Skessuhorn - 11.02.2015, Blaðsíða 16

16 MIÐVIKUDAGUR 11. FEBRÚAR 2015
Eitt þeirra fyrirtækja sem ber
ábyrgð á grunnþjónustu við íbúa á
stórum hluta Vesturlands er Orku-
veita Reykjavíkur. Fyrirtækið sem
veitir bæði yl og birtu inn á flest
heimili á Akranesi, Borgarnesi og
allt vestur á Snæfellsnes til Stykk-
ishólms og Grundarfjarðar. Giss-
ur Þór Ágústsson kom til starfa hjá
HAB, Hitaveitu Akraness og Borg-
arfjarðar, árið 1981 og hefur mörg
síðustu árin verið svæðisstjóri OR á
Vesturlandi. Það þekkja því fáir ef
nokkur jafn vel og hann inn á gríð-
arstórt þjónustu- og rekstrarkerfi
veitunnar á Vesturlandi. Mestur er
rekstur Orkuveitunnar á Akranesi,
þar sem fyrirtækið er með allar
fimm veiturnar, fyrir heitt og kalt
vatn, rafmagn, fráveitu og gagna-
veitu. Orkuveitan stendur fyrir
miklum framkvæmdum á Vestur-
landi um þessar mundir og fyrir-
huguð eru fleiri verkútboð á árinu.
Ein allra mikilvægasta framkvæmd-
in á seinni árum komst í gagnið rétt
fyrir jólin þegar nýr 6.200 rúm-
metra miðlunartankur fyrir heitt
vatn við Akranes var tekinn í notk-
un. Gissur sagði tankinn bestu jóla-
gjöfina. „Ég stend fyllilega við þau
orð. Það er ekki nóg með að þessi
framkvæmd tryggi afhendingarör-
yggi á heitu vatni til íbúanna, held-
ur kemur hún stórlega til góða fyrir
okkar starfsmenn sem oft við mjög
erfiðar aðstæður, illviðri og nátt-
myrkur, höfum þurft að berjast
við það í tímapressu að koma heita
vatninu aftur á. Það hefur samt allt-
af verið þannig að við höfum haft
það í forgangi að allir skili sér heim
og tímapressan verið látin víkja fyr-
ir öryggi starfsmanna,“ segir Giss-
ur.
Heita vatnið og hundur-
inn í Skorholti
Það var einmitt rétt eftir að heita
vatnið var lagt frá Deildartunguhver
út á Akraness sem Gissur kom til
starfa hjá HAB eftir að hafa unnið í
eitt ár í pípulögnum hjá þeim sóma-
mönnum Karvel og Páli á Akranesi.
Gissur segir að til sé skemmtileg
saga sem greini frá því að fólk beið
lengi eftir því að fá heita vatnið og
yl frá því í sín híbýli á Akranesi.
Sagan sé á þá leið að þegar verið var
að hleypa vatninu á aðveituna niður
á Akranes hefði fólk í bænum haft
spurnir af því að þetta væri að ger-
ast. „Þetta var tímafrekt verk og tók
langan tíma. Þann dag sem til stóð
að hleypa vatninu á komu starfs-
menn HAB í Axelsbúðina sem þá
var hálfgerð félagsmiðstöð í bæn-
um á þeim tíma. Þeir voru spurðir
af fólki sem þar var af hverju þetta
tæki svona langan tíma. Þá varð
til svara Karl Elíasson starfsmaður
HAB. Hann sagði að hundurinn í
Skorholti hefði komist inn í lögn-
ina hjá bænum og það hefði þurft
að stoppa rennsli í aðveituæðinni
meðan hundurinn væri að hlaupa
eftir leiðslunni. Það ætti að bjarga
honum úr lögninni niður við Akra-
nes þegar hann kæmi þangað. Sag-
an fékk vængi og flaug út um bæinn
og nokkrum dögum seinna fóru svo
Akurnesingar að njóta nýs varma-
gjafa í hús sín.“
Þola 15 tíma bilun án
þess að skammta
Blaðamaður Skessuhorns hitti
Gissur og átti við hann tal í bæki-
stöðvum Orkuveitunnar við Dal-
braut á Akranesi á dögunum þar
sem Gissur útskýrði þjónustunetið
og þá miklu starfsemi sem OR er
með á Vesturlandi, en lagnakerfið
er gríðarlega víðfeðmt sem og mik-
ill fjöldi dælustöðva, spennistöðva,
hreinsistöðva og fráveitustöðva í
landshlutanum. Þessi mannvirki
þurfa mikið eftirlit, viðhald og
endurnýjun. Til að mynda er áætl-
un í gangi um endurnýjun aðalæð-
arinnar frá Deildartunguhver, en
sú lögn er samtals 74 kílómetrar.
Gert er ráð fyrir að þeirri endur-
nýjun ljúki árið 2026. Gissur seg-
ir að vissulega komi nýi miðlunar-
tankurinn á Akranesi til að létta og
auðvelda lífið bæði fyrir notendur
heita vatnsins og starfsmenn veit-
unnar en tilkoma tanksins eyk-
ur birgðagetuna meira en þrefalt.
„Þessi viðbót gerir það að verkum
að notendur verða vonandi fram-
vegis ekkert varir við það þótt að
bilun verði á kerfinu. Gamli 2.000
rúmmetra forðatankurinn dugði
aðeins í þrjá og hálfan tíma en með
nýja tankinum þolum við 15 tíma
bilun án þess að koma þurfti til
skömmtunar á vatni. Þetta gefur
okkur enn betri möguleika á yfir-
vegun í okkar verkferlum þótt eins
og ég segi tímapressan hafi aldrei
verið látin bitna á öryggi okkar
starfsmanna.“
Gott og duglegt
starfsfólk
Gissur segir að Orkuveita Reykja-
víkur hafi notið þess um tíðina að
hafa yfir frábæru stafsfólki að ráða.
Þar á meðal þeim tæplega 20 sem
eru að störfum hjá OR í starfs-
stöðvum á Vesturlandi; á Akra-
nesi, í Borgarnesi og Stykkishólmi.
„Auðvitað hafa notendur stund-
um verið gagnrýnir í okkar garð og
það er alveg hægt að skilja þeirra
hlið. Hins vegar hafa bilanirnar oft
verið þess eðlis og verið það tíma-
frekar að við höfum virkilega þurft
að treysta á gott og duglegt starfs-
fólk,“ sagði Gissur og smellti upp á
tölvuskjáinn mynd þar sem starfs-
maður var að byrja vinnu við bilun
þar sem 80 gráðu heitt vatn flóði út
úr lögn og myndaði polla sem síð-
an var veitt út í aðliggjandi skurði.
„Athugaðu að þetta tilvik gerist
yfir sumarið og í glaðasólskini en
staðan er oft allt önnur að haust-
inu eða vetrinum, stundum í hríð-
arbyl og kafalda. Aðstæðurnar geta
verið svo ótrúlega erfiðar því oft
gerast þessar bilanir þegar álagið
er hvað mest á kerfinu, í kulda- og
vetrartíð. Sem betur fer fyrir okk-
ar starfsmenn eru betri tímar fram-
undan,“ segir Gissur.
Draumastarfið
Spurður um hvernig honum hafi
líkað að starfa hjá HAB og síðan
OR segist Gissur algjörlega vera í
draumastarfinu. „Ég vinn hjá frá-
bæru fyrirtæki sem veitir starfs-
mönnum öll nauðsynlegustu tæki
og tól til að þeir geti sinnt sínu
starfi. Það er mannaval hjá þessu
fyrirtæki. Þetta er mjög fjölbreytt
starf, það er aldrei að vita hvað hver
dagur ber í skauti sér. Vinnudag-
urinn er oft langur hjá mér. Ég er
mættur hingað um klukkan sex á
morgnana og síðan er það á bilinu
fjögur til sex á daginn sem ég fer
heim. Það eru verkefnin sem ráða
en ekki klukkan, þannig að þegar
tarnir koma er vinnudagurinn mun
lengri. Í þessu starfi á ég í samskipt-
um við fjölda fólks sem gerir starfið
enn skemmtilegra. Auk starfsfólks-
ins hér á svæðinu og í höfuðstöðv-
unum í Reykjavík á ég í samskipt-
um við fólk á þeim stöðum sem við
erum með starfsstöðvar, svo sem
sveitarstjórnarfólk.“
Í bæjarpólitíkinni í
fjögur ár
Í ágúst í sumar verða 35 ár frá
því Gissur fluttist til Akraness frá
Reykjavík. Aðspurður segist hann
hafa kunnað mjög vel við sig á Akra-
nesi. „Mér finnst menningar- og
félagslíf hérna mjög gott og Akra-
nes hafi allt upp á bjóða sem góður
bær þarf. Síðan varð enn betra að
búa hérna með tilkomu Hvalfjarð-
arganganna 1998. Við það samein-
aðist Akranes höfuðborgarsvæðinu
sem atvinnu- og menningarsvæði.
Margir tala um að Skaginn hafi orð-
ið eins konar svefnbær við það, en
ég get ekki tekið undir það. Hér er
ýmislegt að gerast bæði menningar-
og félagslega fyrir þá sem vilja nýta
sér það,“ segir Gissur. Hann lét til
leiðast að taka þátt í bæjarpólitík-
inni um tíma. Það var kjörtímabilið
1990-1994. „Þá var ég bæjarfulltrúi
Framsóknarflokksins ásamt því frá-
bæra fólki; Steinunni Sigurðardótt-
ur og Jóni Hálfdánarsyni, og einn-
ig góðu fólki úr öðrum flokkum.
Það var mjög skemmtilegt og gef-
andi að starfa að bæjarmálunum.
Ég sá þó að það fór ekki saman að
sinna því starfi með minni vinnu.
Þá eins og reyndar hefur verið í
langan tíma þarf fólk að hafa rúm-
an tíma og ekki bundið í vinnu til
að geta mætt á fundi og sinnt störf-
um í sveitarstjórn. Ég ákvað því að
draga mig út úr bæjarpólitíkinni og
sinna mínu starfi hjá OR eingöngu
enda laun bæjarfulltrúans ekki til að
brúa vinnutap.“
Í slökkviliðinu í 30 ár
Gissur segir allstóran þátt í sínu
lífi á Akranesi að hann hafi verið
í slökkviliðinu í rúm 30 ár, eða frá
1984. „Það hefur það verið mjög
gefandi og skemmtilegt starf. Ein-
ungis er einn starfsmaður í föstu
starfi hjá slökkviliðinu og það er
slökkviliðsstjórinn. Við erum um
30 sem sinnum útköllum þegar þau
verða. Þá fáum við SMS í símana
okkar og mætum á stöðina til að
sinna útkallinu. Það hefur alla tíð
verið gott félagsstarf hjá slökkvi-
liðsmönnum sem felst í því að við
heimsækjum önnur lið og tök-
um þátt í íþróttamótum á vegum
Landssambands slökkviliðsmanna.
Við höfum líka alltaf verið afskap-
lega heppnir með slökkviliðsstjór-
ana sem hafa verið ljúfir og góðir
menn sem lagt hafa mikla áherslu á
góðan starfsanda í liðinu.“
Kom út af
handboltanum
Það var þó ekki vegna framtíðar-
starfa sem Gissur flutti til Akraness
síðsumars 1980, heldur vegna hand-
boltans sem þá var talsverð gróska í
á Skaganum. Gissur var markvörð-
Samskipti við fjölda fólks gerir starfið enn skemmtilegra
-segir Gissur Þór Ágústsson svæðisstjóri OR á Vesturlandi
Gissur við stjórnborð aðaldælustöðvarinnar á Akranesi.
Unnið að viðgerð aðalæðarinnar við Fiskilæk.
Ásamt félögunum í golfinu: Jóhann Sigurðsson, Gissur, Hlynur Sigurdórsson og
Björn Þórhallsson.
Gissur ásamt konu sinni Sigríði Alfreðsdóttur í fríi á Spáni.