Morgunblaðið - 22.06.2019, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 22. JÚNÍ 2019
Vantar þig
ráðleggingar
við sölu eignar
þinnar?
s 893 6001
Kópavogi | Selfossi | s 893 6001 | beggi@fasteignasalan.is
Guðbergur
Guðbergsson
Löggiltur fasteignasali
og leigumiðlari
Sigtryggur Sigtryggsson
sisi@mbl.is
Fram kom í frétt Morgunblaðsins á
laugardaginn að Reitir og Mosfells-
bær hefðu undirritað viljayfirlýsingu
um skipulag og uppbyggingu at-
vinnusvæðis í landi Blikastaða í Mos-
fellsbæ. Um er að ræða 15 hektara
svæði sem afmarkast af Vestur-
landsvegi, Korpúlfsstaðavegi og
sveitarfélagamörkum Reykjavíkur
og Mosfellsbæjar. Reitir fasteigna-
félag er stærsta félagið í útleigu at-
vinnuhúsnæðis á Íslandi.
Í landi Blikastaða er einnig afar
verðmætt byggingarland, sem ætlað
er undir íbúðahverfi í framtíðinni.
Um er að ræða alls 95 hektara lands
á frábærum stað í Mosfellsbæ, á
mörkum hans og Reykjavíkur.
Landey ehf. er eigandi þessa
áhugaverða byggingarlands. Land-
ey var stofnað árið 2009 utan um
fullnustueignir Arion banka. Sjóður í
rekstri Stefnis, SRL slhf., keypti
100% hlut í Landey árið 2018. Er
bankinn eini hluthafi sjóðsins, enn
sem komið er. Hins vegar er stefnan
sú að selja meirihluta sjóðsins til
fagfjárfesta á komandi árum, að því
er Þorgerður Arna Einarsdóttir,
framkvæmdastjóri Landeyjar, tjáði
Morgunblaðinu.
Ekki er til deiliskipulag fyrir
svæðið enn sem komið er.
„Hins vegar er það von okkar að
íbúðauppbygging muni eiga sér stað
þar á komandi árum,“ segir Þor-
gerður Arna. Ekki er ljóst hve marg-
ar íbúðir mætti byggja á þessu landi,
þar sem deiliskipulag liggur ekki
fyrir.
Er stærsta eign Landeyjar
Verðmat liggur fyrir en er ekki
gefið upp að svo stöddu, að sögn Þor-
gerðar. Hins vegar sé hægt að lesa í
ársreikningi félagsins að fjárfesting-
areignir þess samanstanda af Blika-
staðalandi, Bygggörðum á Seltjarn-
arnesi og Arnarneshálsi í Garðabæ,
auk lóða við Þrastarhöfða í Mos-
fellsbæ. Eignirnar eru bókfærðar á
rúmlega 6,5 milljarða króna í árslok
2018 en Blikastaðaland er stærsta
fjárfestingareign Landeyjar.
„Mikil tækifæri felast í uppbygg-
ingu mannvænnar og sjálfbærrar
byggðar á Blikastaðalandi í takti við
innleiðingu á borgarlínu á höfuð-
borgarsvæðinu,“ segir Þorgerður
Arna. „Helstu gæði Blikastaðalands
eru nálægð við fallega og ósnortna
náttúru en landið liggur neðan Vest-
urlandsvegar á milli útivistarperl-
unnar Úlfarsfells og Úlfarsár, sem
er hverfisvernduð þar sem hún renn-
ur í Blikastaðakró. Þessi náttúru-
gæði eru sérstaða Mosfellsbæjar og
gera bæinn eftirsóttan stað til bú-
setu. Það er því ákveðin áskorun að
tvinna borgarlínuna og nýja byggð
saman við náttúru svæðisins með
þeim hætti að til verði hágæða bæj-
arhluti á þessum fallega stað.“
Haraldur Sverrisson, bæjarstjóri
Mosfellsbæjar, segir að Blikastaða-
landið sé mjög verðmætt og spenn-
andi byggingarland.
Ekki sé byrjað að skipuleggja
íbúðabyggð á landinu. Hins vegar
hafi átt sér stað viðræður milli bæj-
arins og Landeyjar (Stefnis) en eng-
ar ákvarðanir hafi verið teknar enn
sem komið er.
Haraldur segir að uppbygging
hverfis í Leirvogstungu sé langt
komin og eftir sé að byggja fjóra
áfanga í Helgafellslandi, alls 3-400
íbúðir. „Það kemur að því fyrr en
seinna að Blikastaðalandið verði
skipulagt,“ segir Haraldur.
Mikil íbúafjölgun hefur verið í
Mosfellsbæ síðustu misserin og er
íbúatalan að nálgast 12.000.
Byggingarland á besta stað
 Kemur að því fyrr en seinna að 95 hektarar af Blikastaðalandi í Mosfellsbæ verði skipulagðir
 Landey ehf. er eigandi landsins og eru viðræður hafnar við bæinn  Náttúrufegurð er mikil
Ljósmynd/Landey
Blikastaðalandið „Áskorun að tvinna borgarlínuna og nýja byggð saman við náttúru svæðisins með þeim hætti að til verði hágæða bæjarhluti.“
Þorgerður Arna
Einarsdóttir
Haraldur
Sverrisson
Blikastaðir hafa trúlega verið
teknir í ábúð snemma á miðöld-
um en þeirra er fyrst getið í mál-
daga Maríukirkjunnar í Viðey frá
árinu 1234. Þar stendur að kirkj-
an og staðurinn í Viðey eigi land
á „Blackastoðum“. Næst er Blika-
staða getið í leigumála á jörðum
Viðeyjarklausturs frá árinu 1313.
Í Jarðabók Árna og Páls frá
1704 er jörðin nefnd Blikastader
og þá enn í konungseign.
Árið 1908 fluttist Magnús Þor-
láksson, bróðir Jóns Þorlákssonar
forsætisráðherra, ásamt fjöl-
skyldu sinni frá Vesturhópshólum
í Húnavatnssýslu til Blikastaða og
hóf þar búskap. Magnús bjó á
jörðinni til dauðadags árið 1942
en þá tóku við dóttir hans, Helga,
sem búið hafði á staðnum frá
tveggja ára aldri, og maður henn-
ar Sigsteinn Pálsson. Stunduðu
þau aðallega kúabúskap til ársins
1973 en þá voru á jörðinni 60
mjólkurkýr og samtals 90 gripir í
fjósi.
Börn Helgu og Sigsteins höfðu
ekki hug á því að halda áfram bú-
skap á Blikastöðum. Það varð úr í
Reykjavík. Því varð ekkert af
kaupunum.
Jörðin komst síðar í eigu ým-
issa félaga, svo sem Ármanns-
fells, Úlfarsfells ehf., Íslenskra
aðalverktaka (ÍAV), Blikastaða
ehf., Holtasels ehf. og Bleiksstaða
ehf. Árið 2004 kynnti ÍAV áform
um byggingu 2.000 íbúða á land-
inu, en ekkert varð af þeim.
apríl 1991 að Reykjavíkurborg
keypti Blikastaði af Helgu og Sig-
steini á 244,9 milljónir króna. Til-
boðið var gert með fyrirvara um
að Mosfellsbær félli frá forkaups-
rétti sínum og að samningar
tækjust milli sveitarfélaganna um
breytt lögsögumörk. Mosfellsbær
féll frá forkaupsréttinum en harð-
neitaði að láta innlima jörðina í
Blikastaðir hafa verið í eigu margra félaga
KOSTAJÖRÐ SEM FÓR Í ÁBÚÐ SNEMMA Á MIÐÖLDUM
Blikastaðir Landmikil kostajörð sem er í næsta nágrenni við höfuðborg landsins.