Morgunblaðið - 09.08.2019, Qupperneq 16

16 FRÉTTIRInnlent
MORGUNBLAÐIÐ FÖSTUDAGUR 9. ÁGÚST 2019
Eitt aðalumræðuefnanna á fundi
ríkisstjórnarinnar í Mývatnssveit í
gær voru jarðakaup útlendinga.
Sagði Katrín Jakobsdóttir forsætis-
ráðherra í samtali við mbl.is í gær
að þó hafi ekki einungis verið rætt
um uppkaup á landi. „Til dæmis
var einnig rætt um jarðir sem eru í
hálfgildings eyði, það er að segja
þar sem er engin búseta. Þannig að
þetta var rætt frá ólíkum sjón-
arhornum sem var mjög gagnlegt
fyrir okkur.“
Árlegur sumarfundur
Ástæða þess að ríkisstjórnin var
stödd þar nyrðra var árlegur sum-
arfundur ríkisstjórnarinnar sem fór
fram við Mývatn í gærmorgun.
Á dagskrá voru meðal annars
framhald verkefnisins Tekjusag-
an.is, sem Katrín gerði grein fyrir,
verkefnið Störf án staðsetningar,
sem Bjarni Benediktsson fjár-
málaráðherra fjallaði um og þá
kynnti Þórdís Kolbrún R. Gylfa-
dóttir, ferðamála-, iðnaðar- og ný-
sköpunarráðherra, drög að
aðgerðaáætlun um einföldun reglu-
verks á málefnasviði ráðuneytis
hennar.
Að formlegum ríkisstjórnarfundi
loknum átti ríkisstjórnin fund með
fulltrúum sveitarfélaga á Norðaust-
urlandi og Eyþingi, landshluta-
samtökum sveitarfélaga á svæðinu.
Spurð frekar út í jarðakaupa-
málin sagði Katrín að verið væri að
kortleggja þau. Minntist hún á,
eins og Morgunblaðið hefur áður
sagt frá, að starfshópur hefði verið
skipaður af forsætisráðherra með
fulltrúum þeirra ráðuneyta sem
hafa með málið að gera og í kjölfar
þeirrar vinnu hefði hún fengið sér-
fræðinga til þess að fara yfir hvaða
breytingar hægt sé að gera ef vilji
er til þess að takmarka jarðakaup.
„Mín skoðun er sú að það sé mjög
mikilvægt fyrir öll ríki að hafa
skýra stefnu í þessum efnum. Við
erum með mjög opið regluverk sem
stendur og höfum verið um langt
skeið. Ég tel að í ljósi þess að auð-
lindaréttur fylgir landi sé mik-
ilvægt að ákveðnar breytingar
verði gerðar í anda þess sem við
sjáum hjá mörgum nágrannaríkjum
okkar,“ sagði hún.
Tækifæri í norðrinu
Að auki við jarðakaupamálin var
farið um víðan völl á fundinum í
gær og voru m.a. umhverfismál,
samgöngumál, landbúnaðarmál og
byggðamál rædd. Sagði Katrín að
henni hefði þótt jákvætt að skynja
„þann mikla sóknarhug sem er á
þessu svæði“, og bætti við: „Fólk
sér greinilega tækifæri í norðrinu,
eins og ég kaus að orða það, bæði
hvað varðar ferðaþjónustu, nýsköp-
un, orku- og loftslagsmál. Þannig
að það var mikill hugur í fólki.“
Jarðakaup út-
lendinga meðal
aðalumræðuefna
 Ríkisstjórnin fundaði á Mývatni
Ljósmynd/Birkir Fanndal
Skeggrætt Ríkisstjórnin situr fyrir svörum á fundi með fulltrúum sveitarfé-
laga í Mývatnssveit í gær. Farið var um víðan völl í umræðum á fundinum.
Sigurjón Jóhannesson,
fyrrverandi skólastjóri
á Húsavík, lést 6.
ágúst á Heilbrigð-
isstofnun Norðurlands
á Akureyri, 93 ára að
aldri.
Sigurjón fæddist 16.
apríl 1926, sonur
hjónanna Jóhannesar
Guðmundssonar kenn-
ara og Sigríðar Sig-
urjónsdóttur. Sigurjón
lauk stúdentsprófi frá
Menntaskólanum á
Akureyri 1946 og
kennaraprófi í íslensk-
um fræðum frá Háskóla Íslands
1952.
Sigurjón stundaði kennslu við
miðskólann í Keflavík 1952-53, var
skólastjóri barna- og unglingaskóla
Bolungarvíkur 1953-1957 og skóla-
stjóri Gagnfræðaskóla Húsavíkur
1957-1984. Sigurjón sat í ýmsum
nefndum og stjórnum, þar á meðal
stjórn Kaupfélags
Þingeyinga og sátta-
nefnd Húsavíkur. Þá
var hann formaður
samstarfsnefndar um
framhaldsskóla á
Norðurlandi 1980-
1981. Hann sat um
árabil í ritnefnd Ár-
bókar Þingeyinga og
ritstýrði 50 ára af-
mælisriti Íþrótta-
félagsins Völsungs ár-
ið 1977. Eftir Sigurjón
liggur fjöldi greina og
viðtala í blöðum, tíma-
ritum og bókum. Á
síðustu árum reit hann svo og tók
saman tíu kver sem gefin voru út
með minninga- og þjóðlífsþáttum,
einkum úr Þingeyjarsýslum.
Eiginkona Sigurjóns var Herdís
Guðmundsdóttir, hún lést árið
2012. Börn þeirra eru sex. Útför
Sigurjóns fer fram frá Húsavíkur-
kirkju laugardaginn 17. ágúst.
Andlát
Sigurjón
Jóhannesson
Það fer vel um þig í vinnufatnaði frá
Hafðu samband og kynntu þér
vöruúrvalið og þjónustuna
Leiðandi
vettvangur í tíu ár
Svifaldan, verðlaunagripur
Hvatningarverðlauna Sjávar-
útvegsráðstefnunnar og TM.
Í tilefni 10 ára afmælis okkar hefur formlega
verið stofnað til Hvatningarverðlauna
Sjávarútvegsráðstefnunnar og TM. Þau
leysa framúrstefnuhugmynd viðburðarins
af hólmi.
Hvatningarverðlaun Sjávarútvegsráðstefn-
unnar og TM eru veitt ungum fyrirtækjum
eða sjálfstætt starfandi einstaklingum fyrir
nýbreytni og þróunarverkefni sem þykja
hafa skarað framúr og talið er að munu
treysta stoðir greinarinnar. Verðlaunin
eru í formi viðurkenningarskjals, verðlauna-
gripsins Sviföldunnar og aðgöngumiða
á ráðstefnuna.
Markmið verðlaunanna er að hvetja ung
fyrirtæki og frumkvöðla til dáða, stuðla að
nýbreytni og vekja athygli almennings á
gildi nýsköpunar og þróunar í sjávarútvegi.
Hver sem er getur tilnefnt álitlegt fyrirtæki
eða sjálfstætt starfandi aðila til verðlaun-
anna. Skilyrði er að tilnefndir aðilar séu
starfandi á Íslandi. Í innsendum tillögum
þarf að lýsa verkefninu, hverjir standa að því
og jafnframt færa rök fyrir því af hverju það
ætti að koma til greina. Eins getur dómnefnd
verðlaunanna tilnefnt álitlega aðila.
Við mat á tilnefningum er tekið tillit til frum-
leika og áhrifa á virðisaukningu. Einnig er
litið til áhrifa á ímynd íslensks sjávarútvegs,
sjálfbærni og samstarfs.
Sex manna dómnefnd skipuð aðilum
úr sjávarútvegsfyrirtækjum, rannsóknar-
stofnunum, tæknifyrirtækjum og þjónustu-
aðilum við sjávarútveginn velur sigurvegara
verðlaunanna úr innsendum tillögum.
Frestur til að skila inn tillögum er 15.
september næstkomandi og eiga þær,
ásamt fylgigögnum, að berast á netfangið
valdimar@sjavarutvegur.is
Hvatningarverðlaun Sjávarútvegs-
ráðstefnunnar og TM