Skessuhorn - 05.10.2016, Qupperneq 20
MIÐVIKUDAGUR 5. OKTÓBER 201620
Bið áhorfenda, stuðningsmanna
og körfuknattleiksaðdáenda er
senn á enda því keppni í Dom-
ino‘s deild kvenna í hefst í kvöld,
miðvikudaginn 5. október og
karlarnir hefja leik á morgun,
fimmtudaginn 6. október. Hvorki
fleiri né færri en fimm lið frá
Vesturlandi taka þátt í tveimur
efstu deildum Íslandsmóts karla
og kvenna í körfuknattleik. Bæði
Snæfell og Skallagrímur senda
lið til keppni í Domino‘s deild-
um karla og kvenna. Þar að auki
sendir ÍA lið til keppni í 1. deild
karla. Skessuhorn heyrði í þjálf-
urum Vesturlandsliðanna og
ræddi við þá um tímabilið sem
senn er að hefjast.
„Ætlum okkur að verða
Íslandsmeistarar“
Snæfell er ríkjandi Íslandsmeist-
ari í körfuknattleik kvenna og lið-
ið hampaði auk þess bikarmeistara-
titlinum á síðasta ári. Liðinu er spáð
góðu gengi í vetur og Ingi Þór Stein-
þórsson þjálfari kveðst hafa góða til-
finningu fyrir komandi tímabili.
„Liðið hefur reyndar farið rólega af
stað á undirbúningstímabilinu. Við
höfum lítið náð öllum mannskapn-
um saman en aukum það og bætum
núna síðustu dagana fyrir mót. En
spenningurinn er mikill og ég hef
fína tilfinningu fyrir tímabilinu,“
segir Ingi. Snæfell heldur mörgum
lykilleikmönnum frá síðasta vetri
en hafa einhverjar breytingar orð-
ið á leikmannahópnum? „Alda Leif
Jónsdóttir er flutt suður og óvíst
hvort hún verður með. Þá er enn
óljóst hvort Bryndís Guðmunds-
dóttir spilar með okkur í vetur en
það er allt opið enn,“ segir Ingi. Enn
fremur er Haiden Palmer farin í at-
vinnumennsku til Evrópu, en hún
var einn allra besti leikmaður deild-
arinnar síðasta vetur. „Taylor Brown
kemur inn í staðinn fyrir hana og
svo höfum við fengið landsliðskon-
una Pálínu Gunnlaugsdóttur,“ segir
Ingi. „Þannig að hópurinn er mjög
sterkur og við þurfum að vera með
sterkan hóp. Við ætlum okkur að
vera áfram topplið og til þess þurf-
um við að vera tilbúin í hvað sem
er; geta tekist á við meiðsli, veikindi
og hvað sem kann að koma upp á,“
segir hann en bætir því við að fyrst
og fremst ætli liðið að hafa gaman
af tímabilinu. „Við ætlum að njóta
þess að vera til og að vera saman og
það fá allir tækifæri,“ segir þjálfarinn
og bætir því við að auk sterkra við-
bóta séu ungir og efnilegir leikmenn
að koma upp hjá liðinu og leikmenn
að snúa til baka úr meiðslum. „Anna
Soffía Lárusdóttir er til dæmis að
koma mjög sterk inn og síðan erum
við að fá Helgu Hjördísi Björgvins-
dóttur til baka eftir meiðsli. Hún
gat eiginlega ekkert verið með okk-
ur í fyrra. Þannig að við erum með
skemmtilegan hóp.“
Aðspurður um markmið komandi
vetrar segir Ingi að liðið ætli sér að
ná fyrsta sæti í deildarkeppninni og
verja Íslandsmeistaratitilinn. „Við
stefnum hátt og höfum metnað. Við
ætlum okkur að enda á toppnum í
deildinni og verða Íslandsmeistar-
ar,“ segir Ingi.
Fyrsti leikur Snæfells í Domino‘s
deild kvenna er Vesturlandsslagur
því liðið mætir Skallagrími í kvöld,
miðvikudaginn 5. október kl 19:15.
Hann fer fram í Borgarnesi.
Tækifæri fyrir unga
menn að standa vaktina
Ingi Þór er einnig þjálfari karla-
liðs Snæfells sem hafnaði í 9. sæti
deildarinnar á síðasta keppnistíma-
bili og rétt missti af úrslitakeppn-
inni. Miklar breytingar hafa orðið á
leikmannahópnum síðan þá. Leik-
menn sem hafa horfið á braut í sum-
ar eru meðal annars Sigurður Þor-
valdsson, Austin Bracey, Stefán Kar-
el Torfason og Óli Ragnar Alexand-
ersson, svo dæmi séu tekin. Reynsla
þessara leikmanna í efstu deild er
mikil og því var farin sú leið að fá
reyndan erlendan leikmann, hinn
33 ára gamla Sefton Barrett. „Strák-
arnir sem komu til okkar hafa ekki
mikla reynslu af því að leika í efstu
deild og því var svarað með því að
ná í leikreyndan mann. Hann verð-
ur svona pabbi á vellinum,“ segir
Ingi léttur í bragði. „En hann hef-
ur spilað í níu ár sem atvinnumað-
ur í Kanada, Þýskalandi og nú síðast
í finnsku deildinni, sem er sú sterk-
asta á Norðurlöndunum. Við þurf-
um mikið frá honum í hverjum leik
og vonandi nær hann að standa und-
ir þeim væntingum og líkar lífið vel í
Hólminum,“ segir hann.
Í ljósi þessara breytinga má nán-
ast segja að Snæfell tefli fram nýju
liði í ár. „Það þýðir einfaldlega að
það er tækifæri fyrir unga menn sem
voru fyrir og þá sem komu til okkar
að standa sig og standa vaktina fyrir
Snæfell,“ segir Ingi. „Tækifærið er
algjörlega þeirra og okkar starf verð-
ur að hlúa vel að þessum strákum og
bakka þá upp,“ bætir hann við.
Ingi segir að markmið liðsins
sé að halda sæti sínu í deild þeirra
bestu. „Það er engin pressa á leik-
mönnunum en engu að síður krafa
um að þeir standi sig og geri eins
vel og hægt er. Meðan menn verða
við því er ekki hægt að fara fram á
meira,“ segir hann og vill að lokum
hvetja stuðningsmenn til að fjöl-
menna á leiki í vetur. „Ég vona að
stuðningsmenn Snæfells nær og fjær
fylki sér á bakvið liðin í vetur, sama
hvort það er í botnbaráttu eða topp-
baráttu, því það er það sem sannur
stuðningsmaður gerir,“ segir þjálfari
Snæfellsliðanna að lokum.
Fyrsti leikur Snæfells í deildinni
í vetur er útileikur gegn ÍR. Verður
hann leikinn á morgun, fimmtudag-
inn 6. október.
Nýliðarnir ætla að verða
verðugir andstæðingar
Lið Skallagríms var nær ósigrandi í
1. deild kvenna á síðasta ári og lauk
keppni í efsta sæti deildarinnar. Lið-
ið bar síðan sigurorð af Njarðvík í
úrslitakeppninni í vor og tryggði sér
sæti í Domino‘s deildinni. Borgnes-
ingar hafa síðan þá unnið hörðum
höndum að því að búa liðið undir
komandi átök í deild þeirra bestu.
Tryggði Skallagrímur sér með-
al annars krafta þriggja landsliðs-
kvenna og fyrrum leikmanns banda-
ríska landsliðsins. Manuel Rodrigu-
ez þjálfari kveðst ánægður með leik-
mannahópinn. „Ég er ánægður
með hópinn. Stjórn félagsins hefur
unnið hörðum höndum í allt sum-
ar og gert frábærlega vel í að bæta
við leikmönnum til að styrkja hóp-
inn. Nú er komið að mér að leggja
jafn hart að mér með leikmönnun-
um og endurgjalda það traust sem
mér hefur verið sýnt,“ segir Manu-
el. „Við erum með góða leikmenn
en nú verðum við að vinna hörð-
um höndum að því að verða gott
lið. Það er ekki alltaf samasemmerki
milli góðra leikmanna og góðs liðs,
margir aðrir þættir spila þar inn í;
vinnuframlag, meiðsli, traust og svo
framvegis,“ bætir hann við.
Manuel hefur varið mikilli vinnu
á undangengnu sumri í að horfa
á myndbönd af hinum liðunum í
Domino‘s deildinni, reynt að læra að
þekkja styrkleika og veikleika hvers
leikmanns og þekkja leikstíl ann-
arra liða. Skallagrímsliðið fór síðan
í æfingaferð til Spánar og hóf und-
irbúning af fullum krafti. „Það var
æft stíft þá vikuna en ferðin hjálp-
aði okkur líka að kynnast innbyrð-
is. Þar var lagður grunnur að spenn-
andi keppnistímabili. Fyrir skömmu
síðan kom svo Tavelyn Tillman til
landsins og nú höldum við áfram að
vinna að því að vera eins vel und-
irbúin fyrir fyrsta leik og mögulegt
er,“ segir Manuel.
Aðspurður hvort breytinga sé að
vænta í leik liðsins segir hann svo
ekki vera. „Ég vil gjarnan halda
einkennum liðsins frá síðasta vetri;
byggja á mjög sterkum varnarleik
sem gerir okkur kleift að sækja hratt
og leika hraðan og dýnamískan sókn-
arleik. Okkur tókst að halda í mikil-
væga leikmenn og efla liðið með
því að bæta við sterkum leikmönn-
um. Það er á mína ábyrgð að raða
púslunum í púsluspilinu saman. Ef
við leggjum okkur fram á æfingum
kemst það upp í vana sem skilar sér
í leikjum,“ segir hann. „Við tökum
bara eitt skref í einu og reynum að
njóta hvers augnabliks, hvers leiks og
hverrar æfingar. Eins og ég hef sagt
áður þá nær fólk sjaldnast árangri ef
það nýtur ekki þess sem það gerir.
Lykillinn að þessu keppnistímabili
verður sá sami og í fyrra; vinnusemi
og auðmýkt,“ segir Manuel.
Aðspurður kveðst hann ekki vilja
setja liðinu markmið um eitthvað
tiltekið sæti í lok tímabils. „Ég er
afar stoltur að vera sá fyrsti í 40
ára sögu kvennaliðs Skallagríms til
að stýra liðinu í efstu deild og taka
þannig virkan þátt í aldarafmæli
félagsins. Þrátt fyrir að við séum ný-
liðar í deildinni þá stefnum við á að
byggja upp gott lið sem getur orðið
öðrum liðum verðugur andstæðing-
ur. En ég vil ekki setja okkur mark-
mið um eitthvað sæti í deildinni. Ég
vil frekar njóta vegferðarinnar því á
endanum höfnum við á þeim stað
sem við eigum skilið að vera á. En
við ætlum ekki að gefa neitt eftir,“
segir Manuel að lokum.
Fyrsti leikur Skallagríms fer fram
í Borgarnesi í kvöld, miðvikudag-
inn 5. október, þegar liðið mætir Ís-
lands- og bikarmeisturum Snæfells.
Liðunum hefur verið spáð tveimur
efstu sætunum í deildinni og því má
fullyrða að Vesturlandsslagurinn sé
stórleikur fyrstu umferðar.
„Stefnum fulla ferð að
úrslitakeppninni“
Karlalið Skallagríms lék í 1. deild-
inni á síðasta vetri. Liðið tryggði
sér sæti í Domino‘s deildinni eftir
spennandi úrslitaeinvígi við Fjölni
þar sem úrslitin réðust í oddaleik. Í
sumar hafa Skallagrímsmenn end-
urnýjað samninga við unga og efni-
lega leikmenn liðsins, samið við
nokkra unga leikmenn til viðbótar
og þar að auki og bætt við reynslu-
miklum leikmönnum til að leiða
hópinn. Finnur Jónsson þjálfari
segir að sér lítist stórvel á komandi
tímabil og kveðst hvergi banginn að
stýra nýliðunum í deildinni. „Enda
engin ástæða til,“ segir hann. „Við
náðum að halda meginþorra þess
mannskaps sem við höfðum fyrir
og þar af mörgum efnilegum leik-
mönnum, heimastrákum og mér
líst virkilega vel á hópinn. Þetta er
mikil og þétt eining,“ segir Finnur.
„Hafþór Gunnarsson er hættur en
við erum búnir að fá til liðs við okk-
ur þrjá reynslubolta; Darrel Flake,
Magnús Gunnarsson og Flenard
Whitfield og þar að auki unglinga-
landsliðsmanninn Eyjólf Ásberg
Fyrstu leikirnir í Domino‘s deildunum
eru rétt handan við hornið
Ríkjandi Íslands- og bikarmeistarar Snæfells setja markið hátt fyrir komandi
vetur. „Við ætlum okkur að enda á toppnum í deildinni og verða Íslandsmeistarar,“
segir Ingi Þór Steinþórsson þjálfari.
Skallagrímur hefur leik í Domino‘s deild kvenna í kvöld þegar liðið mætir Snæfelli
í Vesturlandsslag. Liðið leikur í efstu deild í fyrsta sinn í efstu deild. „Ég er afar
stoltur að vera sá fyrsti í 40 ára sögu kvennaliðs Skallagríms til að stýra liðinu í
efstu deild,“ segir Manuel Rodriguez þjálfari liðsins.
Ljósm. Ómar Örn Ragnarsson/ Kvennakarfa Skallagríms á Facebook.
Snæfell teflir fram mikið breyttu liði frá síðasta vetri í Domino‘s deild karla. Margir
reynslumiklir leikmenn hafa horfið á braut í sumar og ungir leikmenn komið í
staðinn. Meðal þeirra er Sigurður Þorvaldsson sem kvaddi eftir langa dvöl og einn
Íslandsmeistaratitil í Hólminum.