Skessuhorn - 22.03.2016, Blaðsíða 23
ÞRIÐJUDAGUR 22. MARS 2016 23
HÁSKÓLI LÍFS & LANDS
WWW.LBHI.IS | LANDBÚNAÐARHÁSKÓLI ÍSLANDS | HVANNEYRI, 311 BORGARNESI | 433 5000 | LBHI@LBHI.IS
NÁTTÚRU- &
UMHVERFISFRÆÐI
UMHVERFIS-
SKIPULAGBÚVÍSINDI HESTAFRÆÐI FRAMHALDSNÁM
STARFS- &
ENDURMENNTUN
NÁTTÚRU- &
UMHVERFISFRÆÐI
SKÓGFRÆÐI &
LANDGRÆÐSLA
HESTAFRÆÐI GARÐYRKJA &BÚFRÆÐI
VILTU HAFA ÁHRIF Á NÝTINGU, VERNDUN OG VIÐHALD NÁTTÚRUNNAR?
KYNNTU ÞÉR SPENNANDI NÁM Í LANDBÚNAÐARHÁSKÓLA ÍSLANDS
Anna Kristín Guðmundsdóttir nem-
ur umhverfisskipulag við Landbúnað-
arháskóla Íslands á Hvanneyri. Fékk
hún í vetur það verkefni að hanna vist-
væna götumynd á Akranesi. Var það
liður í námskeiðinu Umhverfisskipu-
lag og lýðheilsa. Verkefnið hófst sem
hópverkefni þar sem greint var allt frá
umferð til ráðandi lita á svæðinu sem
til umfjöllunar er. Að því loknu skil-
uðu nemendur svo einstaklingsverk-
efni. „Út frá greiningu hópsins áttum
við að koma með tillögur að úrbót-
um með tilliti til lýðheilsu íbúa, það
er að segja hvernig gera mætti það
meira aðlaðandi og gönguvænna sem
stuðla gæti að bættri lýðheilsu,“ segir
Anna í samtali við Skessuhorn. Svæð-
ið sem hún fjallaði um er Kirkjubraut
frá Merkigerði að gatnamótunum
við Stillholt. Anna segir að svæðið sé
nú nokkurs konar „hraðbraut“ innan
bæjarins. „Þar eru nú fjórar akreinar,
tvær í hvora átt og allt umhverfi mjög
bílvænt,“ segir Anna. „Mínar tillögur
fela meðal annars í sér að fækka ak-
reinum í tvær. Þá hvetur umhverfið
til hægari aksturs. Einnig var hannað
gönguvænt og gróðursælt umhverfi
með sjálfbærum ofanvatnslausnum
og gróðurbeðum sem taka við regn-
vatni,“ bætir hún við.
Hún segir að allt umhverfi hafi
verið gert „mannvænna“ eins og
hún orðar það. „Til dæmis gera hug-
myndirnar ráð fyrir torgi fyrir framan
þjónustubyggingar þar sem fólk get-
ur mæst á gangi í stað bílastæða ein-
göngu eins og eru þar í dag. Þann-
ig er svæðið hugsað sem meira aðlað-
andi inngangur að hinum eiginlega
miðbæ Akraness.“
Mannvænt umhverfi er
það sem koma skal
Sjálfbærni og vistvæn götumynd eru
fyrirferðamikil hugtök í skipulags-
fræðum í dag. Tengjast þau lýðheilsu
nánum böndum og segir Anna áhuga-
vert að velta því fyrir sér hvernig
breytt umhverfisskipulag getur hvatt
og stuðlað að breyttri hegðun fólks.
„Reynt er að skapa grænt umhverfi
með gróðri en um leið sjálfbærri
hringrás þar sem gróðurbeð taka við
regn- og ofanvatni. Þannig má skapa
vistvæna götumynd,“ segir Anna og
bætir því við að gróðursælt og fallegt
umhverfi dragi gjarnan úr aksturs-
hraða og hvetji fólk til að leggja bíln-
um og ferðast frekar á tveimur jafn-
fljótum. „Eins er meiri hvati til að
ganga ef það er aðlaðandi svæði fyrir
framan byggingar en ekki bara hröð
umferðargata með bílastæðum upp
við innganginn,“ segir Anna.
Hún segir námið hafa opnað augu
hennar fyrir þessari sýn á skipulags-
málin. „Þetta hefur verið áberandi
í skipulagi síðustu ára. Ég hef allt-
af verið áhugasöm um hvernig okk-
ur líður í okkar umhverfi en ég hafði
ekki leitt hugann að þessu fyrr en ég
byrjaði að læra um umhverfisskipu-
lag,“ segir Anna. „Umhverfið hefur
nefnilega ýmislegt að segja um það
hvernig okkur líður frá degi til dags,“
segir hún.
Aðspurð hvort þessi sýn á skipu-
lagsmál sé það sem koma skal telur
hún svo vera. „Að hugsa um mann-
eskjuna í umhverfinu er það sem
koma skal. Að hanna aðlagandi um-
hverfi sem hvetur fólk til að stíga út
úr bílnum, fara ferða sinna fótgang-
andi og hitta annað fólk á förnum
vegi. Það stuðlar að betri lýðheilsu,
litríkara mannlífi og aukinni vellíð-
an,“ segir Anna Kristín að lokum.
kgk
Umhverfisskipulag getur stuðlað að bættri lýðheilsu
Anna Kristín Guðmundsdóttir, nemi í
umhverfisskipulagi við LbhÍ.
Horft í átt að miðbænum. Akreinum hefur verið fækkað í tvær og fjarlægð aukin milli götu og gangstígs. Hjólastígum hefur
komið fyrir og gert ráð fyrir meiri gróðri en nú er á svæðinu.
Bílastæði fyrir framan þjónustubyggingar hafa verið fjarlægð, m.a. til að gera
innganga þeirra meira aðlaðandi og hvetja fólk til að ferðast fótgangandi.