Skessuhorn - 21.12.2016, Page 34

MIÐVIKUDAGUR 21. DESEMBER 201634
Fyrir tæpum tveimur árum gaf Sig-
mundur Benediktsson á Akranesi út
kvæðabókina Úr viðjum vitundar.
Þar er meðal annars að finna kvæði
um boðskap jólanna. Gott er að rifja
hann upp. Með fylgir ljósmynd af
kirkjunni að Hólum í Eyjafirði, en
Sigmundur bjó að Vatnsenda í sömu
sveit framan af ævinni. Nú búa Sveinn
Rúnar og Guðný Óskarsdóttir, sonur
og tengdadóttir hans þar. Þau stækk-
uðu við sig fyrir þremur árum, er þau
keyptu kirkjujörðina Hóla og er kirkj-
an nú í eigu þeirra sem bændakirkja.
Sigmundur Rúnar Sveinsson býr nú
að Hólum ásamt fjölskyldu sinni og
hefur unnið við búið hjá foreldrum
sínum með búfræðinámi.
Boðskapurinn
Ljósið að handan er leiftrandi bjart
það leggur til jólanna andlega skart
og kemur með sólblik í sinnið.
Hugsun er orka á heimanna braut,
hjartað er tengt, sem að gleðina hlaut
því lífgjafans frjódögg þar finnið.
Hans blessuð og kærleikur umlykur allt
að eilífu býður hann ljósið sitt falt,
svo mannkynið fögnuðinn finni.
Hjörtu vor opnum og heyrum það mál,
sem hugurinn nemur í vitund og sál,
því Kristur oss kallar þar inni.
Boðskapurinn
Ég þekkti fyrir löngu mann sem var
sérvitur og bjó við þröngan kost í
Reykjavík. Hann átti lítið útvarps-
tæki og eitt af því skemmtilegasta
sem hann gerði var að hlusta á lýs-
ingu á leikjum íslenska landsliðs-
ins í handbolta. Einn daginn, þeg-
ar spennandi leikur var í Höllinni,
ákvað ég að bjóða honum með mér
svo að hann gæti fengið að líta sína
menn augum. „Nei takk,“ sagði
hann kurteislega, „ég ætla að hlusta
á leikinn í útvarpinu, þeir spila best
þar.“ — Slíkur er máttur tilfinning-
anna og ímyndunaraflsins í lífi okk-
ar. Við getum með því kallað fram
stemningu og hughrif og gefið hinu
daglega amstri okkar líf og lit og lyft
því öllu upp á æðra plan. Sú hátíð
sem við höldum nú, jólahátíðin, er
hátíð þessa sköpunarkrafts sem býr
í huga okkar, krafts sem býr innra
með okkur hverju og einu og við
getum nýtt á svo ótalmarga vegu.
Sagan sem geymd er í jólaguð-
spjallinu höfðar til þess krafts sem
gerir mannlegt líf annað og meira
en mælanlegar staðreyndir. Frá-
sögnin er ekki sagnfræði á þann hátt
að hægt sé að sannreyna alla þá at-
burði sem þar er lýst, hún er annað
og meira en það. Hún er saga um til-
finningar sem búa innra með okkur,
hún er saga um mannlegt eðli sem
lítið breytist í aldanna rás, og þau
fjölmörgu tákn sem í frásögninni má
finna flytja okkur boðskap um jöfn-
uð og réttlæti, boðskap sem varð að
umbreytandi afli eftir að hann fór að
berast út um heimsbyggðina.
Á jólum safnast allir kristnir menn
saman, hvar sem þeir búa í veröld-
inni, til að hlusta á frásögn Lúkas-
ar guðspjallamanns af fæðingu lítils
barns í gripahúsi, frásögn af upphafi
kristinnar hugmyndafræði sem hef-
ur verið stoð í vestrænni samfélags-
gerð.
Við Vesturlandabúar teljum okk-
ur gjarnan trú um að samfélag okk-
ar stjórnist, umfram það sem annars
staðar gerist, af skynsemi en ekki af
heimsmynd trúarbragða. En sam-
félag okkar er sprottið af rót þeirr-
ar frjálslyndu hugmyndarfræði sem
kristin trú boðar og þau áhrif eru
samofin allri okkar hugsun. Jafn-
vel í þeirri veraldlegu umgjörð sem
við höfum sett samfélaginu eru áhrif
kristinnar trúar sterk.
„En það bar til um þessar mundir,
að boð kom frá Ágústus keisara, að
skrásetja skyldi alla heimsbyggðina.
Þetta var fyrsta skrásetningin og var
gjörð þá er Kýreníus var landstjóri á
Sýrlandi.“ — Þessum upphafsorðum
jólaguðspjallsins er vissulega ætlað
að gefa frásögninni sagnfræðilegan
blæ, en boðskapur þeirra er þó ann-
ar og meiri. Þessum orðum er ætlað
að flytja okkur það fagnaðarerindi
að á dögum harðstjórnar og kúgun-
ar hafi stórkostlegir atburðir orðið
sem færðu ljós inn í myrkan heim.
Þessum upphafsorðum Lúkasar er
ætlað að draga fram andstæðurnar
sem ávallt hafa sett svip sinn á þenn-
an heim, andstæður ljóss og myrk-
urs, andstæður ríkidæmis og fátækt-
ar, andstæður kærleika og kúgunar.
Inn í heim andstæðnanna fædd-
ist barn sem boðaði jöfnuð meðal
manna og boðaði kærleika til manna,
eins og segir í lokaorðum frásagn-
arinnar: „Dýrð sé Guði í upphæð-
um og friður á jörðu og velþóknun
Guðs yfir mönnum.“
Megi jólahátíðin verða til þess að
efla með okkur öllum þá tilfinningu
sem gefur frið í sálina og trú á lífið,
trú á að við séum umvafin kærleika
Guðs í gleði og í sorg. Megi ljósið
sem lýsti upp myrkrið á Betlehems-
völlum hina fyrstu jólanótt lýsa í lífi
okkar.
Séra Gunnar Eiríkur Hauksson,
sóknarprestur í Stykkishólmi.
Jólahugleiðing með
kveðju úr Stykkishólmi