Skessuhorn - 21.12.2016, Qupperneq 12
MIÐVIKUDAGUR 21. DESEMBER 201612
Fjárhagsáætlun A- og B-hluta sjóða
Grundarfjarðarbæjar fyrir árið 2017
var samþykkt á fundi bæjarstjórnar
8. desember síðastliðinni. Í henni
er gert ráð fyrir að heildartekjur
sveitarfélagsins verði 973,5 m.kr.
á næsta ári. Laun eru áætluð 506,7
m.kr. og önnur rekstrargjöld 331,4
m.kr. Afskriftir verða 49,3 m.kr.
Rekstrarniðurstaða er því jákvæð
um 85,6 m.kr. fyrir fjármagnsliði.
Fjármagnsgjöld eru áætluð 68,7
m.kr., þannig að þegar tekið hef-
ur verið tillit til þeirra er rekstrar-
niðurstaða samstæðunnar í heild já-
kvæð um 17,2 milljónir króna.
Í samantekt sem Þorsteinn Steins-
son sveitarstjóri hefur sent kemur
fram að í sjóðsstreymisyfirliti áætl-
unarinnar komi fram að veltufé frá
rekstri er 104,7 m.kr. Þessi fjárhæð
nýtist til afborgana lána og nauðsyn-
legra fjárfestinga sem brýnt er talið
að ráðast í á árinu 2017. Ráðgert
er að fjárfestingar nettó verði 87,8
m.kr., afborganir lána 104,8 m.kr.
og að tekin verða ný lán að fjárhæð
60 m.kr. Gengið er á handbært fé
um 27,9 m.kr. sem í upphafi árs er
ráðgert að sé 94,7 m.kr. Handbært
fé í árslok ársins 2017 er því áætlað
66,7 m.kr. gangi fjárhagáætlun árs-
ins 2017 fram eins og ráðgert er.
„Eins og fram hefur komið er
ráðgert að verja 87,8 m.kr. í fram-
kvæmdir,“ segir Þorsteinn. „Helst er
þar að nefna malbiksframkvæmdir,
kaup á tölvubúnaði í skóla, lagfær-
ing á húsnæði grunnskólans, bætt
aðgengi og girðing umhverfis sund-
laug, nýtt gervigras á sparkvöllinn,
endurbætur á leikskóla, áframhald-
andi vinnu að nýju aðalskipulagi
fyrir sveitarfélagið, lagfæring á þaki
íbúða eldri borgara að Hrannar-
stíg 18, plöntun í Paimpolgarð, lag-
færing bæjargirðinga, tjaldstæðis,
gangstétta og annarra eigna sveit-
arfélagsins. Jafnframt verða keyptar
nýjar klippur fyrir slökkviliðið í stað
þeirra eldri, sem eru komnar til ára
sinna. Tæki af þessum toga eykur til
muna öryggi, þegar bregðast þarf
við erfiðum aðstæðum á slysstað.“
Þorsteinn segir að meginmark-
mið áætlunarinnar sé að sinna vel
allri grunnstarfsemi sveitarfélags-
ins og vinna að nauðsynlegu við-
haldi og framkvæmdum. Jafnframt
er brýnt að lækka skuldir enn frek-
ar en orðið er. „Áfram verður unn-
ið að hagræðingu hinna mismun-
andi rekstrarþátta sveitarfélagsins
og þar verður sérstaklega kallað eft-
ir liðsinni forstöðumanna og starfs-
fólks bæjarins. Ljóst er að bestur
árangur næst í þeim efnum ef all-
ir starfsmenn vinna saman að því
að reka samfélagið sitt á sem hag-
kvæmastan hátt. Takist að láta alla
þætti ganga fram eins og áætlað er
fyrir í fjárhagsáætlun Grundarfjarð-
arbæjar árið 2017 og einnig áranna
2018-2020 þá geta Grundfirðingar
litið björtum augum til framtíðar-
innar. Að lokum er öllu starfsfólki
sem komið hefur að þessari vinnu
þakkað fyrir vel unnin störf,“ segir
Þorsteinn Steinsson.
mm/ Ljósm. úr safni: tfk.
Fjárhagsáætlun Grundarfjarðarbæjar
gerir ráð fyrir afgangi
Sveitarstjórn Hvalfjarðarsveitar
samþykkti fjárhagsáætlun fyrir árið
2017 ásamt þriggja ára áætlun ár-
anna 2018-2020 á fundi sínum 13.
desember síðastliðinn. Samkvæmt
áætluninni er gert ráð fyrir að á
árinu 2017 verði rekstrarniðurstaða
samstæðu A og B hluta jákvæð um
35,5 milljónir króna. Svipuð rekstr-
arniðurstaða er fyrir þrjú árin þar á
eftir samkvæmt áætlun. Áætlað er
að tekjur A og B hluta árið 2017
verði 743,1 millj. kr. og að rekstr-
argjöld verði 719,1 millj. kr. Hand-
bært fé í árslok 2017 er áætlað kr.
43,3 millj. kr. Eignfærð fjárfesting
á árinu 2017 er áætluð 85 milljón-
ir. Gert er ráð fyrir að veltufé frá
rekstri verði um 83,3 millj. króna
eða tæp 12,3% af skatttekjum.
Gjaldskrárbreytingar frá yfir-
standandi ári eru nokkrar og á það
sérstaklega við um hækkun á sorp-
hirðpugjaldi og hreinsunargjaldi
rotþróa. „Þessi hækkun er nauð-
synleg þar sem innheimt gjald er
ekki að standa undir raunkostn-
aði við þá þjónustu sem verið er að
veita. Þá hækka gjaldskrár félags-
heimila nokkuð og á það sama við
þar að tekjur standa ekki undir vax-
andi rekstarkostnaði. Að öðru leyti
er gjaldskrám almennt breytt í sam-
ræmi við þróun verðlags,“ segir í
tilkynningu frá sveitarstjóra.
Gert er ráð fyrir að 28 milljón-
um króna verði varið til viðhalds
fasteigna og búnaðar i eigu sveit-
arfélagsins árið 2017. Stærstu við-
haldserkefnin eru endurbætur á lóð
Skýjaborgar, viðhald í Heiðarborg
og Heiðarskóla. Samkvæmt fjár-
hagsáætlun næsta árs verða fjár-
munir lagðir til fjárfestinga en þar
er helst um að ræða fyrirhugaðar
framkvæmdir við borun eftir heitu
vatni í Svínadal auk framkvæmda
við gatnagerð í Melahverfi auk
vatnsveitu. Stærsta fjárfestingar-
verkefni ársins er borun eftir heitu
vatni í landi Eyrar í Svínadal en til
þess er varið 50 milljónum króna á
árinu 2017. Sem kunnugt er voru
boraðar hitastigulsholur á svæðinu
árið 2015 og þykja þær gefa góð-
ar vonir um að árangur náist með
frekari borun.
Í þriggja ára áætlun, áranna 2018
til 2020, er gert ráð fyrir jákvæðri
rekstrarafkomu öll árin upp á sam-
tals 101,3 milljónir: 34,5 milljónum
árið 2018, 33,1 milljón árið 2019
og 33,7 milljónir árið 2020. Fjár-
hagsáætlun Hvalfjarðarsveitar fyr-
ir árið 2017 og þriggja ára áætlun
2018-2020 verður kynnt á íbúa-
fundi líkt og síðastliðin ár. Tíma-
setning þeirrar kynningar verður
kynnt síðar.
mm
Stærstu viðhaldsverkefni næsta árs eru endurbætur á lóð Skýjaborgar, viðhald í
Heiðarborg og Heiðarskóla. Þá verður stærsta fjárfestingarverkefni sveitarfélags-
ins á næsta ári borun eftir heitu vatni í landi Eyrar í Svínadal.
Fjárhagsáætlun Hvalfjarðarsveitar
afgreidd með tekjuafgangi
Unnur Anna Valdimarsdóttir, pró-
fessor í faraldsfræði við Lækna-
deild Háskóla Íslands, hefur hlot-
ið 240 milljóna króna styrk frá Evr-
ópska Rannsóknarráðinu (Euro-
pean Research Council) til rann-
sókna á erfðum heilsufars í kjölfar
streituvaldandi atburða. „Styrkur-
inn er mikil viðurkenning á vísinda-
legu framlagi Unnar Önnu og sam-
starfsmanna hennar við Háskóla Ís-
lands og Íslenska erfðagreiningu,“
segir í tilkynningu.
„Rannsóknin snýst fyrst og fremst
um að skilja betur þátt erfða í því
af hverju sumir einstaklingar missa
heilsu í kjölfar áfalla á meðan aðrir
þolendur sambærilegra áfalla gera
það ekki. Þær spurningar sem við
höfum lagt fram, og þær aðstæð-
ur sem við höfum til að svara þeim,
eru einstakar á heimsvísu. Við von-
umst til að ný þekking sem fæst úr
rannsókninni nýtist í framtíðinni til
að þróa fyrirbyggjandi aðgerðir og
meðferðarúrræði fyrir einstaklinga
sem eru í aukinni áhættu á heilsu-
bresti í kjölfar áfalla,“ segir Unn-
ur Anna.
mm
Risastyrkur til leitar
að áfallastreitugeninu
Bæjarstjórn Akraness samþykkti á
fundi sínum á þriðjudaginn sam-
hljóða fjárhagsáætlun bæjarsjóðs
fyrir árið 2017 og þriggja ára áætl-
un til 2020. Meðal helstu fram-
kvæmda á næstu árum verður nið-
urrif og í framhaldinu uppbygg-
ing á Sementsreit. Þá verður far-
ið í endurgerð og lagfæringar á
nokkrum götum og byggingu nýs
fimleikahúss í nágrenni við annað
hvort íþróttahúsið á Jaðarsbökk-
um eða Vesturgötu. Þannig áætlar
bæjarstjórn að setja um 2,2 millj-
arða króna í fjárfestingar og fram-
kvæmdir á næstu fjórum árum án
þess að taka til þess lán.
Fimleikahúsið fyrir
450 milljónir
Á næsta ári verða 70 milljónir
króna settar í undirbúning vegna
byggingar nýs fimleikahúss, en um
380 milljónir á árinu 2018. Sam-
tals er því áætlað að fimleikahús-
ið kosti 450 milljónir króna. Áætl-
aðar eru 130 milljónir á árinu 2017
vegna endurgerðar Vesturgötu en í
heildina verða settar 400 milljónir í
gatnakerfið á árunum 2017 til 2020.
Ráðgert er að fara í Esjubraut frá
Þjóðbraut árið 2018, Garðagrund
árið 2019 og Stillholt/Kirkjubraut
árið 2020. Settar verða um 80
milljónir í lagfæringar á gangstétt-
um samhliða gatnaframkvæmdum.
Á næsta ári eru 180 milljónir áætl-
aðar vegna niðurrifs og frágangs á
Sementsreitnum. Heildarfjárhæð
vegna uppbyggingar reitsins á ár-
unum 2017 til 2020 eru áætlaðar
um 480 milljónir. Af öðrum verk-
efnum má nefna endurnýjun gervi-
grass í Akraneshöllinni, undirbún-
ing að byggingu búsetukjarna fyr-
ir fatlaða, endurbætur innanhúss í
Brekkubæjarskóla, endurbætur á
íþróttahúsum við Vesturgötu og á
Jaðarsbökkum, samning við golf-
klúbbinn Leyni um uppbyggingu
félagsaðstöðu og undirbúning og
þróun á Dalbrautarreitnum, meðal
annars með það í huga að þar rísi
þjónustumiðstöð fyrir aldraða.
Spá verðbólgu fyrirfram
Gert er ráð fyrir óbreyttu út-
svari á árinu 2017, eða 14,52% og
að álagningarprósenta fasteigna-
skatts verði óbreytt. Þá hyggst bæj-
arstjórn hækka gjaldskrá í sam-
ræmi við áætlaða vísitöluhækkun
neysluverðs, eða um 3,2% 1. janúar
2017. Þar fetar sveitarstjórn í fót-
spor ýmissa annarra sveitarfélag og
ríkissjóðs sem í raun áætlar verð-
bólgustig fyrirfram og leggur fram
þensluhvetjandi hækkun.
Skuldahlutfall lækkar
Að sögn Regínu Ásvaldsdóttur bæj-
arstjóra þá er staða Akraneskaup-
staðar sterk en kaupstaðurinn hef-
ur greitt um milljarð króna vegna
langtímalána á undanförnum fjór-
um árum. ,,Ef ekki verður farið í
frekari lántökur þá verða langtíma-
skuldir bæjarins að mestu greiddar
niður á næstu tíu árum. Hinsveg-
ar er lífeyrisskuldbinding bæjarins
mjög há og greiðslubyrðin vegna
hennar fer hækkandi á móti lækk-
andi greiðslubyrði vegna lána,“
segir Regína. Hún segir jafnframt
að það muni mikið um hlut ríkisins
vegna lífeyrisskuldbindinga hjúkr-
unarheimilisins Höfða en ríkið
yfirtók þá skuldbindingu með sam-
komulagi sem gert var í lok október
síðastliðinn. Áætlað er að skulda-
hlutfall A hluta bæjarsjóðs fari nið-
ur í 92,5% á árinu 2017 og sam-
stæðunnar í heild fari í 88%.
mm
Framkvæma á Akranesi
án nýrra langtímalána
Nýtt fimleikahús, gatnaframkvæmdir og
Sementsreitur meðal helstu framkvæmda
Svipmynd frá bæjarstjórnarfundi 13. desember sl.