Morgunblaðið - 15.08.2019, Síða 10

Teitur Gissurarson
teitur@mbl.is
Þórður Andersen, íbúi í Fjalla-
byggð, segist hreinlega hafa grátið
þegar byrjaði að flæða inn í kjallara
hans á mánudaginn. Hann er einn
íbúa í Fjallabyggð sem eru að ná
sér eftir að inn í hús flæddi í kjölfar
mikilla rigninga sem stóðu yfir vik-
una á undan. Margir eru ósáttir
vegna viðbragða sveitarfélagsins, en
síðustu misseri hefur verið staðið að
endurbótum á holræsakerfi beggja
byggðakjarna, þ.e. Siglufjarðar og
Ólafsfjarðar.
Átti ekki að gerast aftur
„Fólk er náttúrulega miður sín.
Það var búið að segja fólki eftir að
þetta gerðist síðast að með þessu
endurbætta lagnakerfi myndi þetta
ekki gerast aftur. Og fólk er mjög
ósátt við að sveitarfélagið segi bara
að þetta hefði orðið mun verra ef
ekki hefði verið fyrir endurbæturn-
ar,“ segir Gunnar Smári Helgason,
íbúi á Siglufirði og fréttamaður hjá
Trölla.is, í samtali við Morgun-
blaðið.
Margir þar nyrðra minnast
vatnsveðursins sem gekk yfir í
ágúst 2015 og olli miklu tjóni í
bænum. Spurður út í endurbæturn-
ar sem gerðar hafa verið síðan
sagði Gunnar Birgisson, bæjarstjóri
Fjallabyggðar, í samtali við mbl.is í
fyrradag að ef framangreindar end-
urbætur hefðu ekki verið fram-
kvæmdar hefðu afleiðingarnar orðið
mun verri en raunin varð.
„Það eru rosaleg vonbrigði að
nýja kerfið skuli ekki halda betur
en þetta. [Það er] óviðunandi að
maður megi búast við að það flæði
inn,“ segir Hálfdán Sveinsson, hót-
eleigandi og einn íbúa á Siglufirði
sem eiga rými sem flæddi inn í, í
samtali við Morgunblaðið.
„Síðan ég keypti hefur flætt inn
hjá mér á tveggja ára fresti. 2015,
2017 og núna 2019,“ segir Hálfdán.
Eins og áður segir grét Þórður
Andersen þegar byrjaði að flæða
inn í kjallara hans og segir Hulda
Andersen Guðmundsdóttir, eigin-
kona hans: „Þetta er í fjórða skiptið
sem þetta gerist á þremur árum.
Mér finnst það bara alveg nóg.
Það kemur upp um niðurföllin í
þvottahúsi og bílskúr og flæðir inn
um allan kjallara. Þetta er það mik-
ið vatnsflóð að það fer inn í allan
kjallarann. Inn í öll herbergi, bað-
herbergi og alls staðar.“
„Alltaf meira og meira tjón“
Segir hún að eftir að ofannefndar
endurbætur voru gerðar hafi þau
Þórður ekki átt von á því að það
flæddi aftur inn, „en það gerði það
samt“. Sumir hafi verið með auka-
dælur, þau hafi t.a.m. verið með
tvær slíkar, en þær hafi ekki haft
undan.
Spurð um tjónið sem varð segir
Hulda: „Það verður alltaf meira og
meira tjón eftir því sem þetta gerist
oftar.“
Þá bætir hún við: „Við erum með
tréstiga og með nýjan viðarbekk.
Allt tré skemmist. Allar hurðir
vindast og allir þröskuldar lyftast.“
Grét þegar byrjaði að flæða
 Íbúar í Fjallabyggð margir að ná sér eftir að flæddi inn í hús enn eina ferðina  Margir
ósáttir við viðbrögð sveitarfélagsins  Hjá sumum hefur flætt oft á seinustu árum
Ljósmyndir/Trölli.is
Aðgerðir Dælubílar voru
sendir frá Akureyri til að
lágmarka tjónið.
Á floti Þórður Andersen stendur
í stígvélum í flæddri íbúð ná-
granna síns, hvar hann hjálpaði
við að dæla vatni út.
10 FRÉTTIRInnlent
MORGUNBLAÐIÐ FIMMTUDAGUR 15. ÁGÚST 2019
Hönnun á heimsmælikvarða, smurbrauð og nýnorræn matargerð; fornir kastalar
og framúrstefnuarkitektúr í iðandi stórborgum þar sem allt er samt svo huggulegt.
Nú er rétti tíminn til að njóta lífsins í Skandinavíu.
Hafðu það huggulegt
með frændum okkar í norðri
Helsinki I Kaupmannahöfn I Osló I Stokkhólmur