Skessuhorn - 11.10.2017, Síða 9

MIÐVIKUDAGUR 11. OKTÓBER 2017 9
SK
ES
SU
H
O
R
N
2
01
7
HAUSTFAGNAÐUR FSD
20. – 21. OKT. 2017

Föstudagur 20. október
Kl. 12:00 Lambhrútasýning og opin fjárhús að Rauðbarðaholti, Hvammssveit.

Kl. 19:30 Íþróttahúsið að Laugum í Sælingsdal – Sviðaveisla / Hagyrðingakvöld / Dansleikur
Húsið opnar kl. 19:30. Borðhald hefst 20:00.
Sviðaveisla samkvæmt venju eins og undanfarin ár.
Hagyrðingar verða: Ágúst Marinó Ágústsson, Sauðanesi, Jóhannes Sigfússon,
Gunnarsstöðum, Pétur Pétursson, Akureyri og Ragnar Ingi Aðalsteinsson, Reykjavík.
Veislustjóri og stjórnandi verður Karl Ágúst Úlfsson. Að loknu hagyrðingakvöldi munu
Vandræðaskáld vera með skemmtiatriði.
Um dansleikinn sér hljómsveitin BLAND. 16 ára aldurstakmark er á dansleikinn.
* Miðapantanir á sviðaveisluna fara fram hjá Jóni Inga í Þurranesi, helst með tölvupósti,
thurranes@gmail.com eða í síma 867-7286 frá 11. október til og með 17. október.
Aðgangseyrir er 7.000 kr.

Laugardagur 21. október
Kl. 10:00 Lambhrútasýning og opin fjárhús að Hlíð í Hörðudal.

Kl. 13:00 Reiðhöllin – Nokkur fyrirtæki kynna þjónustu sína og Íslandsmeistaramótið í rúningi.
Sirkus Íslands skemmtir í hléi rúningskeppninnar.

Kl. 19:00 Grillveisla í Dalabúð og verðlaunaafhending fyrir bestu hrútana.

Kl. 00:00 Dansleikur í Dalabúð með hljómsveitinni Sóldögg. Aðgangseyrir er 3.000 kr.

*Hótelið á Laugum verður opið í tengslum við sviðaveisluna. Nánari upplýsingar og bókanir eru á laugar@umfi.is.
Íbúafundur um atvinnumál og skipu-
lagsmál var haldinn í Stykkishólmi á
miðvikudaginn í síðustu viku. Fund-
urinn var vel sóttur og ekki ann-
að að merkja en að gestir hefðu ver-
ið ánægðir með þær kynningar sem
fluttar voru.
Grjótkrabbinn nýtt
rándýr í firðinum
Atvinnumál voru fyrst á dagskrá
fundarins. Jónas P. Jónasson, sér-
fræðingur frá Hafró, kynnti rann-
sóknir á hörpudiski. Þær voru stund-
aðar frá 1970 til 2002 þegar stofn-
inn í Breiðafirði hrundi. Undanfar-
in ár hafa staðið yfir tilraunaveiðar.
Með þeim er ætlunin að fylgjast með
því hvernig skeljastofninn bregst við
veiðum. Einn fundargesta spurði
hvenær veiðar á hörpudiski gætu haf-
ist að nýju fyrir alvöru. Sérfræðing-
arnir voru varkárir í svörum og sögð-
ust helst vilja gera fleiri mælingar og
rannsóknir á stofninum. Ekki síst
vegna þess að nýtt rándýr er kom-
ið í fjörðinn, grjótkrabbinn svokall-
aði. Hann er ásamt krossfiski helsti
afræninginn á hörpuskel. Töldu þeir
því að veiðar gætu ekki hafist á ný fyrr
en eftir sjö ár hið minnsta, miðað við
það að nýliðun í stofninum verði góð.
Verði hún það ekki er viðbúið að bíða
þurfi lengur og veiðar gætu jafnvel
ekki hafist fyrr en eftir 20 ár.
Rætt um nýtingu
þangs og þara
Næst kynnti Karl Gunnarsson, sér-
fræðingur hjá Hafró, rannsóknir á
þangi og þara í Breiðafirði. Rann-
sókninni var ætlað að meta magn
klóþangs í firðinum, skoða endur-
vöxt eftir þangskurð og hvaða áhrif
skurður hefur á lífríkið. Þá steig Arn-
ór Snæbjörnsson, lögfræðingur hjá
atvinnuvegaráðuneytinu í pontu og
kynnti nýja löggjöf um öflun sjáv-
argróðurs í atvinnuskyni. Salurinn
spurði þá Karl út í nýtingarmögu-
leika þangs og þara úr Breiðafirði í
ljósi nýrrar löggjafar um öflun sjávar-
gróðurs. Hann svaraði því til að þörf
væri á rannsóknum á því hvað gerist
til lengri tíma á slegnum svæðum og
áhrif þangskurðar á annað líf í vist-
kerfinu.
Róbert A. Stefánsson, forstöðu-
maður Náttúrustofu Vesturlands,
fjallaði næst um auðlindanýtingu í
Breiðafirði í ljósi þeirra rannsókna
sem sérfræðingar Hafró vinna að.
Ræddi hann um sjálfbæra nýtingu
auðlinda og sagði að vistkerfisrann-
sóknir vantaði. Brýnt væri að hefja
þær sem fyrst áður en ákvarðanir
yrðu teknar um auðlindanýtingu.
Nýtt skipulag á
teikniborðinu
Næsti liður fundarins fjallaði um
skipulagsmál. Bæring Bjarnar Jóns-
son og Silja Traustadóttir, arkitekt-
ar frá GlámaKím, kynntu skipu-
lagssvæði bæjarins. Um var að ræða
kynningu á aðal- og deiliskipulagi
og áformum um byggingarsvæði
fyrir íbúðar- og atvinnuhúsnæði í
Stykkishólmi. Ræddu þau um þörf
til endurskoðunar á gildandi deili-
skipulagi í ljósi þróunar atvinnulífs
og byggðarinnar í Stykkishólmi.
Því næst kynntu þau deiliskipu-
lag Miðbæjarsvæðisins, sem og ný
byggingarsvæði við Vík, Vatnsás og
Reitaveg.
Að lokum ræddu þau um stækk-
un athafnasvæðisins og iðnaðarlóðir
á hafnarsvæðinu í Skipavík og síðan
skipulag bílastæða í Stykkishólms-
höfn vegna vaxandi fjölda ferða-
manna og siglinga.
sá/kgk/ Ljósm. sá.
Vel sóttur fundur um atvinnu- og
skipulagsmál í Stykkishólmi
Karl Gunnarsson, sérfræðingur hjá Hafró, kynnti rannsóknir á þangi og þara í
Breiðafirði.
Róbert A. Stefánsson, forstöðumaður Náttúrustofu Vesturlands, flutti erindi.