Skessuhorn - 22.03.2016, Blaðsíða 26

ÞRIÐJUDAGUR 22. MARS 201626
Árshátíð Brekkubæjarskóla var hald-
in með pompi og prakt í síðustu
viku. Að þessu sinni var ákveðið að
fjölga sýningum úr fjórum í fimm, til
þess að allir sem áhuga hefðu gætu
fengið miða. Árshátíðin var með
hefðbundnu sniði og stóðu nemend-
ur sig með miklum sóma. Dagskráin
var fjölbreytt að vanda þar sem fram
komu allir nemendur í 1. – 6. bekk
auk nemenda í 7. bekk og unglinga-
deild skólans.
Við sem störfum í Brekkubæjar-
skóla erum afskaplega stolt af ung-
lingunum okkar. Þann 25. febrúar sl.
var frumsýnt leikritið Græna húsið,
en þátttaka í því var liður í vali í ung-
lingadeildinni. Er skemmst frá því
að segja að krakkarnir slógu í gegn
og sýndu fyrir fullu húsi í Bíóhöll-
inni alls átta sinnum. Þessa krakka
tókst síðan að virkja til þátttöku í
árshátíðinni, sem leikara, söngvara,
tæknimenn, sviðsmenn og hljóð-
færaleikara. Nemendur í 8. bekk
sáu síðan um að aðstoða við gæslu á
yngstu börnunum á meðan á sýning-
um stóð.
Vafalítið verða krakkarnir fegnir
að komast í frí og hvíla sig fyrir glím-
una við námsbækurnar til skólaloka.
Nemendur og kennarar Brekku-
bæjarskóla vilja þakka öllum þeim
sem komu á sýningarnar með von
um að þeir hafi átt ánægjulega stund.
Hægt er að sjá myndir af atriðum á
heimasíðu skólans, brak.is.
Hallbera Jóhannesdóttir
Ljósm. Kristinn Pétursson.
Árshátíð Grunnskólans í Borgar-
nesi var haldin 17. mars síðastlið-
inn í Hjálmakletti. Tvær sýningar
voru þann dag. Formlegur undir-
búningur fyrir árshátíð hófst 7.
mars. Þá viku og fram að árshá-
tíð var unnið á öllum skólastigum
að þema tengdu árshátíð, hluta úr
deginum. Allir nemendur og allt
starfsfólk skólans tók þátt í und-
irbúningi og framkvæmd. Þema
árshátíðar þetta árið var hjálpsemi
og vinátta. Hefð er fyrir því að
stjórn nemendafélagsins komi með
hugmyndir að þema.
Á yngsta stigi flutti hver árgang-
ur eitt atriði. Nemendur í fyrsta
bekk sungu vinasöngva, nemendur
í öðrum bekk sungu syrpu af ABBA
lögum með frumsömdum texta
sem fjallaði um skólastarfið og
nemendur í þriðja bekk fluttu leik-
þátt um tröll, auk þess að syngja og
dansa. Á miðstigi voru þrír hópar
með atriði. Sönghópurinn flutti
lög sem fjölluðu um mikilvægi vin-
áttunnar, leikhópurinn flutti leik-
þáttinn Snorri – vinur minn, um
ævi og örlög Snorra Sturlusonar
og danshópurinn flutti vinadans.
Unglingastigið flutti þætti úr leik-
ritinu Dýrin í Hálsaskógi.
Öll atriðin voru samin frá grunni
í skólanum; handrit frumsam-
in eða útfærð, búningar hannað-
ir og saumaðir, leikmyndin hönn-
uð, smíðuð og máluð og dans-
ar samdir og hannaðar skreyting-
ar í salinn, svo eitthvað sé nefnt.
Að baki þeim sem stíga á svið er
fjöldi sviðs- og tæknimanna. Þeir,
auk kynna kvöldsins, eru úr 7. –
10. bekk.
Það útheimtir gríðarlega vinnu
hjá bæði nemendum og starfs-
fólki að undirbúa slíka sýningu.
Afraksturinn var ljómandi góður,
árshátíðin hin besta skemmtun og
gaman fyrir nemendur að flytja sín
verk frammi fyrir fullum sal áhorf-
enda. Upptöku af árshátíðinni má
nálgast á Youtube.
Hulda Hrönn Sigurðardóttir.
Árshátíð Grunnskólans í Borgarnesi
Árshátíð Brekkubæjarskóla 2016