Skessuhorn - 11.02.2015, Blaðsíða 14

14 MIÐVIKUDAGUR 11. FEBRÚAR 2015
Hjónaklúbbur Eyrarsveitar fagnar
50 ára afmæli sínu á þessu ári og var
hápunktur afmælisins að sjálfsögðu
fimmtugasta þorrablót félags-
ins sem haldið var í Samkomu-
húsi Grundarfjarðar síðastliðinn
laugardag. Uppselt var á blótið og
mikil stemning. Skemmtinefnd-
in stóð fyrir sínu og kitlaði hlát-
urtaugar gesta en þemað að þessu
sinni var árið 1965 sem var einmitt
stofnár félagsins. Af þessu tilefni
bauð Hjónaklúbburinn á þorra-
blótið þeim stofnfélögum sem enn
bjuggu í Grundarfirði og voru þeir
heiðraðir áður en skemmtiatrið-
in hófust. Það var svo hljómsveit-
in Ungmennafélagið sem sá um að
skemmta gestum eftir að skemmti-
nefndin hafði lokið störfum og var
gleðin við völd eitthvað framyfir
miðnættið. tfk
Málefni húsnæðissamvinnufélags-
ins Búmanna hefur verið talsvert í
fréttum að undanförnu. Fram hef-
ur komið að eigið fé félagsins er
uppurið og það hefur ekki getað
greitt út búseturétt til þeirra sem
fara úr íbúðunum eða til erfingja.
Fram kom á fundi með stjórnend-
um Búmanna á dögunum að bú-
seturétturinn verði ekki greidd-
ur út að minnsta kosti næsta árið
enda félagið í gjörgæslu Íbúðalána-
sjóðs sem er stærsti lánveitandinn.
Á meðan bíður fólk eftir að fá eign
sína í búseturéttinum greidda eða
geta selt hann á frjálsum markaði,
en um tvennskonar kerfi er að ræða
hjá Búmönnum. Það er annars veg-
ar kerfið eins og það var fyrir árið
2006 að félagið leysti til sín búsetu-
réttinn og greiddi hann út til við-
komandi handhafa. Hins vegar er
það eftir árið 2006 þegar reglunum
var breytt með samþykki félagsmála-
ráðuneytis, vilja Búmenn meina, að
eigendur búseturéttar selji hann
á frjálsum markaði og að Búmenn
væru ekki skyldugur að kaupa rétt-
inn. Gallinn er sá að lítill markað-
ur virðist vera fyrir búseturéttinum.
Að minnsta kosti hefur gengið illa
að selja hann á Þjóðbraut 1 á Akra-
nesi og þar er ekki búið í sex íbúð-
um í húsinu. Íbúar í húsfélaginu þar
eru mjög ósáttir í garð Búmanna,
meðal annars vegna þeirra gjörn-
inga stjórnar félagsins að tæma við-
haldssjóð sem íbúar hafa greitt í.
Sjóðinn notaði stjórn Búmanna til
annarra hluta en viðhalds. Það telja
íbúarnir á Þjóðbraut með öllu ólög-
legt og fram hefur komið í umfjöll-
un um mál Búmanna að meðferð
viðhaldssjóðsins samræmist ekki
reglum um hann. Hann skuli aðeins
nýttur til viðhalds utanhúss, sam-
eignar og kerfa í húsinu.
Einna verst staðan hjá
lögerfingjum
Ljóst er að margir sem keyptu sér
búseturéttinn hjá Búmönnum hafa
verið að tapa þeirri eign síðustu
misserin og árin. Fregnir hafa bor-
ist af því að félagið hefur verið að
skuldajafna og leysa til sín eignir.
Fyrirkomulagið er þannig að við-
komandi íbúð er þinglýst eign Bú-
mannafélagsins, þótt íbúarnir kaupi
sér búseturétt og borgi mánaðar-
legt gjald af honum sem ígildi leigu.
Margir er að þráast við að borga
mánaðarlega gjaldið til að halda í
þá von að fá búseturéttinn greidd-
an eða geta selt hann til að tapa ekki
sinni eign. Einna verst virðist stað-
an vera hjá lögerfingjum eða að-
standendum þeirra sem áttu bú-
seturéttinn, þar sem búseturéttar-
hafinn er kominn á dvalarheimili.
Reglur dvalarheimilanna gera ráð
fyrir að íbúar greiði þangað „allar
tekjur sínar“ en ákveðna upphæð af
þeim hafa þeir til eigin ráðstöfunar,
70 þúsund krónur á mánuði. Margir
hafa lent í þessari katastrófu að því
til viðbótar fá þeir ekki búseturétt-
inn greiddan og geta ekki selt hann.
Þurfa þeir þá að borga mánaðar-
gjaldið án þess að geta leigt íbúðina
og fengið með því tekjur á móti.
Ekki hægt að leigja
nema á svörtu
Á Akranesi eru Búmannaíbúðir á
tveimur stöðum. Það er í raðhús-
um við Vallarbraut og í fyrrgreindri
íbúðablokk á Þjóðbraut 1. Bene-
dikt Guðmundsson sem átti raðhús
við Vallarbraut hafði val um það á
sínum tíma hvort hann vildi fylgja
gamla kerfinu eða því nýja. Bene-
dikt kaus nýja kerfið; að geta selt
búseturéttinn í raðhúsinu á frjáls-
um markaði. Hann var heppinn, gat
selt á liðnu hausti og segist nú hrósa
happi að vera laus út úr þessu kerfi.
Íbúar á Þjóðbraut 1 eru líka í nýja
kerfinu. Þar hefur fólk ekki verið
eins lánsamt. Helgi Daníelsson og
Steindóra Steinsdóttir voru með
íbúð í húsinu við Þjóðbraut. Helgi
lést á síðasta ári og Steindóra er fyr-
ir nokkru komin á Höfða. Helgi
setti íbúðina á sölu ári áður en hann
lést. Það hefur einungis einn kom-
ið til að skoða íbúðina frá þeim tíma
og hún er ennþá óseld. Undanfarna
mánuði hafa erfingjarnir, þrír synir
þeirra Helga og Steindóru, þurft að
sjá um greiðslu á mánaðarlega bú-
seturéttargjaldinu sem er 180 þús-
und krónur á mánuði. Steinn Helga-
son segir að þeir séu í algjörri patt-
stöðu með íbúðina meðan hún selj-
ist ekki. Ekki sé hægt að leigja hana
nema á svörtu eða með einhverj-
um tilfæringum bak við tjöldin, þar
sem að annars rynnu leigutekjurn-
ar beint inn á Höfða sem tekjur til
móður þeirra en ekki í búseturétt-
argjaldið eins og réttast væri meðan
íbúðin er óselt. „Þetta er ómögulegt
kerfi eins og þetta er. Við hvöttum
á sínum tíma foreldra okkar til að
fara inn í búseturéttarkerfið hjá Bú-
mönnum og vera þar með laus við
allt viðhald á húseignum og ves-
en, en svo kemur í ljós að þetta eru
eintóm vandræði þegar fólk fer úr
íbúðunum og höndla þarf með bú-
seturéttinn. Það verður að gera eitt-
hvað í þessum málum. Þetta get-
ur ekki verið svona til frambúðar,“
segir Steinn Helgason.
Fólk færi út ef það gæti
Stjórn Íbúðalánasjóðs, sem er helsti
lánadrottinn Búmanna, hefur lagt
til aðgerðir svo að leysa megi tíma-
bundinn vanda Búmanna. Lagt er
til að stofnað verði sérstakt leigu-
félag sem verði að fullu í eigu Bú-
manna. Hinar svokölluðu vand-
ræðaeignir félagsins, það eru eign-
ir sem eru annaðhvort auðar eða í
tímabundinni útleigu, verði færðar
inn í leigufélagið. Tillögurnar fela
líka í sér að íbúðirnar verði afskrif-
aðar um 500 milljónir króna, en þær
eru flestar á Suðurnesjum. Jafnframt
er lagt til að eftirhvílandi lán þar
með búseturétturinn verði hækkað-
ur um að minnsta kosti 6%. Ragn-
heiður Ólafsdóttir og Sölvi Pálsson
sem búa á Þjóðbraut 1 og eru bæði
í stjórn húsfélagsins segja að þetta
muni þýða um eða yfir 5000 króna
hækkun á búseturéttinum á mánuði.
Þau segja íbúa í húsinu vera mjög
ósátta með það hvernig mál hafi
þróast, viðhaldssjóðurinn misnot-
aður og greinilegt sé að mjög erfitt
verði að losna út úr þessu kerfi, sem
allir séu nú ósáttir við að hafa farið
inn í. „Fólk færi úr íbúðunum ef það
gæti. Það hefði þurft að taka á þess-
um málum okkar um leið og skulda-
leiðréttingin var gerð,“ segir Ragn-
heiður. Sölvi bætir við að endingu
að íbúðirnar séu góðar og gott að
búa í húsinu þótt enn sé ekki lokið
fullnaðarúttekt á ákveðnum atrið-
um sem laga þurfti. þá
Skagamaðurinn Kristinn Hlíðar
Grétarsson lauk nýverið BSc-prófi
í byggingatæknifræði frá Háskól-
anum í Reykjavík og var um leið
verðlaunaður fyrir framúrskarandi
námsárangur, en hann brautskráð-
ist með einkunnina 9,51, þá hæstu
meðal nema við tækni- og verk-
fræðideild skólans. Kristinn hóf
nám við HR haustið 2011 og fékk
við upphaf námsins nýnemastyrk
skólans fyrir góðan námsárangur í
eðlis- og efnafræði á stúdentsprófi.
Á meðan náminu stóð komst hann
síðan alls sex sinnum á forsetalista
tækni- og verkfræðideildar, en að-
eins þeim nemendum sem bestum
námsárangri ná á hverju prófatíma-
bili gefst kostur á að komast á þann
lista og fá skólagjöld næstu annar
felld niður.
Lengi heillaður af
verkfræði
Aðspurður segist Kristinn lengi
hafa verið heillaður af verkfræði.
Hann lauk stúdentsprófi frá Fjöl-
brautaskóla Vesturlands á Akra-
nesi samhliða námi í húsasmíði
og stefndi á verkfræðinám strax
að því loknu. Við nánari athugun
hafi honum hins vegar litist bet-
ur á tæknifræðinám við Háskól-
ann í Reykjavík. „Helsti kosturinn
við að ljúka prófi í tæknifræði er að
það veitir manni bæði réttindi til að
starfa sem tæknifræðingur og rétt-
indi til framhaldsnáms í verkfræði,“
segir Kristinn. Hann telur einnig
mikinn kost að hafa lært húsasmíði.
Það komi í framtíðinni til með að
veita honum aukinn skilning á því
ferli sem tekur við eftir að hann,
sem byggingatæknifræðingur, skil-
ar af sér teikningum og þar til þær
verða að mannvirkjum. Hann muni
þannig hafa meiri heildarsýn yfir
hvert verk en ella og segir marga
samnemendur sína úr tæknifræði-
náminu hafa mjög sambærilegan
bakgrunn.
Um framtíðaráform sín seg-
ir Kristinn að næst komi leiðin til
með að liggja út á vinnumarkað-
inn, en hyggur þó á framhaldsnám
í verkfræði síðar meir. „Ég er kom-
inn með vinnu í Noregi sem bygg-
ingatæknifræðingur á vegum dótt-
urfélags EFLU. Ég ætla að nýta
starfsreynsluna meðal annars í að
ákveða mig á hvaða sviði bygg-
ingatæknifræðinnar ég ætla að sér-
hæfa mig. Mér þykir þó líklegt að
það verði á einhverju af undirsvið-
um burðarþols og ég hyggst skoða
hvaða möguleikar eru í boði á slíku
námi erlendis,“ segir Kristinn Hlíð-
ar að endingu.
kgk
Hjónaklúbburinn
fimmtíu ára
Kristinn Hlíðar brautskráður með
hæstu einkunn
Kristinn Hlíðar Grétarsson með
verðlaun fyrir frábæran námsárangur.
Hrikaleg staða Húsnæðissamvinnufélagsins Búmanna
Fjölbýlishúsið að Þjóðbraut 1 á Akranesi.
Steinn Helgason.
Sölvi Pálsson og Ragnheiður Ólafsdóttir.