Morgunblaðið - 22.06.2019, Blaðsíða 39

FÓTBOLTI
Bjarni Helgason
bjarnih@mbl.is
Knattspyrnukonan Cloé Lacasse er
orðin gjaldgeng í íslenska kvenna-
landsliðið en hún hlaut íslenskan rík-
isborgararétt á fimmtudaginn var.
Cloé, sem er 25 ára gömul, er fædd í
Kanada en hún gekk til liðs við ÍBV í
Vestmannaeyjum árið 2015 og hefur
leikið með liðinu allar götur síðan.
Þrátt fyrir að hafa aðeins leikið með
liðinu í fjögur ár er Cloé annar
markahæsti leikmaður ÍBV í efstu
deild með 50 mörk í 73 leikjum en
sóknarmaðurinn öflugi hefur verið
einn besti leikmaður Íslandsmóts-
ins, ef ekki sá besti, undanfarin fjög-
ur ár.
Sigríður Lára Garðarsdóttir,
fyrirliði ÍBV og liðsfélagi Cloé, á að
baki 18 landsleiki fyrir Ísland en hún
telur að sóknarmaðurinn myndi nýt-
ast íslenska landsliðinu afar vel.
Leikmaður sem styrkir liðið
„Cloé á klárlega erindi í íslenska
landsliðið og hún hefur alla burði til
þess að standa sig mjög vel fyrir
land og þjóð. Ég hef spilað með
henni frá árinu 2015 og þekki hana
því mjög vel og það leikur ekki nokk-
ur vafi á því að hún myndi styrkja
liðið,“ sagði Sigríður Lára í samtali
við Morgunblaðið í gær.
„Landsliðið vill koma boltanum
fram völlinn þar sem styrkleikar
liðsins, undanfarin ár, hafa kannski
ekki alveg legið í því að halda bolt-
anum innan liðsins. Hún hefur gríð-
arlegan hraða og það mun henta
leikstíl liðsins mjög vel. Hún er fjöl-
hæfur leikmaður sem getur spilað
allar stöðurnar, fremst á vellinum,
og ég tel að hún myndi passa mjög
vel inn í hugmyndafræðina sem unn-
ið hefur verið með á undanförnum
árum.“
Sigríður Lára telur að Cloé hafi
allt til brunns að bera til þess að falla
vel inn í íslenska landsliðshópinn en
viðurkennir að það geti stundum
tekið á að æfa með leikmanninum
sem býr yfir gríðarlegum hraða.
„Cloé er frábær persónuleiki og
mjög skemmtileg, bæði innan vallar
sem utan. Hún gefur mikið af sér og
vinnur vel fyrir liðið. Hún hefur
reynst ÍBV-liðinu mjög vel og það er
í raun ekkert neikvætt hægt að
segja um hana, hvorki sem leikmann
né persónu. Ég get alveg viðurkennt
að það tekur stundum á að reyna
halda í við hana á æfingum og það
getur verið mjög pirrandi. Hún er
mjög sterk í að taka aðra leikmenn á
og fer oft framhjá manni eins og að
drekka vatn.“
Árið 2017 var byrjað að vinna í því
að Cloé fengi íslenskan ríkisborg-
ararétt en alveg frá því að hún kom
fyrst til Vestmannaeyja, árið 2015,
hefur hún sýnt íslenska landsliðinu
mikinn áhuga.
Mjög áhugasöm um landsliðið
„Hún hefur sýnt öllum landsliðs-
verkefnum Íslands mikinn áhuga og
er alltaf fyrsta manneskjan til þess
að spyrja hvernig allt gekk fyrir sig.
Hún hefur verið mjög áhugasöm um
liðið í gegnum tíðina og frá því að
hún sótti um íslenskan ríkisborg-
ararétt hefur hennar áhugi bara
aukist. Hún hefur sýnt það í gegnum
tíðina að hún hefur mikinn vilja til
þess að spila fyrir íslenska lands-
liðið.“
Ian Jeffs, aðstoðarþjálfari ís-
lenska kvennalandsliðsins, stýrði
kvennaliði ÍBV í fjögur ár áður en
hann gerðist aðstoðarþjálfari Jóns
Þórs Haukssonar. Jeffs fékk Cloé til
landsins á sínum tíma og þekkir leik-
manninn og lið ÍBV því betur en
flestir.
„Jeffsy þjálfaði okkur í fjögur ár
og hann þekkir Cloé því mjög vel.
Hann veit upp á hár hvað hann fær
frá henni sem leikmanni og hann
fékk auðvitað Cloé til landsins á sín-
um tíma. Ég vona innilega að hún fái
tækifæri með landsliðinu því það
væri ekki bara frábært fyrir liðið
heldur líka mig persónulega að fá
tækifæri til þess að spila með henni í
landsliðinu líka,“ sagði Sigríður
Lára í samtali við Morgunblaðið.
Tekur á taugarnar að æfa
með nýjasta Íslendingnum
 Cloé Lacasse gjaldgeng í landsliðið  Frábær liðsfélagi innan sem utan vallar
Morgunblaðið/Golli
Samherjar Sigríður Lára Garðarsdóttir og Cloé Lacasse, fyrir miðju, gætu nú spilað saman á tvennum vígstöðvum.
Landsliðsmaðurinn Kári
Árnason er genginn í raðir Vík-
ings Reykjavík á nýjan leik, en
hann lék síðast með liðinu 29.
ágúst 2004. Víkingur fékk þá
skell á móti ÍBV, 0:3, í Vest-
mannaeyjum í Landsbankadeild-
inni.
Meðal leikmanna ÍBV í
leiknum voru þeir Birkir Krist-
insson og Steingrímur Jóhann-
esson. Meðal samherja Kára voru
Sigursteinn Gíslason og Richard
Keogh, sem er búinn að vera fyr-
irliði Derby County undanfarin ár.
Kári hefur auðvitað verið mik-
ilvægur hlekkur í íslenska lands-
liðinu síðustu ár og lék hann vel
bæði gegn Albaníu og Tyrklandi
fyrr í þessum mánuði. Kári er
orðinn 36 ára og virðist eiga nóg
eftir.
Margir spyrja sig hins veg-
ar um afleiðingar þess fyrir
landsliðið að Kári sé að koma
heim á þessum tíma. Ísland á
fína möguleika á að tryggja sér
sæti á EM 2020. Mun Kári vera
jafn sterkur í hjarta íslensku
varnarinnar sem leikmaður Vík-
ings?
Birkir Már Sævarsson, sem
hefur verið mjög traustur í hægri
bakverði með landsliðinu síðustu
ár, var hvorki í hóp gegn Albaníu
né Tyrklandi. Mun það sama ger-
ast hjá Kára?
Síðustu ár hafa margir beðið
eftir því að einhver tæki við kefl-
inu af Kára. Sverrir Ingi Ingason
hefur fengið sín tækifæri t.d.
Alltaf kemur Kári hins vegar til
baka og alltaf spilar hann jafn vel
með landsliðinu. Héldu margir að
hann hefði spilað sína síðustu
landsleiki á EM 2016 og enn fleiri
á HM 2018. Það virðist hins veg-
ar fátt gleðja Kára meira en að
sanna fyrir fólki að hann eigi
heima í þessu landsliði.
BAKVÖRÐUR
Jóhann Ingi
Hafþórsson
johaningi@mbl.is
ÍÞRÓTTIR 39
MORGUNBLAÐIÐ LAUGARDAGUR 22. JÚNÍ 2019
Er ferðavagninn rafmagnslaus?
TUDOR TUDOR
Bíldshöfða 12 • 110 Rvk • 577 1515 • skorri.is
Mikið úrval - Traust og fagleg þjónusta
Veldu
örugg
t
start
með
TUDO
R
Frístunda rafgeymar
í miklu úrvali,
AGM þurr rafgeymar
eða lokaðir
sýrurafgeymar.
Körfuknattleiksþjálfarinn Finnur Freyr Stefánsson, sem
stýrði KR til fimm Íslandsmeistaratitla í röð á árunum
2014-2018, var í gær ráðinn þjálfari danska úrvals-
deildarliðsins Horsens til næstu tveggja ára. Horsens
hefur sex sinnum orðið Danmerkurmeistari, síðast árið
2016, og komst í úrslit um meistaratitilinn í vor. Þá er
liðið ríkjandi bikarmeistari.
„Eftir fyrsta símtal fann ég að það var mikill áhugi á
að fá mig til að koma. Um leið og við fjölskyldan
ákváðum að við vildum fara út og prófa þetta þá gengu
hlutirnir ansi hratt fyrir sig,“ sagði Finnur við mbl.is í
gær, en hann gaf það út þegar hann hætti með KR að
hann hefði áhuga á því að reyna fyrir sér erlendis. Horsens væri gott lið í
sterkri deild með góða umgjörð og góða sögu. Umhverfið sem hann stigi
inn í væri jafnframt mjög spennandi þar sem honum væri ætlað að velta
meisturum Bakken Bears af stalli.
 Lengra viðtal við Finn Frey má finna á mbl.is/sport/korfubolti.
sindris@mbl.is
Finnur tekur við meistaraliði
Finnur Freyr
Stefánsson
Selfyssingar, sem í vor urðu Íslandsmeistarar karla í
handknattleik, hafa loks fundið eftirmann þjálfarans
Patreks Jóhannessonar sem hætti með meistaraliðið í
vor og tók við taumunum hjá liði Skjern í Danmörku.
Grímur Hergeirsson hefur skrifað undir tveggja ára
samning sem þjálfari liðsins og tilkynnti félagið um það
á ellefta tímanum í gærkvöld.
Grímur er Selfyssingur í húð og hár og hefur verið að-
stoðarþjálfari liðsins síðastliðin fjögur ár. Sonur hans,
Hergeir Grímsson, var fyrirliði Selfyssinga í vetur þegar
liðið varð Íslandsmeistari í fyrsta sinn.
„Deildin er gríðarlega ánægð með að Grímur hafi
ákveðið að taka slaginn með liðið og bindur hún miklar vonir við komandi
átök í vetur, bæði hér heima og í Evrópu,“ segir í tilkynningu sem hand-
knattleiksdeild Selfoss gaf út í gærkvöld.
yrkill@mbl.is
Þjálfaraleit lokið á Selfossi
Grímur
Hergeirsson