Skessuhorn - 05.10.2016, Page 17
MIÐVIKUDAGUR 5. OKTÓBER 2016 17
Grímshússfélagið
leitar að leigjendum
Stjórn Grímshússfélagsins í Borgarnesi auglýsir hér með eftir
áhugasömum aðilum til að leigja Grímshús í Brákarey í Borgarnesi.
Áhugasamir skulu leggja fram hugmyndir sínar og áætlanir um þá
starfsemi sem þeir hyggjast hafa í húsinu. Til greina kemur að leigja
húsið út til nokkurra ára ef samkomulag næst. Stærð hússins er um
167m2 auk millilofts. Húsið er frágengið að utan en óinnréttað
þannig að áhugasamir geta haft nokkur áhrif á frágang að innan.
Tilboðum og hugmyndum skal skila á grimshusbrakarey@gmail.com
fyrir föstudaginn 7. október 2016.
Grímshússfélagið
SK
ES
SU
H
O
R
N
2
01
6
ÞJÓNUSTA ÞJÓNUSTA
BLIKKSMIÐJA
Loftræstingar – Reykrör
Klæðningar – Nýsmíði
Viðhald – Efnissala
JÁRNSMIÐJA
Gjafagrindur – Nýsmíði
Viðhald – Þjónusta
Hesthúsinnréttingar
RAFMAGNS-
VERKSTÆÐI
Nýlagnir – Viðhald
Viðgerðaþjónusta
Borgarbraut 74 • 310 Borgarnesi • 412-5300 • limtrevirnet.is
Ingibjörg Guðjónsdóttir, hand-
verkskona á Akranesi, ætlar að
halda bútasaumssýningu í Fanna-
hlíð í Hvalfjarðarsveit dagana 7.
til 9. október næstkomandi. Á sýn-
ingunni býður Ingibjörg gestum
að koma og skoða hluta afrakst-
urs síðustu ára. Til sýnis verða yfir
hundrað dúkar og tugir teppa; allt
frá barnateppum upp í hjónarúma-
teppi. Engir smærri munir verða til
sýnis að þessu sinni. Hægt verður
að kaupa bútasaumsmuni á sýning-
unni en vert er að taka fram að ein-
hverjir eru fráteknir nú þegar.
Ingibjörg hefur lengi stundað
bútasaum og haldið margar sýn-
ingar. „Ég hef saumað bútasaum
síðan 1986, haldið sjö einkasýn-
ingar og tekið þátt í nokkrum sam-
sýningum. Ég hef mikinn áhuga á
öllu handverki og bútasaumur var
nýr fyrir mér þá og eitthvað sem
mig langaði að prófa. Ég féll strax
fyrir bútasaumnum, fór að sauma
mikið sjálf og leiðbeina öðrum og
stóð til að mynda fyrir námskeiðum
í mörg ár,“ segir Ingibjörg í samtali
við Skessuhorn.
Skemmtilegast við bútasauminn
þykir Ingibjörgu að sköpunargleð-
in fái að njóta sín við gerð muna
sem nýtast til heimilisins. „Búta-
saumsmunir eru nytjahlutir en
maður getur leikið sér að formum
og mynstrum, haft í öllum litum
og úr mismunandi efni,“ segir hún.
„Þetta er áhugamál mitt númer
eitt, tvö og þrjú. Ég prjóna reyndar
mikið líka og hekla en bútasaumur
er aðal áhugamálið og það sem ég
ver mestum tíma í,“ segir Ingibjörg
að lokum.
Áhugasömum er bent á að sýning
Ingibjargar í Fannahlíð verður opin
frá 14 til 18 á föstudaginn og frá 12
til 18 bæði á laugardag og sunnu-
dag. kgk
Bútasaumssýning í Fannahlíð um helgina
Handverkskonan Ingibjörg Guðjónsdóttir á Akranesi.
Síðastliðinn föstudag komu fulltrú-
ar Rafiðnaðarsambands Íslands og
Samtaka rafverktaka í heimsókn í
Fjölbrautaskóla Vesturlands á Akra-
nesi og færðu öllum nemendum á
rafiðnbrautum spjaldtölvu að gjöf.
Allir nemendur í rafiðngreinum
á landinu, samtals um 800 manns,
munu í haust fá spjaldtölvur að gjöf
frá SART og RSÍ fyrir hönd allra
atvinnurekenda og launþega í raf-
iðnaði. Tilgangur gjafarinnar er
að tryggja að nemendur geti nýtt
sér úrval kennsluefnis sem þegar er
í boði á rafrænu formi á www.raf-
magn.is og stuðla að betri námsár-
angri og fjölgun nemenda í þessum
greinum.
Kristján Þórður Snæbjarnarson,
formaður RSÍ, var einn þeirra sem
hélt stutta tölu á sal FVA áður en
afhendingin fór fram. Í máli hans
kom fram að ekki nægilega margir
lykju sveinsprófi í rafvirkjun á Ís-
landi eins og staðan væri í dag. Tal-
ið væri að um 200 rafvirkja vant-
aði á vinnumarkaðinn og því mik-
ilvægt að hvetja rafiðnnema til að
ljúka sveinsprófinu og tryggja sér
þar með réttindi til að starfa inn-
an greinarinnar. Enn fremur sagði
hann að markmiðið væri að hafa allt
námsefni aðgengilegt nemendum
án endurgjalds og á rafrænu formi.
Að svo búnu afhenti Magnús
Guðjónsson, formaður Félags raf-
verktaka á Vesturlandi, Hrafnhildi
Arín Sigfúsdóttur, fyrstu spjaldtölv-
una.
Skessuhorn ræddi stuttlega við
Hrafnhildi að athöfn lokinni. „Þetta
er ekkert smá vegleg gjöf,“ sagði
Hrafnhildur sem telur að spjaldtölv-
urnar muni koma að góðum notum.
„Við notum nú þegar nokkuð af því
námsefni sem er aðgengilegt á þess-
um vef og það verður mjög þægilegt
að geta gripið í það í spjaldtölvunni.
Ég sjálf mun örugglega nota efnið
meira í skólanum en áður. Ég held
að þetta muni nýtast nemendum vel
í tímum sem og heima,“ segir hún.
Hrafnhildur er á öðru ári á
grunndeild rafiðna og ber nám-
inu vel söguna. „Mér líkar rosalega
vel. Ég var komin með leið á bók-
legum greinum en rafiðn er meira
mitt áhugasvið. Það er gaman að fá
að vinna aðeins með höndunum og
sjá strax hvernig dæmin sem maður
reiknar nýtast í raunveruleikanum,“
segir Hrafnhildur að lokum.
kgk
Rafiðnnemar í FVA fengu spjaldtölvur að gjöf
Allir rafiðnnemar FVA fengu spjaldtölvur að gjöf síðastliðinn föstudag. Með þeim á myndinni eru Ágústa Elín Ingþórsdóttir skólameistari lengst til vinstri og þeir Magnús Guðjónsson og Kristján Þórður Snæbjörnsson til
hægri.
Hrafnhildur Arín Sigfúsdóttir tekur við fyrstu spjaldtölvunni úr hendi Magnúsar
Guðjónssonar, formanns Félags rafverktaka á Vesturlandi. Kristján Þórður Snæbjar-
narson, formaður Rafiðnaðarsambands Íslands er með á myndinni.