Morgunblaðið - 22.06.2019, Blaðsíða 23

23
MORGUNBLAÐIÐ LAUGARDAGUR 22. JÚNÍ 2019
Á flugi með flugu Maríuerla flýgur með goggfylli af flugu í hreiður sitt á kletti nálægt Akranesi. Maríuerlur verpa á sveitabæjum, í þéttbýli, klettum við sjó, við vötn og ár og víðar á láglendi.
Bogi Þór Arason
Velferð verður
ekki til með boðum
og bönnum. Hagsæld
verður ekki til með
höftum og hindr-
unum. Jöfnuður
næst ekki á for-
sendum öfundar. Grunnforsenda ár-
angurs á þessum sviðum sem öðrum
er frelsi og trúin á einkaframtakið.
Sjálfstæðisflokkurinn hefur frá
upphafi gengið fram undir gunn-
fánum einkaframtaksins. Hann er sá
flokkur sem öðrum fremur hefur
mótað viðskiptalíf þjóðarinnar allt
frá stofnun hans fyrir 90 árum.
Hann er sá flokkur sem lagði þá
braut sem þjóðin ferðaðist eftir á
leið til þess mikla árangurs sem
náðst hefur. Enn er verk að vinna. Í
dag er ekki svigrúm til að sofna á
verðinum. Það eru blikur á lofti í
efnahag þjóðarinnar. Ef við Íslend-
ingar ætlum ekki að dragast aftur úr
nágrannaþjóðum okkar þá þarf að
auka útflutning um 1.000 milljarða
næstu 20 árin.
Einkageirinn þarf að vaxa
Það er afar brýnt að tafarlaust
verði ráðist í aðgerðir til að draga úr
ríkisbákninu og auka hlutfall einka-
geirans. Umsvif hins opinbera eru of
mikil á Íslandi. Um 40% af þeim
verðmætum sem sköpuð eru í land-
inu er ráðstafað af hinu opinbera, að
frátöldum útgjöldum til ellilífeyris
og atvinnuleysis. Fyrir hverja 100
einstaklinga sem störfuðu í einka-
geiranum árið 2018 var 121 sem
gerði það ekki. Hlutfall opinberra
starfsmanna hækkaði í fyrra og þótti
þó mörgum nóg um. Forsenda lífs-
gæða á Íslandi er blómlegt við-
skiptalíf sem skapar verðmæti. Við
Íslendingar erum umfram flesta
háðir útflutningi og hann verður að
nær öllu leyti til í einkageiranum. Án
útflutnings væri enginn gjaldeyrir
til innflutnings og öllum má ljóst
vera að velferð okkar er þar undir.
Draga þarf úr álögum
á fyrirtæki
Fyrirtækjarekstur á Íslandi er í
alþjóðlegri samkeppni. Það á ekki
bara við um útflutningsgreinar eins
og sjávarútveg og ferðaþjónustu.
Fatabúðin í Kringlunni keppir við
kínverska vefsíðu, hand-
verksbakarinn á Ísafirði
keppir við hollenska köku-
gerð og smiðurinn í upp-
sveitum Árnessýslu við
innflutt einingahús. Það
er eðli frjáls markaðar og
ekkert nema gott um það
að segja. Vandinn er hins-
vegar sá að álögur á ís-
lensk fyrirtæki eru of há-
ar. Hér á landi eru
einhverjir hæstu skattar
meðal þróaðra ríkja. Þótt
taki beri viljann fyrir verkið þá þarf
að ganga langtum lengra í að draga
til baka þær miklu skattahækkanir
sem gripið var til eftir hrun. Hafa
þarf hugfast að þegar allt kemur til
alls þá lenda skattar ætíð að lokum á
almenningi. Frá árinu 2009 hafa
heildarskatttekjur ríkissjóðs á mann
vaxið um 43% að raunvirði. Jafn-
gildir það ríflega 640 þús. kr. á hvern
Íslending. Hér þurfa sveitarfélög
sannarlega einnig að gyrða sig í
brók. Fasteignaskattar á fyrirtæki
hafa hækkað um 94% frá upphafi
2011 og slík skattheimta er ekki takt
við neinn ytri veruleika.
Nýta þarf náttúruauðlindirnar
Ísland er þeirrar gæfu aðnjótandi
að vera ríkt af náttúruauðlindum.
Sjálfgefið er að standa þarf dyggan
vörð um að nýting þeirra sé sjálf-
bær. Flestum ber saman um að eitt-
hvert stærsta framlag Íslendinga í
loftslagsmálum geti orðið alvöru
þátttaka í að fæða heiminn. Vegna
landgæða, orku og vatns eru fáir
staðir í heiminum heppilegri til
framleiðslu á mat. Hefðbundinn
landbúnaður og fiskveiðar eiga
sannarlega mikið inni en ekki síður
er brýnt að nýjar greinar hér á
landi, svo sem fiskeldi, ræktun í há-
tæknigróðurhúsum o.fl. fái stuðning
til að vaxa hér og dafna. Heftandi
reglugerðir og tortryggni veldur
bæði efnahagslegum og umhverf-
islegum skaða.
Sjálfstæðisflokkurinn er það afl
sem knúið hefur vél atvinnulífsins
seinustu 90 ár. Á þeim forsendum
hafa skapast aðstæður til velferðar,
þjóðinni allri til handa.
Það þarf framsýni og kjark við
hvert skref þegar leiða á þjóð. Það
er mikilvægt að standa með atvinnu-
lífinu og taka ákvarðanir sem
styrkja samkeppnishæfni Íslands
svo framtíðin sé okkar.
Eftir Daníel
Jakobsson,
Elliða Vignisson,
Jens Garðar
Helgason og
Völu Pálsdóttur
» Forsenda lífsgæða á
Íslandi er blómlegt
viðskiptalíf sem skapar
verðmæti.
Daníel Jakobsson
Daníel er bæjarfulltrúi á Ísafirði.
Elliði er bæjarstjóri í Ölfusi. Jens
Garðar er bæjarfulltrúi í Fjarða-
byggð. Vala er formaður Lands-
sambands sjálfstæðiskvenna.
Frelsi og trúin á einkaframtakið er forsenda árangurs
Elliði Vignisson Jens Garðar Helgason Vala Pálsdóttir