
Ágúst Ólafur fór fyrst í tveggja
mánaða leyfi í lok síðasta árs eftir
að hann fékk áminningar frá trún-
aðarnefnd flokksins vegna fram-
komu sinnar í garð konu í byrjun
síðasta sumars. Hann áreitti hana
kynferðislega og þegar hún hafnaði
honum ítrekað fór hann særandi
orðum um hana. Í febrúar tilkynnti
Ágúst Ólafur svo að hann færi í
framhaldinu í veikindaleyfi.
Inga Sæland, formaður Flokks
fólksins, tekur við varaformennsku.
Hættir sem varafor-
maður í fjárlaga-
nefnd Alþingis
Ágúst Ólafur
Ágústsson
Rafhitun
Kaplahrauni 19 • Hafnarfirði • Sími: 565 3265 • ww.rafhitun.is
Rafmagnshiti
undir parket – ekkert flot
Rafhitun ehf er fyrirtæki sem sérhæfir sig í heildarlausnum rafhitakerfa.
Við bjóðum einungis úrvals tæki sem hafa sannað sig með áralangri reynslu.
Guðmundur Magnússon
gudmundur@mbl.is
Fyrirhugað er að málefni Húss ís-
lenskra fræða verði rædd í ráðherra-
nefnd um ríkisfjármál í byrjun næstu
viku. Þetta segir upplýsingafulltrúi
menntamálaráðuneytisins í svari við
fyrirspurn Morgunblaðsins. Bygging
hússins, sem verður við Arngríms-
götu, steinsnar frá Veröld – húsi Vig-
dísar og Þjóðarbókhlöðunni, var boð-
in út í nóvember í fyrra en þegar
tilboð voru opnuð í febrúar reyndust
þau öll vera 20 til 30% yfir áætlun.
Hefur málið síðan verið til skoðunar
hjá Lilju Alfreðsdóttur, mennta- og
menningarmálaráðherra, og m.a.
komið til álita að bjóða verkið út að
nýju til þess að freista þess að fá hag-
stæðari tilboð.
Í ráðherranefndinni, sem fær nú
málið til umfjöllunar, sitja forsætis-
ráðherra, fjármála- og efnahagsráð-
herra og samgöngu- og sveitarstjórn-
arráðherra. Hlutverk nefndarinnar
er að skipuleggja vinnubrögð á sviði
ríkisfjármála á vettvangi ríkisstjórn-
arinnar og vinnubrögð gagnvart
ráðuneytum og Alþingi, svo sem um
stefnumótun í opinberum fjármálum,
undirbúning fjárlagagerðar, eftirlit
með framkvæmd fjárlaga og lang-
tímaáætlun í ríkisfjármálum. Búist er
við því að eftir fund nefndarinnar
skýrist hvort ráðist verður í nýtt út-
boð eða samið beint við verktaka.
Tilboðin sem bárust í byggingu
Húss íslenskra fræða voru frá Ístaki
hf., Íslenskum aðalverktökum hf. og
Eykt ehf. Kostnaðaráætlun verksins
nam rúmlega 3,7 milljörðum króna.
Lægsta tilboðið var frá Ístaki, um 4,5
milljarðar kr., en það er um 20% yfir
áætlun. Tilboð Íslenskra aðalverk-
taka var litlu hærra og tilboð Eyktar
um 5 milljarðar kr.
Skóflustunga að Húsi íslenskra
fræða var tekin í mars 2013, fyrir
rúmum sex árum. Þá athöfn fram-
kvæmdi þáverandi menntamálaráð-
herra, Katrín Jakobsdóttir. Búið var
að grafa grunn hússins þegar fram-
kvæmdum var frestað vegna bágrar
fjárhagsstöðu ríkissjóðs og hefur
grunnurinn staðið óhreyfður síðan.
Framhaldið skýrist eftir helgi
Morgunblaðið/RAX
Hús íslenskra fræða Grunnurinn hefur verið óhreyfður í rúm sex ár.
 Ráðherranefnd um ríkisfjármál fjallar um Hús íslenskra fræða í næstu viku
 Öll tilboð í bygginguna voru 20-30% yfir áætlun  Grunnurinn óhreyfður í sex ár