Skessuhorn - 13.01.2016, Blaðsíða 17
MIÐVIKUDAGUR 13. JANÚAR 2016 17
Guðrún Björg Aðalsteinsdóttir hef-
ur verið skólameistari Menntaskóla
Borgarfjarðar í rétt rúmlega eitt
ár. Hún er borinn og barnfædd-
ur Húsvíkingur, lauk stúdentsprófi
frá Framhaldsskólanum á Húsavík
en settist að í Borgarfirði þegar hún
leitaði sér frekari menntunar. „Ég
hóf nám í viðskiptafræði við Há-
skólann á Bifröst árið 2003 og byrj-
aði að vinna fyrir skólann strax eftir
að ég lauk BS prófi,“ segir Guðrún í
samtali við blaðamann Skessuhorns
í síðustu viku. Á Bifröst var Guð-
rún Björg bæði kennslustjóri og
forstöðumaður Háskólagáttar, áður
en hún var ráðin skólameistari MB.
„Samhliða því að vinna á Bifröst
lauk ég frá skólanum námi í alþjóð-
legum viðskiptum og enn fremur
útskrifaðist ég með kennsluréttindi
frá Háskólanum á Akureyri, einnig
samhliða vinnu,“ segir hún. „Þann-
ig að það var nóg að gera. Vinnan,
námið og svo var ég líka með lítið
barn,“ bætir hún við og brosir.
Guðrún flutti frá Bifröst til
Borgarness í ágúst 2014, skömmu
áður en synir hennar tveir, nú átta
og fimmtán ára gamlir byrjuðu í
grunnskólanum það haustið. Tók
hún svo formlega við stöðu skóla-
meistara 1. október sama ár. „Okk-
ur hefur verið tekið mjög vel hér í
Borgarnesi og höfum aðlagast sam-
félaginu hratt og örugglega,“ segir
hún. „Að búa á Bifröst eða í Borg-
arnesi er tvennt ólíkt, þrátt fyrir að
staðirnir séu báðir í sama sveitarfé-
laginu. Bifröst er frekar lokað há-
skólasamfélag, í rauninni „cam-
pus“. Þegar ég bjó þar taldi ég mig
þekkja þokkalega til fólks hér í
Borgarnesi en sú reyndist ekki vera
raunin,“ segir hún en tekur skýrt
fram að fjölskyldunni hafi liðið vel
á Bifröst.
Þriggja ára nám
án lokaprófa
Menntaskóli Borgarfjarðar var fyrst
settur við hátíðlega athöfn í Skalla-
grímsgarði 22. ágúst 2007. Skólinn
er því meðal yngstu framhaldsskóla
landsins. „Frá því skólinn kom fyrst
fram á sjónarsviðið hefur hann þótt
framsækinn. Alla tíð hefur hér ver-
ið boðið upp á þriggja ára nám til
stúdentsprófs og unnið eftir leið-
sagnarmati. Í stað hefðbundinna
lokaprófa byggir námsmatið á verk-
efnum sem lögð eru fyrir yfir önn-
ina,“ segir Guðrún og bætir við að
nemendur fái endurgjöf eftir hvert
verkefni. „Þeim er munnlega eða
skriflega greint frá því í svokölluð-
um vörðum hver staða þeirra er í
námskeiðinu og hvað þarf að breyt-
ast til að viðkomandi nái markmið-
um áfangans, í þeim tilfellum sem
það á við,“ bætir hún við. Guð-
rún telur leiðsagnarmatið ekki síst
henta vel nemendum sem þjást af
prófkvíða, en færa má rök fyrir því
að halli æ meira á þann hóp eft-
ir því sem lokapróf vegur þyngra
og dagsformið hverju sinni skiptir
meira máli.
Að sögn Guðrúnar láta nemend-
ur vel af námsfyrirkomulaginu. „Við
höfum kannað viðhorf nemenda til
leiðsagnarmatsins og það fær góða
einkunn hjá þeim. Nemendur héð-
an koma vel út úr háskólanámi og
ég held að fyrirkomulagið hafi sitt
að segja,“ segir hún. „Við kenn-
um ákveðið verklag sem nemendur
njóta góðs af í frekara námi. Okk-
ar nemendur kunna að nálgast og
vinna stór verkefni og eru því vel
undir það búnir að vinna stór verk-
efni í háskólum. Krakkarnir skila
lokaverkefnum og búa vel að þeirri
reynslu þegar kemur að því að skila
BS eða BA verkefnum,“ segir Guð-
rún og bætir því við að þrátt fyrir
að engin lokapróf séu í MB sé skól-
inn ekki prófalaus skóli. Fjölmörg
hlutapróf séu lögð fyrir nemendur
á hverri önn og þeir kunni því vel
að þreyta próf.
Kennsluhættir eru um margt að
breytast á þessum misserum. Marg-
ir framhaldsskólar vinna að því að
minnka vægi lokaprófa og hafa
meðal annars litið til MB og fylgt
fordæmi þeirra við gerð á eigin sí-
matskerfum. Með tilkomu nýrrar
aðalnámskrár fyrir framhaldsskóla
er einnig litið til reynslu MB af
þriggja ára námi til stúdentsprófs.
„Styttingu náms til stúdentsprófs
fylgja í raun engin vandkvæði fyrir
okkur. Þriggja ára nám til stúdents-
prófs hefur alltaf verið til staðar hjá
okkur og við höfum góða reynslu af
því,“ segir Guðrún.
Rekstur skólans
gengur vel
Nemendur Menntaskóla Borgar-
fjarðar eru um 140 talsins, flest-
ir úr Borgarnesi og Borgarfirði en
auðvitað nokkur hluti annars stað-
ar frá, eins og gengur og gerist.
Að sögn Guðrúnar gengur rekstur
skólans vel. „Fámennir skólar eru
alltaf erfiðir í rekstri en okkur hef-
ur gengið mjög vel samt sem áður.
Við höfum haldið að okkur hönd-
um og passað að eyða ekki um efni
fram. Hér starfar fastur og góður
hópur kennara og allt starfsfólk
meðvitað um að reksturinn þurfi
að vera sem hagkvæmastur,“ segir
hún. „Aftur á móti er alltaf svolítil
óvissa, við vitum aldrei alveg hvað
við fáum inn marga nemendur
eða hvað við getum skilað mörg-
um nemendaígildum, sem eru for-
senda framlaga frá ríkinu,“ bætir
hún við.
Guðrún kveðst vona að skólinn
geti vaxið á komandi árum. „Von
mín er að við náum að stækka í
framtíðinni. Á komandi misserum
bíður okkar ákveðið markaðsstarf.
Við þurfum að kynna skólann fyr-
ir hugsanlegum nemendum, sér-
staklega þar sem útlit er fyrir það á
landsvísu að minni árgangar komi
upp úr grunnskólunum en verið
hefur undanfarin ár,“ segir hún.
Öflugt félagsstarf
nemenda
Við víkjum frá umræðu um rekst-
ur og að félagslífi nemendanna.
„Nemendur skólans eru alveg frá-
bærir. Hér er virkt nemendafélag
sem stendur fyrir fjölmörgum við-
burðum á hverjum vetri,“ segir
hún. „Næst á dagskrá er til dæmis
uppsetning á fjölskyldusýningunni
Benedikt búálfi. Æfingar hófust á
síðustu önn en hlé var gert yfir há-
tíðirnar áður en þær hófust aftur af
krafti eftir áramót,“ bætir Guðrún
við. „Áætlað er að frumsýna verkið
þann 5. febrúar næstkomandi og ég
er ekki í vafa um að það takist vel.“
Meðal frekari viðburða sem
nemendafélagið stendur fyrir nefn-
ir Guðrún skíðaferðalag og ferð í
Bláa lónið, auk dansleikja og fleiri
hefðbundnari viðburða. Hún legg-
ur áherslu á mikilvægi þess að nem-
endum gefist kostur á öflugu félags-
starfi, slíkt geti aðeins gert skóla-
vistina ánægjulegri fyrir þá sem
stunda þar nám og eftirsóknarverð-
ari fyrir framtíðarnemendur. Fram-
takssemi nemenda komi því öllum
til góða, bæði þeim sjálfum og skól-
anum í heild. „Félagslífið bygg-
ir auðvitað á þeim nemendum sem
eru í skólanum hverju sinni og tek-
ur mið af því hvað þeir hafa til mál-
anna að leggja og vilja gera,“ segir
hún. „Félagsstarfið er í góðum far-
vegi núna,“ segir Guðrún Björg að
lokum. kgk
Menntaskóli Borgarfjarðar hefur alla tíð þótt framsækinn skóli
Rætt við skólameistarann sem kom til starfa í Borgarnesi eftir nám og störf á Bifröst
Guðrún Björg Aðalsteinsdóttir skólameistari.
Nemar fylgdust með kvikmynd í íslenskuáfanga þegar blaðamann bar að garði að morgni fimmtudags.
Verkefnastjóri á kennslusviði
Hæfni og menntunarkröfur
• Háskólapróf
•
•
•
•
Starfssvið
• U
•
•
• R