Morgunblaðið - 22.06.2019, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 22. JÚNÍ 2019
Fagleg og persónuleg húsfélagaþjónusta
Eignarekstur leggur áherslu á að einfalda
og hagræða málin fyrir húsfélög
Traust - Samstaða - Hagkvæmni
eignarekstur@eignarekstur.is • www.eignarekstur.is • Sími 566 5005
Ráðgjöf
Veitum faglega ráðgjöf
til húsfélaga
Bókhald
Höfum umsjón með
bókhaldi fyrir húsfélög
Þjónusta
Veitum persónulega þjónustu
sem er sérsniðin að hverju
og einu húsfélagi
Höskuldur Daði Magnússon
Gunnlaugur Snær Ólafsson
Forkólfar í atvinnulífinu lýstu í gær
margir yfir furðu með þá ákvörðun
fulltrúaráðs VR að afturkalla umboð
fjögurra stjórnarmanna sem tilnefnd-
ir voru af stéttarfélaginu í stjórn Líf-
eyrissjóðs verslunarmanna.
Guðrún Hafsteinsdóttir, varafor-
maður stjórnarinnar, segir í samtali
við Morgunblaðið að staðan sé graf-
alvarleg. Lífeyrissjóður verslunar-
manna sé einn stærsti fjárfestir á Ís-
landi og efasemdir um það hvort þar
sé starfhæf stjórn sé ólíðandi. „Ég
held að sú staða sem nú er komin upp
sé algert einsdæmi í íslenskri við-
skiptasögu. Allavega þekki ég engin
dæmi um viðlíka atburðarás,“ sagði
hún og bætti við: „Fyrir mig jaðrar
þessi ákvörðun við að vera ólögmæt.
Það er í það minnsta klárt að þetta
getur ekki talist til góðra stjórnar-
hátta – sem við í stjórn LV höfum haft
að leiðarljósi í okkar störfum.“
Fleiri töluðu á þessum nótum. Hall-
dór Benjamín Þorbergsson, fram-
kvæmdastjóri Samtaka atvinnulífsins,
sagði að þetta væri „mikil óheillaþró-
un“ og Ólafur Stephensen, fram-
kvæmdastjóri Félags atvinnurek-
enda, taldi hæpið að þessi ákvörðun
stæðist lög og samþykktir sjóðsins.
Framganga Ragnars Þórs Ingólfs-
sonar, formanns VR, er sömuleiðis
gagnrýnd. „Ragnar hefur sagt það í
viðtali að hann myndi gefa þær fyrir-
skipanir til okkar að við ættum ekki að
fjárfesta í ákveðnum fyrirtækjum. Við
sögðum honum að hann gæti sent inn
erindi til stjórnar en við værum ekki
að fara að taka við skipunum frá
skuggastjórnanda úti í bæ. Þá værum
við að brjóta gegn skyldum okkur og
það væri hægt að lögsækja okkur fyr-
ir það. Nú er Ragnar trúlega kominn
með fólk í stjórnina sem að hans mati
ætli að taka við þessum tilskipunum,“
segir Ólafur Reimar Gunnarsson, for-
maður stjórnar VR.
LV er ekki verkalýðsfélag
Undir þetta tekur Guðrún Haf-
steinsdóttir. „Ég vil minna á að Ragn-
ar, formaður VR, hefur ýjað að alls
konar afskiptum af stjórnarstörfum í
LV, til að mynda í viðtali á Hringbraut
fyrr á árinu. Hann hefur sagt í gær og
í dag að það nýja fólk sem kemur inn í
stjórnina sé verkalýðssinnaðra og að
það muni vinna eftir áherslumálum
VR og ASÍ. Lífeyrissjóður LV er ekki
verkalýðsfélag, heldur lífeyrissjóður.
Okkar hlutverk er ekki að bera
ábyrgð á kjarasamningum heldur að
taka á móti iðgjöldum og ávaxta þau
eins vel og framast er unnt og að
greiða fólki lífeyri. Stærsti hluti líf-
eyrisþega sjóðsins er fólk sem er búið
að ljúka starfsævi sinni. Eigum við að
niðurgreiða lán til eins hóps og taka
áhættuna af því að þurfa að skerða
bætur til þeirra sem eru búnir að ljúka
starfsævinni?“
Guðrún segir að staðan verði metin
frekar í næstu viku. „En ég vil varpa
þeirri spurningu til minna sjóðfélaga,
sem margir eru í VR, hvort þeim
hugnist þetta vinnulag sem þarna er
haft. Það var auglýst eftir fólki sem
væri tilbúið að setjast í stjórn lífeyr-
issjóðsins fyrr á árinu en þegar til kom
treysti VR sér ekki til að skipa stjórn
sjóðsins til næstu þriggja ára. Skila-
boðin sem ég fékk voru að það hefði
enginn nógu hæfur sótt um. Þó voru
þrír af fjórum stjórnarmönnum á
meðal umsækjenda sem hafa verið
metnir hæfir af FME. Þess í stað var
ákveðið að skipa hópinn áfram til
bráðabirgða til haustsins og núna ætla
þeir að skipa aftur til bráðabirgða
fram á haust. Manni finnst þetta an-
kannalegt. Og eftir því sem ég kemst
næst þá var stjórnarfundur VR í vik-
unni einkennilegur enda var búið að
tala við allt þetta fólk sem nú er búið
að tilnefna og bjóða því sæti í stjórn-
inni fyrir fundinn. Það er ekki skrítið
að það samþykki þessa atburðarás
þegar hún er síðan borin upp.“
Telur VR í fullum rétti
„Ég held að þegar helstu lobbíistar
hagsmunaafla atvinnulífsins eru farn-
ir að skipta sér af því hvernig við kjós-
um í stjórn lífeyrissjóðsins undirstriki
það að við séum á hárréttri leið,“ segir
Ragnar Þór Ingólfsson, formaður VR.
„Ekki höfum við verið að skipta okkur
af því hvaða fulltrúa Félag atvinnu-
rekenda eða Samtök atvinnulífsins
skipa þar inn. Við erum í fullum rétti
að gera þetta, reglurnar eru alveg
kýrskýrar. Fulltrúaráð VR má aftur-
kalla umboð stjórnarmanna hvenær
sem það vill, það eru reglurnar sem
við höfum og það er enginn ágrein-
ingur um það innan okkar raða.“
Lýsa óánægju með ákvörðun VR
 Ákvörðun VR að skipta út stjórnarmönnum í LV afar umdeild  „Ólíðandi“ að óvissa sé um hvort
stjórnin sé starfhæf  Áhöld um lögmæti ákvörðunarinnar  Erum í fullum rétti, segir formaður VR
Guðrún
Hafsteinsdóttir
Ragnar Þór
Ingólfsson
Stjórnarmennirnir fjórir sem
misstu umboð sitt þegar full-
trúaráð VR afturkallaði það
eru þeir Ólafur Reimar Gunn-
arsson, viðskiptafræðingur
og stjórnarmaður í VR, Magn-
ús Ragnar Guðmundsson,
verkefnisstjóri hjá HÍ, Ína
Björk Hannesdóttir, starfs-
maður hjá Marel, og Auður
Árnadóttir, fjármálastjóri hjá
Advania Data Centers.
Í stað þeirra hafa verið
skipaðir Bjarni Þór Sigurðs-
son, verkefnastjóri á auglýs-
ingadeild Vísis.is og stjórn-
armaður í VR, Guðríður Svana
Bjarnadóttir lögfræðingur,
Helga Ingólfsdóttir, bæjar-
fulltrúi í Hafnarfirði og
stjórnarmaður í VR, og Stefán
Sveinbjörnsson, fram-
kvæmdastjóri VR.
Fjórir út og
fjórir inn
BREYTINGAR Á STJÓRN LV
Fjölmenni var við útför fjölskyld-
unnar sem fórst í flugslysi við Múla-
kot í Fljótshlíð 9. þessa mánaðar,
hjónanna Ægis-Ibs Wessman og Ell-
enar Dahl Wessman og sonar þeirra
Jons Emils Wessman.
Útförin var gerð frá Hallgríms-
kirkju. Séra Skúli Sigurður Ólafsson
jarðsöng og orgelleikari var Björn
Steinar Sólbergsson. Flemming
Gauti, bróðir Ægis-Ibs, minntist
hinna látnu og systir þeirra, Berg-
þóra Laila, lék á saxófón við athöfn-
ina.
Ægir-Ib var fæddur 12. september
1963. Hann starfaði sem flugstjóri.
Ellen Dahl var fædd 26. júní 1964.
Hún var sjúkraþjálfari.
Jon Emil var fæddur 10. ágúst
1998. Hann var í námi til atvinnu-
flugsréttinda.
Ægir-Ib og Ellen Dahl láta eftir
sig tvö uppkomin börn, Idu Björg
Wessman og Thor Ib Wessman.
Myndin var tekin við Hallgríms-
kirkju eftir athöfnina í gær. Skyld-
menni og vinir fjölskyldunnar báru
kisturnar þrjár úr kirkju. Morgunblaðið/Hari
Fjölmenn
útför fjöl-
skyldu