Morgunblaðið - 15.08.2019, Qupperneq 52

MORGUNBLAÐIÐ FIMMTUDAGUR 15. ÁGÚST 2019
Progastro | Ögurhvarfi 2, Kópavogi | Sími 540 3550
progastro.is | Opið alla virka daga kl. 9–17.
JAPANSKIR HNÍFAR
Allt fyrir eldhúsið
Hágæða hnífar og töskur
Allir velkomnir
Einstaklingar og fyrirtæki
Vefverslunokkarprogastro.iser alltaf opin!
Þóra Sigurðardóttir
thora@mbl.is
Eftir að hafa legið yfir lesefni ákvað
hún að breyta mataræði sínu og
skipta alfarið yfir í jurtafæði. Hún
hafði nákvæmlega engu að tapa á
þessum tímapunkti og var tilbúin að
reyna allt. Það voru bara þrjár
hindranir í veginum: Ella kunni ekki
að elda, hafði enga þekkingu á jurta-
fæði og var búin að missa allan drif-
kraft sakir veikinda. Til að koma sér
í gang og prufa sig áfram ákvað hún
að byrja með bloggsíðu þar sem hún
gæti haldið utan um uppskriftirnar.
Ella segir að það hafi verið sér
ákaflega mikilvægt að slá aldrei af
bragðgæðum matarins. Þó að hrá-
efnin væru önnur þyrfti það ekki að
hafa áhrif á hversu vel maturinn
bragðaðist og máltíð gæti enn verið
mikil gleðistund þótt mataræðið
væri breytt. Næsta ár fór í að læra
að elda, mynda og skrásetja það
sem hún var að gera. Á þeim tíma óx
ástríða hennar gagnvart mataræð-
inu og eldamennsku. Líkamlegt
ástand hennar tók stakkaskiptum
og lífið komst hægt og rólega á rétt
ról.
Á sama tíma hvöttu vinir hennar
hana til að deila bloggsíðunni með
heiminum og eftir nokkurn tíma lét
hún undan þrýstingnum og hið
undraverða gerðist. Á merkilega
stuttum tíma fóru uppskriftir Ellu
að vekja athygli og fljótlega kom
Deliciously Ella-appið sem fór rak-
leitt á toppinn í Bretlandi. Í fram-
haldinu bauðst Ellu að skrifa sína
fyrstu matreiðslubók sem seldist í
bílförmum og var í framhaldinu gef-
in út hér á landi.
Ella kynntist núverandi eigin-
manni sínum, Matthew Wills, á
þessum tíma en hann er sonur fyrr-
verandi ráðherra breska verka-
mannaflokksins, Tessu Jowell. Wills
var með bakgrunn og bakland í fjár-
málageiranum og má segja að hann
hafi verið einmitt það sem Ella
þarfnaðist á þessum tíma því vöru-
merkið Deliciously Ella hefur vaxið
og dafnað í höndum þeirra. Sjálf
hefur Ella sagt að samstarf þeirra
sé eins og best verður á kosið; hún
sjái um skapandi hliðina en hann um
reksturinn. Nú er svo komið að
vörur fyrirtækisins er fáanlegar um
heim allan og núna síðast hér á
landi.
Það sem einkennir vörurnar er að
sögn Ellu sá heiðarleiki sem fylgir
þeim. Það séu engin aukaefni, engin
óhollusta og engin vitleysa í gangi.
Bestu hráefnin séu ávallt valin og
hvergi hvikað frá gæðunum.
Saga Ellu og Matthews er ævin-
týri líkust en þrotlaus vinna liggur
að baki þeim árangri sem þau hafa
náð. Ella hefur nú gefið út fimm
bækur og tvö öpp og það er stöðug
vöruþróun í gangi. Þau passa þó upp
á hvort annað og eignuðust fyrir
tveimur vikum dóttur sem hlaut
nafnið Skye Tessa, í höfuðið á móð-
ur Matthews sem lést í fyrra eftir
baráttu við krabbamein.
Ómótstæðilega Ella
sigrar heiminn
Ella Woodward var á öðru ári í St. Andrews-háskólanum í Bretlandi þegar
heilsu hennar fór að hraka. Hún var að lokum greind með sjaldgæfan sjúkdóm
að nafni POTS eða staðbundna hjartsláttartruflun sem hefur áhrif á tauga-
kerfi, hjartslátt, blóðþrýsing og meltingu svo fátt eitt sé talið. Að auki var hún
sífellt þreytt og reglulega með sýkingar eða einhverja kvilla. Hún var sett á
fjölda lyfja sem gerðu takmarkað gagn. Ári eftir greininguna var hún komin að
niðurlotum; bæði andlega og líkamlega.
Heiðarlegur matur Ella hefur allaf lagt höfuðáherslu á að borða hollan og
góðan mat sem nærir og hjálpar líkamanum.
Nýfædd Fyrir rúmum tveimur vikum eign-
uðust þau dótturina Skye Tessu en Skye-
nafnið kemur frá Isle of Skye, sem var uppá-
haldsstaður Tessu, móður Matthews.
Falleg fjölskylda Hjónin Ella og
Matt ásamt hundinum sínum. Falleg
fjölskylda sem stækkaði nýverið
þegar dóttir þeirra fæddist.
Sælkeravörur Vörurnar frá Ellu
þykja bæði bragðgóðar og hand-
hægar. Þær eru jafnframt fullar af
næringarefnum.
Vinsæl Bókin Ómótstæði-
leg Ella kom út hér á landi
árið 2016 og hlaut frábær-
ar viðtökur.
1 stk. Dala Brie
2 litlar ferskjur skornar í
teninga
1 lúka bláber
2 msk. söxuð fersk basilika
3 msk. sýróp
Balsamik-gljái
1. Leggið ostinn beran á vel heitt grillið í um
2 mínútur.
2. Snúið ostinum við og leggið á álpappír/
ílát sem þolið grillhitann og setjið vel af
ferskjum/bláberjum ofan á hann, lokið
og grillið í 2 mínútur til viðbótar.
3. Takið af grillinu, hellið sýrópi og bal-
samik-gljáa yfir og að lokum stráið þið
basilikunni yfir.
4. Berið fram með góðu kexi.
Ljósmynd/Berglind Hreiðarsdóttir
Gotterí og gersemar Þessi uppskrift kemur úr smiðju Berglindar Hreið-
arsdóttur á Gotteri.is og er algjört sælgæti eins og sjá má.
Grillaður Brie-ostur