Morgunblaðið - 22.06.2019, Blaðsíða 29

MINNINGAR 29
MORGUNBLAÐIÐ LAUGARDAGUR 22. JÚNÍ 2019
✝ Peter Ander-sen fæddist 12.
júlí 1938 í Nyköb-
ing á Falstri í Dan-
mörku. Hann lést á
heimili sínu á Fre-
deriksberg 17. maí
2019.
Foreldrar hans
voru Jens And-
ersen kaupmaður,
f. 21.2. 1904, d.
25.8. 1988, og Kar-
itas Sigurlaug Björnsdóttir, bet-
ur þekkt sem Karilla, f. 2.4.
1906, d. 23.11. 1988.
Karílla var dóttir hjónanna
Björns Ólafssonar augnlæknis
og Sigrúnar Ísleifsdóttur. Björn
lést þegar Karilla var 3 ára
gömul og systir hennar Ingi-
björg 2 ára. Ingibjörg lést árið
1918, þá 11 ára gömul. Sigrún
giftist síðar Þorleifi H. Bjarna-
syni, yfirkennara við Lærða
skólann, og átti með honum
þrjá syni. Leif Björn, f. 1912, og
Inga Hákon, f. 1914. Þeir létust
báðir af slysförum í blóma lífs-
ins. Yngsti sonur þeirra, Gunn-
ar, lést á barnsaldri.
Systir Peters var Sigrún, f.
26.11. 1934, d. 18.3. 2004. Sig-
rún var gift John Plenov og áttu
þau 3 dætur, Kristine, Liselotte
herskyldu í flugher Dana en hóf
svo starf við rannsóknir og
kennslu við H.C. Örsted stofnun
Hafnarháskóla. Þar starfaði
hann þar til hann fór á eftir-
laun.
Peter fékk snemma ást á Ís-
landi og kom fyrst til landsins
með fjölskyldu sinni, barn að
aldri. Þar kynntist hann stórum
frændgarði. Sautján ára kom
hann einn síns liðs að heim-
sækja ömmu sína Sigrúnu í
Tjarnargötunni og fékk sumar-
vinnu hjá móðurbróður sínum
Inga H. Bjarnasyni sem rak þá
rannsóknarstofu Hvals hf. í
Hvalstöðinni. Þeir frændurnir
og fjölskylda Inga urðu góðir
vinir og sagði Peter að það
hefði verið fyrir áhrif Inga að
hann ákvað að gera efnafræði
að ævistarfi.
Peter og Lis komu oft til Ís-
lands og ólu börn sín upp í sama
anda. Þau Ida, Jens og Rasmus
komu því til Íslands með for-
eldrunum og síðar á eigin veg-
um og mynduðu sterk tengsl við
ættingja og vini á Íslandi.
Peter var virkur félagi í
Dansk Islandsk Samfund í
Kaupmannahöfn og heimili
þeirra hjóna Lis og Peters var
ávallt opið fyrir ættingja og vini
frá Íslandi líkt og var á
bernskuheimili Peters áður.
Útför Peters hefur farið fram
á Frederiksberg.
og Karen sem búa í
Danmörku með
fjölskyldum sínum.
Eiginkona Pet-
ers er Karen Lis
Andersen, f. Han-
sen, f. 9.3. 1939. Lis
lauk mastersprófi í
grísku og latínu og
starfaði hjá Kaup-
mannahafnar-
háskóla.
Peter og Lis
gengu í hjónaband 24. júlí 1965.
Börn þeirra eru: 1) Ida, yf-
irlæknir í Kaupmannahöfn, f.
12. ágúst 1967. Hún giftist Finn
Gustafsson yfirlækni en þau
skildu. Börn Idu og Finns eru:
Asger, f. 1996, Freja, f. 1999, og
Sigrid, f. 2001. 2) Jens, f. 10.1.
1970, listmálari og myndlist-
arkennari. Hann er giftur Mette
Bramsen og eiga þau eina dótt-
ur Frida Xiao, f. 2006. 3) Ras-
mus, f. 27.4. 1973, jarðfræð-
ingur. Hann er giftur Karen
Hellemann. Börn þeirra eru Ak-
sel, f. 2011, Johan, f. 2013, og
Eva, f. 2015.
Peter bjó í foreldrahúsum í
Nyköbing á Falstri þar til hann
hóf nám í efnafræði við Kaup-
mannahafnarháskóla árið 1956.
Að loknu því námi sinnti hann
Fallinn er frá Peter Andersen,
frændi minn og vinur til margra
ára.
Ég kynntist Peter þegar ég var
við nám í Danmörku, enda var
mikill samgangur og ég alltaf vel-
kominn til Karillu og Jens, for-
eldra hans, hvort sem var í Kaup-
mannahöfn, í Nyköbing á Falstri,
á búgarðinn Langebæk eða í hinn
fallega sumarbústað þeirra í
Marienlyst. Við Peter fórum oft
saman til þeirra og nutum þess að
komast burt úr skarkala höfuð-
borgarinnar. Elsta dóttir mín Ás-
dís er skírð í litlu sveitakirkjunni á
Langebæk og hélt Karilla henni
undir skírn.
Peter og Lis kona hans komu
oft til Íslands og ferðuðust mikið
um landið. Naut Peter þessara
heimsókna, enda var hann mikill
Íslendingur í sér.
Þegar ég hélt upp á sjötugsaf-
mæli mitt í Kaupmannahöfn
ásamt börnum mínum og mökum
þeirra buðu Peter og Lis okkur
öllum í veislu á Marienlyst. Þar
hittum við fjölskyldu þeirra og
Sigrúnar, systur Peter, og var
kátt á hjalla. Okkur er minnis-
stætt þegar við sátum öll kringum
mikið langborð sem svignaði und-
an dádýrssteikum og öðrum
kræsingum, en Peter og Lis voru
rómaðir gestgjafar. Það sem mest
var um vert var að þarna hittust
íslenska og danska fjölskyldan og
ekki síst yngri kynslóðin sem ekki
hafði mörg tækifæri til að kynn-
ast.
Minningin um ljúfan, skemmti-
legan og frændrækinn mann lifir.
Ólafur Gíslason.
Kæri frændi minn og vinur,
Peter Andersen, er látinn eftir
erfið veikindi. Hann lést á heimili
sínu í Kaupmannahöfn 17. maí sl.
Peter var sonur hjónanna Kar-
ítasar Sigurlaugar Björnsdóttur
sem ávallt var kölluð Karilla og
Jens Andersen kaupmanns.
Móðurforeldrar Peters voru
hjónin Sigrún Ísleifsdóttir og
Björn Ólafsson augnlæknir. Sig-
rún var afasystir mín. Alla tíð voru
mikil tengsl við Ísland, Peter kom
oft á unglingsárum með foreldr-
um sínum til Íslands, bæði til að
hitta ömmu sína, sem bjó á Tjarn-
argötu 18, svo og mörg skyld-
menni. Hann dvaldi stundum
sumarlangt hér og við þessi fyrstu
kynni tókst mikil og sönn vinátta
okkar, sem hélst alla tíð þrátt fyrir
fjarlægðina.
Mín fyrsta heimsókn til Dan-
merkur var árið 1953 og þá lá auð-
vitað leiðin til Karillu frænku í
Danmörku. Heimili hennar og
Jens stóðu mér og allri minni fjöl-
skyldu alla tíð opin. Þau hjónin
voru einstaklega gestrisin og
rausnarleg heim að sækja. Peter
og eldri systir hans Sigrún áttu
einnig ríkan þátt í þeirri elsku-
semi og gestrisni, sem okkur var
ætíð sýnd. Foreldrarnir bjuggu í
Nyköbing á Falster, og áttu sum-
arhús á Marienlyst og búgarð á
Suður-Sjálandi. Við vorum boðin á
alla þessa staði og ávallt tekið opn-
um örmum.
Peter giftist konu sinni Lis
Hansen árið 1965 og hafa þau allt
til andláts Peters gengið saman
farsælan lífsveg og eignast mann-
vænleg börn og barnabörn. Ég og
Eiður Ágúst, eiginmaður minn,
áttum í rúma 2 áratugi heimili í
Köln og Aachen í Þýskalandi og á
þeim árum lágu leiðir okkar Pet-
ers og fjölskyldu hans oft saman.
Við hjónin ókum gjarnan til Dan-
merkur til fundar við þau og aðra
úr fjölskyldu okkar. Einnig, þegar
þau lögðu leið sína suður á bóginn
komu þau yfirleitt við hjá okkur.
Alltaf voru þau aufúsugestir og
við nutum samvista, sérlega und-
um við okkur við að spila bridge.
Sama gilti hjá Sigrúnu systur Pet-
ers og fjölskyldu hennar.
Eftir að við hjónin fluttum til
Íslands urðu fundir okkar færri,
en alltaf jafn innilegir. Nú síðast
átti ég ógleymanlegan dag með
Peter, Lis og öllum börnum,
tengda- og barnabörnum ásamt
systradætrum og þeirra fjölskyld-
um í tilefni áttræðisafmælis Pet-
ers þann 12. júlí 2018, þar sem
haldin var veisla í sumarhúsi fjöl-
skyldunnar í Marienlyst. Þetta
var ákaflega eftirminnileg afmæl-
isveisla í yndislegu sumarveðri.
Í þessu umhverfi minnist ég
minna síðustu samvista með
frænda mínum Peter Andersen.
Með einlægu þakklæti fyrir allar
góðu stundirnar, gestrisni, tryggð
og vináttu sendi ég Lis, Idu, Jens
og Rasmus ásamt fjölskyldum
innilegar samúðarkveðjur.
Lucinda Grímsdóttir.
Peter Andersen var mér sem
eldri bróðir og kær vinur. Móðir
hans, Karilla, og faðir minn, Grím-
ur Gíslason, voru systkinabörn og
jafnframt mjög nánir vinir, Kar-
illa minntist þess oft að hún var
viðstödd skírn Gríms frænda síns
7 ára gömul.
Karilla giftist Jens Andersen
kaupmanni frá Lálandi í Dan-
mörku og eignuðust þau tvö börn,
Sigrúnu sem lést 2004 og Peter
sem kvaddur er nú. Samband milli
Íslands og Danmerkur rofnaði í
heimsstyrjöldinn síðari en að
henni lokinni fóru Karilla og fjöl-
skylda hennar að koma reglulega
til Íslands og ættingjar héðan að
fara í heimsókn til þeirra í Dan-
mörku.
Grímur og Inga, foreldrar mín-
ir, tengdust þeim Jens og Karillu
tryggðaböndum og þegar ég fór
til Danmerkur til náms árið 1961
greiddu þau hjón ásamt Peter og
Sigrúnu götu mína við að setjast
að í Kaupmannahöfn. Peter tók á
móti mér á flugvellinum og hafði
útvegað mér herbergi og upp frá
því vorum við óaðskiljanlegir.
Vinátta okkar Peters náði langt
út fyrir bönd skyldleikans og þeg-
ar ég giftist Önnu Björk og hann
kynntist Lis konu sinni urðum við
fjögur mjög náin. Svo komu börn-
in, Anna Birna okkar fæddist
1963, og svo Örn okkar og Ida
elsta barn Peters og Lis á sama
ári 1967. Steinar okkar og Jens
fæddust með nokkurra mánaða
millibili tveimur og hálfu ári síðar
og svo fæddist Rasmus 1973. Sig-
rún systir Peters eignaðist þrjár
dætur, Stine, Liselotte og Karen,
sem eru á svipuðu reki og okkur
mjög nánar.
Svona gekk það öll árin sem við
áttum saman. Börnin tóku svo við
og á unga aldri fóru börn okkar
ein í heimsókn til frændfólksins í
Danmörku og Ida, Jens og Ras-
mus komu hingað.
Þegar ég varð sjötugur hélt ég
upp á það í Marienlyst í sumar-
húsi Peters og fjölskyldu. Börn
okkar Önnu Bjarkar komu, svo og
börn Peters og Lis og Sigrúnar
systur hans. Auk þess komu flest
tengdabörn og barnabörn. Þetta
var dásamlegt ættarmót og mér
varð ljóst hve ríkur ég var að eiga
þessa nánu fjölskyldu í Dan-
mörku. Ég er fullur þakklætis fyr-
ir að það er traust brú milli kyn-
slóðanna og fyrir nokkrum árum
flutti Anna Birna, elsta dóttir okk-
ar Önnu Bjarkar, til Danmerkur
og er góður tengiliður við fjöl-
skylduna í Danmörku.
Síðasti fundur okkar Peters var
um jólin 2018 en þá var mjög af
honum dregið. Hann sagðist vera
lystarlítill en gæti þó alltaf nærst
á íslenskum harðfiski með vænni
danskri smjörklípu. Í vanmætti
mínum í sjúkdómi Peters frænda
gat ég þó séð honum fyrir harð-
fiski fram til hins síðasta.
Við Anna Björk og börn okkar,
Anna Birna, Örn og Steinar, og
fjölskyldur þeirra sendum Lis,
Idu, Jens og Rasmus innilegar
samúðarkveðjur.
Systkinin Dóra Sigríður, Ingi-
björg og Ingi Bjarnason biðja fyr-
ir kærar kveðjur með innilegri
samúð til fjölskyldu Peters í Dan-
mörku. Faðir þeirra, Ingi. H.
Bjarnason, og Karilla, móðir Pet-
ers, voru systkin.
Einnig flyt ég kærar kveðjur
með söknuði frá Höllu frænku
Peters og fjölskyldu hennar. Þau
frændsystkin voru afar nánir
trúnaðarvinir.
Almar Grímsson.
Með Peter Andersen er geng-
inn góður drengur og vinfastur,
ljúflingur og listfengur. Hans
verður sárt saknað af okkur af-
komendum Önnu Jónsdóttur,
frænku hans, og Torfa Hjartar-
sonar.
Karilla móðir Peters og Anna
móðir mín voru afkomendur Ólafs
Sigurðssonar umboðsmanns og
alþingismanns að Ási í Hegranesi
og Sigurlaugar Gunnarsdóttur frá
Skíðastöðum, stofnanda fyrsta
kvenfélags á Íslandi. Þau hjón eru
m.a. kunn sem byggjendur Ás-
hússins, er nú stendur að
Glaumbæ í Skagafirði. Sonur
þeirra var Sigurður bóndi og
hreppstjóri á Hellulandi í Hegra-
nesi, faðir Jóns vélfræðings í Hrís-
ey. Fyrri kona Jóns og móðir
Önnu var Sóley Jóhannesdóttir,
sem dó ung af berklum þegar
Anna var á 13. ári.
Annar sonur frá Ási var Björn
Ólafsson læknir á Akranesi og í
Reykjavík, frumkvöðull í augn-
lækningum hér á landi, sem lést
fyrir aldur fram 1909. Kona hans
og móðir Karillu var skörungur-
inn Sigrún Ísleifsdóttur frá Arn-
arbæli í Ölfusi, gjarnan kennd við
Tjarnargötu 18 í Reykjavík, sem
Björn byggði yfir fjölskyldu sína.
Sigrún bjó þar áfram með síðari
manni sínum, Þorleifi H. Bjarna-
son málfræðingi (d. 1935). Var
heimilið annálað fyrir rausn og
myndarskap.
Þegar Anna móðir mín kom til
Reykjavíkur til náms við Verslun-
arskóla Íslands tók Sigrún
Bjarnason hana strax undir
verndarvæng sinn. Var hún í fæði
í Tjarnargötunni og bjó þar að
hluta, allt þar til hún giftist föður
mínum í febrúar 1934 og fluttist til
Ísafjarðar. Má segja að Sigrún
hafi þarna gengið henni í móður-
stað, enda gáfu foreldrar mínir
einni dóttur sinni nafnið Sigrúnu.
Á þessum árum stofnuðust
vinabönd sem treystust eftir því
sem á leið. Þegar samgöngur eftir
styrjöldina komust í eðlilegt horf
hófust bréfaskipti við Karillu og
Jens eiginmann hennar og síðan
heimsóknir þegar færi gafst. M.a.
áttu systur mínar Sigrún og
Helga Sóley dvöl hjá þeim í Dan-
mörku. Jafnframt urðu fagnaðar-
fundir þegar Karilla og Jens eða
börn þeirra áttu leið til Íslands.
Amma Peters hafði að venju að
bjóða til veislu í Tjarnargötunni á
nýársdagskvöld. Þeirrar gestrisni
nutu foreldrar mínir eftir að þau
fluttust til Reykjavíkur 1943 og
mátu hana svo mikils að eftir frá-
fall Sigrúnar afréðu þau að halda
venjunni við og fagna nýárinu með
veislu á eigin heimili ásamt fólki
hennar.
Peter hóf að senda mér jólakort
6-7 ára gamall. Ég hafði ekki vit á
að svara strax í sömu mynt en
Peter lét það ekki á sig fá og hélt
uppteknum hætti. Ég bætti svo
ráð mitt þannig að gagnkvæmt
kortasamband hefur haldist til
þessa dags. Ég náði ekki að heim-
sækja Falstur en við Nanna kona
mín áttum nokkrar ógleymanleg-
ar heimsóknir á heimili Peters og
Lis að Fuglebakkevej á Friðriks-
bergi. M.a. fóru þau með okkur til
gistingar hjá foreldrum hans á
Langebæk, þar sem sjá mátti ali-
svín dafna í fyrirmyndarhúsum og
páfugla spássera utandyra.
Peter var afburða námsmaður
og stundaði einnig fiðluleik frá
barnsaldri. Töldu margir að hann
ætti að leggja tónlistina fyrir sig,
en hann valdi efnaverkfræðina.
Að námi loknu var hann ráðinn til
rannsókna og kennslu í H.C. Ör-
steds Institut við Hafnarháskóla
og vann þar ævistarf sitt. Það var
dæmigert einkenni Peters að
hann sóttist þar ekki eftir metorð-
um, heldur horfði hann til þeirra
framfara sem verkefnin sjálf gátu
stutt að.
Það var fagnaðarefni að kynn-
ast Lis, eiginkonu Peters, hátt-
settum starfsmanni í mennta-
málaráðuneyti Dana og síðan við
Hafnarháskóla. Þau voru
skemmtilega ólík hið ytra en hugir
þeirra og hjörtu áttu samleið með
augljósum hætti. Börnin þeirra
þrjú eru hvert öðru vænna og
bera foreldrunum fagurt vitni.
Það eru forréttindi að hafa átt
Peter Andersen að frænda og vini.
Við Nanna, systur mínar og syst-
urdætur sendum innilegar samúð-
arkveðjur til Lis og fjölskyldunn-
ar.
Hjörtur Torfason.
Peter Andersen
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
Elskuleg móðir okkar, amma og langamma,
AÐALHEIÐUR ELÍSABET
ÞORLEIFSDÓTTIR,
Lögmannshlíð,
áður til heimilis að
Arnarsíðu 2g, Akureyri,
lést sunnudaginn 16. júní. Útför hennar fer
fram frá Glerárkirkju fimmtudaginn 27. júní, klukkan 13.30.
Svanborg Stefanía Magnúsdóttir
Hugrún Marta Magnúsdóttir
Snæbjörn Magnússon
barnabörn, barnabarnabörn
og aðrir aðstandendur
Elskuleg móðir okkar og tengdamóðir,
GUÐLAUG G. JÓNSDÓTTIR,
áður til heimilis á Sléttuvegi 19,
lést á Hrafnistu í Reykjavík miðvikudaginn
5. júní
Útförin fer fram frá Áskirkju fimmtudaginn
27. júní klukkan 13.
Kolbrún Finnsdóttir Snorri Ingibergsson
Erna Finnsdóttir
Jón H. Finnsson
Hrönn Finnsdóttir Þráinn Sigurðsson
barnabörn, langömmubörn
og langalangömmubörn
Ástkær eiginkona mín, móðir, tengdamóðir,
amma og langamma,
GUNNHILDUR ÁGÚSTA EIRÍKSDÓTTIR,
Asparási 3, Garðabæ,
lést á líknardeild Landspítalans
fimmtudaginn 13. júní.
Að ósk hinnar látnu fer útför hennar fram í kyrrþey.
Þorleifur Markússon
dætur, tengdasynir,
barnabörn og barnabarnabörn
Faðir okkar, tengdafaðir, afi og langafi,
SIGURÐUR HJALTALÍN,
lést á sjúkrahúsi Akureyrar 4. júní.
Útförin hefur farið fram í kyrrþey.
Óskar Hjaltalín Elísa Stefánsdóttir
Sverrir Hjaltalín Halla Snorradóttir
Sigrún Hjaltalín Ragnar Jónsson
Bjarni Hjaltalín
Alfa Hjaltalín Sigurður Kristjánsson
Alfreð Hjaltalín Sólveig Hauksdóttir
Pálmi Hjaltalín
Jón Hjaltalín
barnabörn og barnabarnabörn