Skessuhorn - 17.08.2016, Side 23

MIÐVIKUDAGUR 17. ÁGÚST 2016 23
Tækniborg | Borgarbraut 61 | 422 2210
VIÐ HÖFUM GÓÐA REYNSLU
AF SKÓLAVERKEFNUM
WI�FI PRENTARAR,
BLEK OG PAPPÍR
FARTÖLVUR
Verð frá: 49.900 kr.
Y700
Kraftmikil og skemmtileg fyrir leikina Frábært verð – mikil gæði Hraður og öflugur SSD diskur
Verð frá: 189.900 kr.
YOGA 3
Verð frá: 99.900 kr.
Einstakt úrval fyrir góða námsmenn.
BAKPOKAR, TÖSKUR OG UMSLÖG FRÁBÆR ÞRÁÐLAUS HEYRNARTÓL
Frá Bose, Audio Technica, Plantronics og Sony.
SKÓLABLAÐ SKESSUHORNS
Í dag verður Fjölbrautaskóli Vestur-
lands settur í fertugasta skipti. Skóla-
árið hefur undanfarin ár hafist fyrr
vegna styttingar náms til stúdents-
prófs. Ágústa Elín Ingþórsdóttir,
skólameistari FVA, segir aðsóknina
í skólann vera góða. „Mjög góð að-
sókn hefur verið í skólann og stefn-
ir í að það verði nokkur fjölgun frá
síðasta skólaári. Nýinnritaðir nem-
endur fæddir 2000 eða síðar eru rúm-
lega 150 talsins. Fjölgun hefur verið í
námi með vinnu en í því eru rúmlega
hundrað manns. Í námi með vinnu
bjóðum við upp á nám í húsasmíði,
húsgagnasmíði, í meistaraskóla, á
sjúkraliðabraut og í vélvirkjun,“ seg-
ir Ágústa Elín.
Afreksíþróttasviðið
gengið vel
Í fyrra bauð FVA í fyrsta skipti upp
á að nemendur gætu skráð sig á af-
reksíþróttasvið. Sviðið býður upp á
að nemendur geti stundað sína íþrótt
með álagi afreksmanna samhliða námi.
FVA og ÍA hafa síðan samráð um að
iðkendur í verkefninu nái tilskildum
árangri, bæði á afreksíþróttasviðinu
og í hefðbundnu námi. Ágústa segir
að afreksíþróttasviðið hafi gengið vel.
„Um fimmtíu nemendur eru skráð-
ir á sviðið í ár og ánægjulegt er hve
vel hefur verið tekið í það. Nemend-
urnir sem skráðir eru í afrekið stunda
ýmiss konar íþróttir; knattspyrnan
er vinsælust en körfubolti, badmin-
ton og keila eru þarna líka. Dæmi eru
um það að nemendur komi í skólann
annars staðar frá vegna afrekssviðsins.
Það er ánægjulegt að geta boðið upp
á þennan valmöguleika og þá sérstak-
lega hérna á Akranesi, því Akranes er
mikill íþróttabær og hér er blómlegt
íþróttalíf,“ segir Ágústa.
Viðhald á húsnæði og
tölvukerfi skólans
Í sumar hafa verið miklar fram-
kvæmdir og fjárfestingar í FVA. Eld-
hús mötuneytis var tekið í gegn, skipt
var um glugga, flísar á stétt og tröpp-
um og þjónustubygging máluð að
utan ásamt öðru viðhaldi. Þá hefur
endurnýjun átt sér stað á heimavist og
tölvukerfi skólans. „Hluta húsbúnað-
ar á heimavist var skipt út í sumar og
í haust liggur fyrir að breyta tveimur
herbergum í opið rými, þar sem bæði
setustofu og eldhússaðstöðu verð-
ur komið fyrir. Þá verður pláss fyrir
60 nemendur í stað 64 áður. Heima-
vistin í ár er nánast fullbókuð. Vist-
arbúum er að fjölga aftur og við höf-
um unnið markvisst að því að auglýsa
vistina sem hefur líklega haft áhrif,“
segir Ágústa.
Í sumar hafa tölvumál skólans einn-
ig verið færð til betri vegar. „Mikið af
netlögnum og netbúnaði hefur ver-
ið endurnýjaður og lagfærður, all-
ir vefþjónar hafa verið endurnýjað-
ir og gömlu kennslukerfi skipt út fyr-
ir nýtt frá Advania. Þá hefur tölvu-
stofan verið tekin í gegn frá grunni;
gömlu tölvunum skipt út fyrir nýjar
og tölvustólar endurnýjaðir ásamt því
að rýmið hefur verið lagað og mál-
að,“ segir hún.
Virkt samstarf
og framsækni
Ágústa segir að FVA sé góður skóli
en alltaf megi leita leiða til þess að
efla og auðga skólastarfið. „Mikil-
vægt er að vera í tengslum við nem-
endur, foreldra, nærsamfélagið, að-
liggjandi skólastig og atvinnulífið og
sinna með þeim hætti breytilegum
þörfum margra. Við erum í samstarfi
við stóriðjusvæðið á Grundartanga,
meðal annars í gegnum Stóriðjuskól-
ann. Það er hollt að líta í kringum sig,
hlusta á umhverfið og eiga í samtali
við samfélagið. Afrekíþróttasviðið var
mjög jákvætt skref og við erum vak-
andi fyrir nýjum námsmöguleikum
sem mæta þörfum nemenda og at-
vinnulífs. Hér á Akranesi eru fram-
úrskarandi leik- og grunnskólar og
tónlistarskóli sem skila góðum nem-
endum til okkar. Listgreinakennsla er
þar í hávegum höfð og velta má fyr-
ir sér hvort hægt væri að útvíkka nú-
verandi listnámssvið FVA í anda af-
reksíþróttasviðs, þar sem lögð yrði
áhersla á ólíkar listgreinar. Án efa
hefðu margir nemendur áhuga á
því. Enn eru þetta þó vangaveltur en
við erum stöðugt að leita leiða til að
auka fjölbreytni í námsframboði fyr-
ir nemendur. Skólinn á að vera fjöl-
breyttur, skapandi og framsækinn og
mæta þörfum breiðs nemendahóps“,
segir Ágústa.
Starfsumhverfið
Nokkrar breytingar hafa orðið innan
starfsmannahópsins frá því á síðustu
önn og vel hefur gengið að manna all-
ar stöður. Fjöldi kennara við skólann
á þessari önn er rúmlega 40 og sam-
tals eru starfsmenn um 70. „Starfs-
fólkið hér er vel menntað og fjölhæft
og gerir FVA að þeim góða skóla sem
hann er. Það er ánægjulegt að FVA er
eftirsóttur vinnustaður og við erum
bjartsýn fyrir komandi vetri,“ segir
Ágústa að endingu.
bþb
Fjölbrautaskóli Vesturlands á Akranesi:
Mikilvægt að vera í tengslum við nemendur og nærsamfélagið
Töluverðar breytingar hafa orðið á tölvustofu skólans og búnaðurinn þar inni
hefur verið endurnýjaður.
Hér vinnur hópur nemenda saman að verkefni í jákvæðri sálfræði.