Skessuhorn - 05.10.2016, Page 25
MIÐVIKUDAGUR 5. OKTÓBER 2016 25
Pennagrein
Við hjá Samtökum ferðaþjónust-
unnar höfum átt samtöl við sveitar-
stjórnarfólk og ferðaþjónustufólk að
undanförnu, meðal annars á Vestur-
landi. Ekki fer á milli mála að svæð-
ið er komið á kortið sem valkostur
í dagsferðum fyrir erlenda ferða-
menn. Það má ekki síst þakka nýj-
um og gömlum valmöguleikum á
borð við íshellinn í Langjökli, hótel
á Húsafelli, Landnámssetrið í Borg-
arnesi, þjóðgarðinn á Snæfellsnesi
og náttúrulaugar við Deildartungu-
hver. Um leið fjölgar gististöðum
og veitingastöðum, ferðamenn eru
fleiri en nokkru sinni fyrr og nátt-
úrufegurðin, mannlífið og menn-
ingin stuðlar að jákvæðri upplifun
þeirra.
Ætla stjórnmálin að sitja
hjá?
En um leið er ástæða til að hafa
áhyggjur af andvaraleysi ríkisvalds-
ins gagnvart uppbyggingu innviða
og úrbætur á ferðamannastöðum.
Þetta hefur neikvæð áhrif á upplifun
ferðamanna, en ekki síður heima-
manna. Fjölgun ferðamanna skap-
ar álag sem opinberir aðilar þurfa
að bregðast við. Það er ekki nóg
að ferðaþjónustan standi sína plikt.
Bæta þarf vegakerfið, fjölga bíla-
stæðum, leggja göngustíga, fjölga
salernum, auka öryggi, fjarlægja
sorp og þar fram eftir götunum.
Þetta eru aðgerðir í almannaþágu
og því á höndum hins opinbera.
Kjördæmisfundur um
stöðu ferðaþjónustunnar
Í aðdraganda alþingiskosninganna
gefst einstakt tækifæri til að fá odd-
vita stjórnmálaflokkanna Norð-
vesturkjördæmi – kjördæmi Vestur-
lands – til mæta á fund sem Samtök
ferðaþjónustunnar boða til. Ætlun-
in er að eiga samtal um leiðir til að
tryggja eðlilegan vöxt og viðgang
atvinnugreinarinnar.
Fundurinn verður haldinn í
Menntaskóla Borgarbyggðar í Borg-
arnesi fimmtudaginn 13. október kl.
20.00. Allir eru velkomnir á fund-
inn, en sérstaklega hvetjum við fólk
í ferðaþjónustu og sveitarstjórnar-
fólk til að láta sjá sig. Fundurinn
verður í beinni útsendingu á netinu
á vefsíðu SAF og sömuleiðis verður
upptaka frá honum send út á sjón-
varpsstöðinni N4.
Vítamínsprauta fyrir
landsbyggðinga
Ferðaþjónustan eykur fjölbreytni
atvinnulífs á landsbyggðinni. Hún
heldur gjarnan í fólk sem annars væri
á förum, dregur brottflutta heim
og kallar á nýjar vinnufúsar hend-
ur. Húsnæðismarkaðurinn fær vít-
amínsprautu, verslunin styrkir stoðir
sínar og það glaðnar yfir mannlífinu.
Mikið er í húfi að ferðaþjónustan fái
að vaxa og dafna í sátt við land og
þjóð, þannig allir geti notið góðs af.
Helga Árnadóttir, framkvæmdastjóri
Samtaka ferðaþjónustunnar.
Grímur Sæmundsen, formaður
Samtaka ferðaþjónustunnar.
Hvernig tryggjum við gott gengi
ferðaþjónustunnar á Vesturlandi?
Pennagrein Ferðamenn flæða til landsins aldrei
sem fyrr. Árið 2015 komu 1,3 mill.
ferðamanna til Íslands og í ár er áætl-
að að þeir verði um 1,7 milj. Þetta er
gríðarleg aukning. Álagið hefur verið
mest í Reykjavík og á Suðurlandi, sem
getur tæplega tekið við fleiri ferða-
mönnum, og því mun ferðamanna-
straumurinn færast til Vesturlands,
það er óhjákvæmilegt. Þetta vita Vest-
lendingar sem eru þegar byrjaðir að
byggja ný hótel og mikil áform um
stækkun eldri hótela.
Fáir staðir á Íslandi bjóða upp á
meiri náttúrufegurð en Borgarfjörður,
Snæfellsnes, Breiðafjörður og Dalirn-
ir. Ferðamenn og ferðaþjónustuaðilar
hafa uppgötvað þetta og beina nú aug-
unum vestur. Frá Reykjavík eru þrjár
vegtengingar við Vesturland: Þjóð-
vegur 1 um Hvalfjarðargöng, vegur-
inn um Hvalfjörð og Dragháls og veg-
urinn frá Þingvöllum um Uxahryggi
og Kaldadal. Einungis þjóðvegur 1
er heilsársvegur. Stórbæta þarf veg-
inn frá Þingvöllum til að fá greiða leið
niður í Lundareykjadal og að Húsa-
felli allt árið um kring. Þarna mynd-
ast skemmtilegar hringleiðir, minni
og stærri, um Vesturland sumar sem
vetur.
Ferðamannastraumurinn vestur
á Snæfellsnes er orðinn mikill enda
miklar náttúruperlur á nesinu. Um-
ferð flutningabíla er afar þung og mik-
il hætta á ferð í umferðinni á þessum
mjóu vegum. Þarna verður að gera
bragarbót sem fyrst. Vaxandi umferð
er um Skógarströnd á milli Stykkis-
hólms og Búðar-
dals en þar er veg-
urinn ekki bara slæmur heldur jafn-
framt stórhættulegur eins og dæmin
sanna. Einnig þarf að bæta veginn um
Laxárdal til að fá heilsárstengingu við
Strandir og Norðurland.
Eins og áður hefur komið fram eru
margar náttúruperlur á Vesturlandi og
stöðva ferðamenn bíla sína út í kanti
eða jafnvel á miðjum veginum til að
taka myndir. Það verður að byggja út-
skot og setja upp merkingar sem vísa á
þau. Einnig þarf að koma upp alvöru-
bílastæðum þar sem mesta aðsóknin
að náttúrperlum er og má þá hugsa sér
að innheimta bílastæðisgjald á slíkum
stöðum. Koma þarf upp upplýsinga-
og þjónustumiðstöðvum í samvinnu
við einkaðila eða sveitarfélög á mest
sóttu svæðunum. Það er forgangsat-
riði að koma upp bráðabirgða salern-
isaðstöðu þar sem þörfin er mest það
gengur ekki að ferðaþjónustuaðilar
verði að sneiða hjá stórum svæðum
þar sem engin salernisaðstaða er fyrir
hendi.
Viðreisn hefur skýra stefnu þeg-
ar kemur að uppbyggingu ferðaþjón-
ustu í landinu. Náttúran er ein af auð-
lindum landsins og ber að umgang-
ast hana sem slíka. Nýta þarf tæki-
færi sem skapast og hámarka arðsemi
í ferðaþjónustu til að byggja upp inn-
viði þannig að hægt sé að taka á móti
ferðamönnum með sóma.
Sturla Rafn Guðmundsson.
Höf. skipar þriðja sæti Viðreisnar í
Norðvesturkjördæmi.
Sprenging í ferða-
þjónustu á Vesturlandi
Haustið 1948 voru sögulegar leitir
á Arnarvatnsheiði. Þá leituðu Borg-
firðingar og Húnvetningar þar sam-
an í síðasta sinn. Þetta voru síðustu
göngur fyrir tilkomu mæðiveiki-
girðinga. Frásögn af þessari sögulegu
smalamennsku var sögð í Snorrastofu
í Reykholti á síðasta ári í samantekt
Bjarna Árnasonar frá Brennistöðum
og Snorra Jóhannessonar á Auga-
stöðum.
Gefum Bjarna Árnasyni orðið: „Á
Sunnlendingahæð (Biðholti), hitt-
ust Borgfirðingar og Vatnsdælingar.
Í Sunnlendingahæð var skipt leit og
smöluðu Vatnsdælingar og Borgfirð-
ingar sameiginlega niður í Draga-
tanga. Þar tóku Borgfirðingar og
Vatnsdælingar sér náttból við Lón-
tjörn í Dragatanga. Gistu níu Borg-
firðingar og líklega kringum ellefu
Vatnsdælingar í tjöldum við Lón-
tjörn. Nákvæm staðsetning þessa
tjaldstaðar er löngu gleymd, en til eru
myndir af leitarmönnum og tjöldum
við Lóntjörn, teknar af Guðna Þórð-
arsyni, sem var með í þessari síðustu
sameiginlegu leit árið 1948,“ segir
Bjarni. Nú í haust, í seinni Heiðarleit,
var gerð leit að þessum tjaldstað sem
fyrr er getið. Til hliðsjónar voru not-
aðar myndir Guðna af leitarmönnum
við Lóntjörn í Dragatanga. 68 árum
síðar fannst tjaldstaðurinn og þar var
skálað til minningar um fyrri tíma.
mm/bá
Tjaldstaðurinn fannst og var
skálað í minningu liðinna tíma
Tjöld leitarmanna í Dragatanga. Snjór er á jörð þar sem
lækur liðast um lágan hvannamó.
Ljósmyndina tók Guðni Þórðarson.
Norðlenskir og sunnlenskir leitarmenn í Dragatanga. Þetta
var síðasta sameiginlega leit þeirra en mæðiveikigirðing skildi
að heiðarlönd þeirra. Ljósmyndina tók Guðni Þórðarson.
Við Lóntjörn. Ljósm. Bjarni Árnason.
Gunnar Bjarnason og Bjarni Árnason í seinni leit 2016.
Stjórn Heimilis og skóla – landssam-
taka foreldra, lýsir yfir áhyggjum af
fjárhagsstöðu framhaldsskóla í land-
inu. „Fram hefur komið að framlög
til framhaldsskóla dugi ekki til og eru
margir þeirra í greiðsluvanda. Vand-
inn er ekki nýr af nálinni en árið 2013
var einnig rætt um að framhaldsskól-
ar ættu í erfiðleikum með að ná end-
um saman þar sem fjárframlög dróg-
ust saman um 12 milljarða króna frá
árinu 2007. Einnig hafa kjarasamn-
ingar kennara haft áhrif á rekstur
framhaldsskólanna þar sem ekki var
gert ráð fyrir þeirri viðbót í rekstr-
arreikningi skólanna,“ segir í ályktun
samtakanna.
Sjö framhaldsskólar hafa sagt frá
greiðsluerfiðleikum. Aðalvandi fram-
haldsskólanna er enn óleystur en rætt
hefur verið um að endurskoða þurfi
reiknilíkanið sem unnið er eftir þar
sem forsendur hafi breyst síðan það
var tekið í notkun. „Eins og staðan er
í dag eiga framhaldsskólar fullt í fangi
með að halda uppi lögboðinni þjón-
ustu við nemendur sína, ekki síst skól-
ar sem bjóða upp á námsgreinar sem
kalla á mikinn efniskostnað svo sem
verknám. Rekstur skóla er samfélags-
legt verkefni og ríkið hefur skyld-
ur gagnvart nemendum. Gæta þarf
hagsmuna þeirra nemenda sem sækja
nám á framhaldsskólastigi. Heimili
og skóli hvetja stjórnvöld til þess að
leysa vandann í samvinnu við hlutað-
eigandi.“
mm
Lýsa áhyggjum yfir slæmri
fjárhagsstöðu framhaldsskólanna
Að venju hefjast viðburðir vetrarins í
Snorrastofu og víðar um sveitir fyrir
alvöru þegar október færist yfir. Fyrst
á dagskránni var námskeið um borg-
firskar skáldkonur sem fram fór í gær,
þriðjudag, í Landnámssetrinu í Borg-
arnesi. Fyrsta prjóna-bóka-kaffi bók-
hlöðunnar verður svo á sínum stað í
Reykholti fimmtudaginn 6. október
kl. 20.
Prjóna-bóka-kaffið er kvöldstund
í bókhlöðunni þar sem setið er við
hannyrðir, spjallað í anda baðstof-
unnar gömlu og heitt kaffi er á könn-
unni. Það verður hálfsmánaðarlega í
vetur og er öllum opið. Safnið er opið
til útlána og gestir eru hvattir til að
koma með hugmyndir og hugðar-
efni hvers konar. Kvöldin hafa reynst
góður vettvangur fyrir þá sem hafa frá
einhverju fróðlegu og skemmtilegu
að segja eða vilja kynna viðfangsefni
sín á annan hátt.
„Snorrastofa væntir góðrar við-
töku þessara áhugaverður viðburða
og mun á næstunni gefa út heildar-
skrá viðburða vetrarins. Henni verð-
ur dreift á öll heimili í héraðinu,“
segir í tilkynningu.
mm
Vetrarstarf Snorrastofu byrjað