Skessuhorn - 13.01.2016, Side 6
MIÐVIKUDAGUR 13. JANÚAR 20166
Formaðurinn
ekki í forseta-
framboð
BORGARFJ: Briddsfélag
Borgarfjarðar hélt aðalfund
sinn á mánudagskvöldið
síðasta. Formaðurinn, Jón
á Kópa, hélt stutta tölu og
gjaldkerinn, Guðmundur á
Grímsstöðum, gerði grein
fyrir reikningum, svo var
klappað. Þá kom formaður
undan feldi og tjáði mönn-
um að hann ætlaði ekki að
sækjast eftir að verða forseti
Íslands eins og flestir aðrir,
og gæti því áfram sinnt for-
mannsstöðu í félaginu. Þá
var klappað vel og eftir fá-
ein „önnur mál“ var farið að
spila. Spilaður var tvímenn-
ingur og voru pörin 13. For-
maðurinn var í feikna formi
eftir kosninguna og rót-
burstaði hvert parið á fæt-
ur öðru. Svo fór að þeir Jón
og Baldur unnu með skor
upp á 63,8%. Annað sæt-
ið hirtu Stefán og Sigurður
með tæpum 58% og þriðju
urðu Sveinbjörn og Lárus
með tæp 57%. Mánudag-
inn 25. janúar hefst sveita-
keppni félagsins og að þessu
sinni ætlar stjórnin ekki
að raða mönnum í sveitir
heldur skrá menn sveitirn-
ar næstkomandi mánudag,
svo verður nefnd sett í að
ákveða forgjöf fyrir hverja
sveit til að jafna leika. Ef
einhver á í erfiðleikum með
að ná í sveit er Jón Eyjólfs-
son á Kópareykjum með
símann á sér. Loks má geta
þess að helgina 13. og 14.
febrúar verður Vesturlands-
mótið í sveitakeppni. Þar
verður spilað um þrjú sæti
á Íslandsmóti. Staðsetning
hefur ekki verið ákveðin en
verður kynnt fljótlega.
-ij
Óhöpp í
umferðinni
VESTURLAND: Alls urðu
sex umferðaróhöpp í umdæmi
Lögreglunnar á Vesturlandi í
liðinni viku, þar af eitt þar sem
ökumaður flutningabíls slasað-
ist alvarlega þegar bíll hans fauk
útaf Vestfjarðavegi við Fells-
enda í Dölum sl. miðvikudag.
Frá því slysi er greint frá í ann-
arri frétt hér í blaðinu. Þá var
ekið á gangandi vegfaranda á
Snæfellsnesvegi, milli Grund-
arfjarðar og Ólafsvíkur síðdeg-
is sl. fimmtudag. Farið var með
viðkomandi á heilsugæslustöð
til læknisskoðunar en aðeins
var um minniháttar skrámur að
ræða sem þykir mjög vel sloppið
miðað við aðstæður. Þegar slysið
varð var viðkomandi ferðamað-
ur að leita að gsm símanum sín-
um sem hann hafði tapað í veg-
kantinum við myndatökur þar
nokkru áður. Ökumaður fólks-
bíls missti stjórn á bifreið sinni í
hálku sl. mánudag og rann bíll-
inn stjórnlaust áfram og hafnaði
á dráttarvél sem kom úr gagn-
stæðri átt. Höggið var það mik-
ið að vinstra framhjólið brotn-
aði undan dráttarvélinni. Ekki
urðu meiðsl á fólki í þessum
árekstri. -mm
Ólík verkefni
lögreglu
VESTURLAND: Lögreglan á
Vesturlandi hefur klippt skrán-
ingarnúmer af yfir 20 ökutækj-
um frá áramótum, vegna van-
goldinna tryggingaiðgjalda og
vanrækslu að færa ökutæki til
skoðunar. Þá kemur fram í dag-
bók lögreglu að bóndi á Mýrun-
um hafi kvartað yfir því að flug-
maður hefði lent flugvél í fjör-
unni hjá honum án leyfis og
fælt hross og annan búpening.
Talið er líklegt að um svokall-
að fis hafi verið að ræða fremur
en „fullvaxna“ flugvél. Ekki er
eins mikið regluverk í kringum
starfrækslu slíkra véla og stærri
flugvéla og því erfiðara að rekja
ferðir þeirra um loftin blá. Loks
voru erlendir ferðamenn aðstoð-
aðir í sl. viku þar sem þeir höfðu
fest bifreið sína í snjó á Grjót-
hálsi, sem liggur á milli Norð-
urárdals og Þverárhlíðar í Borg-
arfirði. Einnig voru útlending-
ar aðstoðaðir sem höfðu fest bíl
sinn á Laxárdalsheiði í Dölum.
Loks voru tveir ökumenn teknir
fyrir akstur undir áhrifum fíkni-
efna í vikunni. -mm
Staða hjúkrunar-
forstjóra laus
AKRANES: Vakin er athygli
á að í síðasta tölublaði Skessu-
horns var auglýst laus til um-
sóknar staða hjúkrunarforstjóra
á Hjúkrunar- og dvalarheim-
ilinu Höfði á Akranesi. Helga
Atladóttir hefur gegnt stöðunni.
Líkt og á öðrum sambærilegum
heimilum víðsvegar um land-
ið hefur hlutfall hjúkrunarrýma
aukist á undanförnum árum. Nú
eru 75 íbúar á Höfða og dvelja
56 þeirra í hjúkrunarrýmum
en 19 í dvalarrýmum. „Hjúkr-
unarforstjóri hefur faglega for-
ystu og ábyrgð á sviði hjúkrun-
ar og umönnunar á heimilinu.
Stjórnar faglegri þróun, rekstri
og starfsmannahaldi heimilisins
á sviði hjúkrunar og umönnun-
ar,“ segir m.a. í auglýsingunni.
Umsóknarfrestur um starfið er
til og með 18. janúar nk.
–mm
Bæjarstjórn Akraneskaupstaðar
samþykkti nýverið fjárhagsáætlun
fyrir þetta ár. Þar kemur fram að
fjárfestingar aukast verulega milli
ára og verður fjárfest fyrir 412,9
milljónir á árinu. Meðal annars er
gert ráð fyrir 80 milljóna króna
framkvæmdum á sundlaugarsvæð-
inu Jaðarsbökkum. Að sögn Regínu
Ásvaldsdóttur bæjarstjóra eru fyr-
irhugaðar endurbætur á lauginni,
sem gerðar verða í tveimur áföng-
um og hefst sá fyrri á þessu ári. Þá
verða núverandi skeljapottar fjar-
lægðir og nýir pottar settir upp.
„Þeir verða flísalagðir og dýpri en
þeir sem fyrir eru og með sætum.
Timburgirðing meðfram potta-
svæðinu verður fjarlægð og mun
léttari girðing verða sett upp í stað-
inn. Þá verður stétt umhverfis potta
og gönguleið frá búningsklefum
endurnýjuð,“ segir Regína í sam-
tali við Skessuhorn. Í öðrum áfanga
verður sett upp ný vatnsrennibraut
en það verður ekki gert á þessu ári.
grþ
Framkvæmdir fyrirhugaðar
við Jaðarsbakkalaug
Til stendur að skeljapottunum sem eru við Jaðarsbakkalaug verði skipt út fyrir
nýja potta á árinu.
Fyrirtækið Welcome Apartments
hefur fest kaup á Hótel Hellissandi
annars vegar og Hafnargötu 11 í
Rifi hins vegar, þar sem nú eru til
húsa gistiheimilið Virkið og versl-
unin Virkið, en verslunin er reyndar
að hætta rekstri eins og fram kemur
í annarri frétt í Skessuhorni á bls.
2. Kaupin á þessum fasteignum og
fyrirtækjum staðfestir Stefán Aðal-
steinsson framkvæmdastjóri Wel-
come Apartments „Já, þetta pass-
ar allt saman. Við ætlum okkur að
verða með veitinga- og gististarf-
semi í þessum húsum,“ segir Stef-
án í samtali við Skessuhorn. Fyrir-
tækið er nú þegar með gististarf-
semi víðsvegar um land, þar á með-
al á Laugarvatni, Vík í Mýrdal og
að Lambafelli undir Eyjafjöllum.
Aðspurður segir Stefán að til
standi að bæta við gistirýmum í
Hafnargötu 11 í Rifi, þar sem versl-
unin Virkið hefur verið rekin um
árabil. „Við ætlum að stækka þar,
þannig að allt húsið fari undir gist-
ingu. Þar verðum við með gistihús
með morgunverði en á Hótel Hell-
issandi verður einnig rekinn veit-
ingastaður.“ Stefán segist búast við
því að taka við rekstrinum upp úr
næstu mánaðamótum en reiknar
ekki með breytingum á rekstrinum
að svo stöddu. „Við stefnum á að
hafa opið allt árið um kring á báð-
um stöðum. Það hefur ekkert verið
ákveðið varðandi nafnabreytingar,
þetta er það nýlega komið til okk-
ar en sennilega höldum við þeim
nöfnum sem eru í dag,“ segir Stef-
án Aðalsteinsson.
grþ
Keyptu Hótel Hellissand og Virkið í Rifi
Hótel Hellissandur hefur nú skipt um eigendur.