Skessuhorn - 21.12.2016, Page 57

MIÐVIKUDAGUR 21. DESEMBER 2016 57
un hjá okkur, við ræktum matjurtir
og sinnum bæði trjárækt og blóma-
rækt. Mamma er með mjög græna
fingur.“ Ragnhildur er einnig hand-
lagin, hún bæði heklar, prjónar og
saumar út. „Mér finnst nauðsynlegt
að hafa eitthvað til að grípa í. Það er
illa farið með suma fundi ef engin er
handavinnan,“ segir hún og brosir.
Aðaláhugamálið er þó búskapurinn.
„Kindurnar eru svo vinaleg dýr og
mér finnst notalegt að fara í fjárhús-
in. Fyrir mér er þetta eins og hver
önnur þerapía. Aðrir fara í jóga eða
stunda núvitundaræfingar - ég fer út
í fjárhús,“ segir hún.
Þurfum að nýta landið
skynsamlega
Ragnhildi er umhugað um umhverf-
ið og segir hún að lítið fari í urðun af
úrgangi heimilisins. Talið berst aftur
að kennslunni og umræðu um um-
hverfisvitund nemenda. Hún segir
mikla umræðu vera um veganisma,
enda tengist sú umræða umhverfis-
málum mikið. „Sú umræða er góð
og gild en sjálf vil ég vita hvaðan
maturinn minn kemur. Ég ber gríð-
arlega virðingu fyrir mínum skepn-
um og það fylgir því ábyrgð að halda
skepnur. Maður lætur þeim líða vel.“
Hún segir mikilvægt að Íslendingar
láti ekki afvegaleiðast í þessari um-
ræðu og að horfa þurfi á hlutina út
frá íslenskum aðstæðum. „Við not-
um til að mynda úthagabeit sem
við getum ekki nýtt til manneld-
is öðruvísi en með milliliðum eins
og sauðfé. Ég lít þannig á að það sé
mikilvægt að við framleiðum sem
mest næst okkur og minnkum flutn-
inga eins og hægt er. Þannig förum
við best með umhverfið okkar. Ef við
ætlum að vera sjálfum okkur næg og
hafa sem mest af innlendum mat, þá
þurfum við að nýta landsvæði okkar
skynsamlega. Úthagana getum við
ekki nýtt öðruvísi en með hrossum
eða kindum.“ Í tengslum við þessa
umræðu hefur Ragnhildur stund-
um spurt nemendur sína ákveðinn-
ar spurningar: „Hvort er betra fyrir
dýrið; að fá að lifa áhyggjulaust frá
vori fram á haust, njóta frelsis, vel-
líðunar og hamingju í fimm mán-
uði og hafa enga hugmynd um hvað
framundan er - eða fá hreinlega ekki
að fæðast?“
Ekkert stress um jólin
Lífið í Ausu er í nokkuð föstum
skorðum um hátíðirnar. Jólin eru
haldin í rólegheitum og Ragnhildur
segist aðallega halda sig heima við.
„Ég er ekki ein af þeim sem missi
mig í jólaundirbúningi og stressi. Ég
reyni frekar að slaka vel á og vinna
upp þau verkefni sem hafa trass-
ast heima fyrir. Svo er ósköp nota-
legt að geta verið í rólegheitum úti í
fjárhúsi,“ segir hún. Lítið er af jóla-
hefðum á heimilinu en Ragnhildur
segir þó jólahangikjötið vera fastan
lið. „Bróðir minn færir okkur heim-
areykt hangikjöt, sem við borðum á
jóladag. Síðustu árin höfum við ver-
ið fjögur saman á aðfangadagskvöld,
bróðir minn og móðurbróðir koma í
mat. Lengi vel höfum við haft ham-
borgarhrygg í matinn en núna síð-
ustu ár léttreykt lambakjöt. Líklega
er það að verða hefðbundinn jóla-
matur. Svo mætir maður alltaf í jóla-
messuna,“ segir Ragnhildur Helga
Jónsdóttir í Ausu að endingu.
grþ
Fastur liður á sauðburði er að Guðný Baldvinsdóttir, ömmusystir Ragnhildar, komi í heimsókn. Guðný frá Grenjum er mikill
dýravinur eins og glögglega má sjá á þessari mynd, en hún er 102 ára þegar þessi mynd er tekin.
Ánægjulegir endurfundir þegar féð kemur af fjalli.
WWW.3XTECHNOLOGY.COM | WWW.SKAGINN.COM
Við óskum viðskiptavinum og samstarfsaðilum okkar, sem og
landsmönnum öllum, gleðilegra jóla og farsældar á komandi ári.
Með kærri þökk fyrir ánægjuleg samskipti á árinu.
HUGHEILAR JÓLA-
OG NÝÁRSKVEÐJUR