Skessuhorn - 05.10.2016, Qupperneq 30
MIÐVIKUDAGUR 5. OKTÓBER 201630
„Ert þú búin(n) að ákveða hvað
þú ætlar að kjósa í komandi
Alþingiskosningum?“
Spurning
vikunnar
(spurt á Akranesi)
Ólöf Vala Schram:
„Nei, ég er ekki búin að því. Ég
er búin að vera að reyna að fylgj-
ast með umræðunum og það er
eiginlega um of margt að velja,
nánast allir bókstafir stafrófsins
eru í boði.“
Snæfell hefur samið við landsliðs-
konuna Pálínu Maríu Gunnlaugs-
dóttur um að leika með liðinu í
Domino‘s deild kvenna á kom-
andi vetri. Pálína er 29 ára og leik-
ur stöðu bakvarðar. Hún lék með
Haukum á síðasta tímabili, skoraði
10,9 stig að meðaltali í leik og hef-
ur verið einn besti leikmaður lands-
ins undanfarin ár. Sem leikmaður
Hauka mætti Pálína liði Snæfells
í úrslitaviðureigninni um Íslands-
meistaratitilinn í vor. Snæfell sigr-
aði sem kunnugt er þá viðureign í
oddaleik. Í samtali við Skessuhorn
skömmu eftir að bikarinn fór á loft
sagði Haiden Palmer, þáverandi
leikmaður Snæfells og mikilvægasti
leikmaður úrslitakeppninnar, að
Pálína væri sterkasti mótherji sem
hún hefði spilað gegn hér á landi.
„Pálína er frábær varnarmaður og
leikmaður. Það var virkileg áskorun
að spila gegn henni og gerði mig að
betri leikmanni,“ sagði Haiden.
Pálína gerði eins árs samning við
Snæfell og það er ljóst að hún verð-
ur Íslands- og bikarmeisturunum
mikill liðsstyrkur.
Berglind framlengir
Bakvörðurinn Berglind Gunnars-
dóttir hefur jafnframt framlengt
samning sinn við Snæfell til eins
árs og mun leika með liðinu í vetur.
Berglind er 23 ára gömul og upp-
alin hjá Snæfelli. Hefur hún leikið
með liðinu allan sinn feril og þrisv-
ar sinnum hampað Íslandsmeistara-
titlinum og einu sinni bikarmeist-
aratitlinum. Þá er hún enn frem-
ur leikmaður íslenska landsliðsins.
Berglind skoraði 8,9 stig og tók 4,9
fráköst að meðaltali í leik í fyrra.
kgk
Pálína í Snæfell og
Berglind framlengir
Pálína María og Berglind ásamt Gunnari Svanlaugssyni formanni kkd. Snæfells.
Ljósm. Snæfell á Facebook.
Íslands- og bikarmeistarar Snæ-
fells í körfuknattleik kvenna sigr-
uðu Grindavík þegar leikið var um
Meistara meistaranna síðastliðinn
sunnudag. Í þeim leik mætast Ís-
lands- og bikarmeistarar síðasta
árs, en þar sem Stykkishólmsliðið
hampaði báðum titlunum var liðið
úr úrslitum bikarkeppninnar fengið
til að etja kappi við Snæfell.
Nokkur haustbragur var á leik
beggja liða framan af og þau voru
lengi að finna taktinn. Fyrri hálf-
leikur var nokkuð jafn en Snæfell
hafði þó heldur yfirhöndina og
leiddi með fimm stigum í leikhléi,
37-32. Snemma í síðari hálfleik
náði Snæfell að slíta sig frá Grinda-
víkurliðinu með góðum kafla þar
sem liðið skoraði níu stig gegn
tveimur. Liðið fann taktinn í sókn-
inni og Grindvíkingar máttu hafa
sig alla við að halda í við Snæfell.
Lagði það grunn að góðum sigri,
70-60.
Leikurinn var fyrsti leikur Taylor
Brown með Snæfelli og lék hún afar
vel, skoraði 29 stig, tók sjö fráköst
og gaf þrjár stoðsendingar. Næst
henni kom fyrirliðinn Gunnhild-
ur Gunnarsdóttir með 15 stig, sjö
fráköst, sex stoðsendingar og fimm
stolna bolta.
Snæfellsliðið hefur með sigri
á sunnudag bætt enn einum bik-
arnum í safnið og ætti nafnbótin
Meistarar meistaranna að gefa lið-
inu aukið sjálfstraust þegar haldið er
inn í nýtt tímabil. Liðið hefur leik í
Domino‘s deildinni í dag, miðviku-
daginn 5. október, þegar það heim-
sækir nýliða Skallagríms. Vestur-
landsslagurinn hefst kl. 19:15.
kgk/ Ljósm. KKÍ.
Snæfell sigraði keppnina
um Meistara meistaranna
Fjölmargir stuðningsmenn Vík-
ings Ólafsvík mættu á Samsung völl-
inn í Garðabæ þegar Ólsarar mættu
Stjörnunni í lokaleik Pepsi deildar-
innar í fótbolta. Víkingur var í fall-
hættu fyrir leikinn og þurfti helst sig-
ur til að þurfa ekki að treysta á úrslit
í leik Fylkis og KR. Stuðningsmenn
væntu þess að Víkingar mættu brjál-
aðir til leiks og myndu klára mótið
með sigri. En Víkingsmenn voru með
þrjá leikmenn í banni á laugardaginn.
Eins og sagt er kemur maður í manns
stað, en það var ekki reyndin í þess-
um leik. Víkingsmenn sýndu ágæta
baráttu fyrst í stað, en síðan var allur
vindur úr liðinu og Stjörnumenn voru
sterkari á öllum sviðum. Var vörn
Víkings frekar máttlaus, leikmenn úr
takti og það var eins og þeir vildu bara
komast heim í frí.
Stuðningsmenn Víkings reyndu
þrátt fyrir allt að hvetja liðið áfram en
það hafði lítil áhrif á leikmenn, sem
stóðu sig sem hetjur fyrri hluta móts-
ins, en síðari hlutinn var alveg skelfi-
legur því liðið náði aðeins í fjögur
stig í seinni umferð mótsins. Stuðn-
ingsmenn Víkings fylgdust vel með
leik KR og Fylkis og vonuðu að KR
myndi sigra Fylki því þá félli Fylk-
ir niður um deild og Víkingur héldu
sæti sínu. Sú varð raunin og þrátt fyrir
4-1 tap Víkings gegn Stjörnunni kom
það ekki að sök því KR vann Fylki
örugglega með þremur mörkum
gegn engu. Bæði liðin fögnuðu því að
leikslokum. Stjarnan náði Evrópusæti
og Víkingur heldur sæti sínu meðal
þeirra bestu, en litlu mátti nú muna.
Ejub þjálfari Víkings sagði við
fréttaritara að leik loknum að hann
hefði ekki búist við miklu úr þessum
leik og það verði gerðar stórar breyt-
ingar á liðinu fyrir næsta tímabil.
af
Víkingsmenn þurftu að treysta á KR í lokaleiknum
Leikmenn Víkings þakka stuðningsmönnum sínum eftir leikinn á móti Stjörnunni.
Vigfús Örn fylgist spenntur með gangi mála í leik KR og Fylkis. Stuðningsmenn Víkings hvöttu sína menn óspart áfram.
Cristian Martinez Liberato var frábær í marki Víkingsmanna í sumar og var kosinn
besti leikmaður Víkings á lokahófinu að leik loknum.
Fyrrum leikmenn Víkings voru mættir til þess að hvetja liðið áfram. Þarna eru þeir
Rúnar Elíasson og Gunnar Gunnarsson.
Unnur Smáradóttir:
„Nei, ég er ekki búin að ákveða
það enn. Það er tvennt sem ég
gæti hugsað mér að kjósa en ég
er ekki búin að gera upp við mig
hvor kosturinn verður fyrir val-
inu.“
Þórður Eiríksson:
„Já, ég ætla að kjósa Vinstri
græna. Konan mín er á lista hjá
þeim.“
Guðmundur Sigurjónsson:
„Nei, ég er ekki kominn með
það á hreint enn, enda held ég
að það sé um eina 13 flokka að
velja eða svo. En ég er að nálgast
niðurstöðu.“