Skessuhorn - 31.10.2018, Blaðsíða 8

MIÐVIKUDAGUR 31. OKTÓBER 20188
Rafmagnsbilun
HELLISSANDUR: Rafmagn
fór af Hellissandi í Snæfellsbæ
sl. laugardagskvöld. Eftir bil-
analeit og viðgerð starfsmanna
RARIK var búið að koma raf-
magni á að nýju um klukkan 20.
-mm
Neyðarkallar verða í
gömlum stíl
LANDIÐ: Fjáröflunarátakið
Neyðarkall björgunarsveita fer
fram dagana 1.- 3. nóvember
nk. Neyðarkall þessa árs er til-
einkaður 90 ára afmæli Slysa-
varnafélagsins Landsbjargar
og því klæddur í stíl við það
björgunarsveitarfólk sem ruddi
brautina. -mm
Dæmdur í farbann
VESTURLAND: Landsrétt-
ur staðfesti á fimmtudaginn
dóm Héraðsdóms Vesturlands
frá 22. október sl. þar sem
karlmaður með albanskt vega-
bréf var úrskurðaður í farbann
til 19. nóvember nk. Hann er
grunaður um nauðgun 22.
ágúst í sumar sem átti sér stað á
Vesturlandi og sætir rannsókn
vegna þess máls. Taldi héraðs-
dómari yfirgnæfandi lýkur á
að maðurinn myndi hverfa af
landi brott áður en rannsókn
á máli hans lyki og úrskurð-
aði því í farbann. Landsréttur
staðfesti þann dóm. -mm
Aflatölur fyrir
Vesturland
dagana 20. - 26. október
Tölur (í kílóum)
frá Fiskistofu:
Akranes: 2 bátar.
Heildarlöndun: 5.441 kg.
Mestur afli: Ísak AK: 4.874 í
tveimur róðrum.
Arnarstapi: 3 bátar.
Heildarlöndun: 20.480 kg.
Mestur afli: Álfur SH: 10.805
kg í tveimur löndunum.
Grundarfjörður: 4 bátar.
Heildarlöndun: 142.214 kg.
Mestur afli: Hringur SH:
59.702 kg í einni löndun.
Ólafsvík: 11 bátar.
Heildarlöndun: 113.200 kg.
Mestur afli: Brynja SH: 19.752
kg í fimm róðrum.
Rif: 7 bátar.
Heildarlöndun: 63.906 kg.
Mestur afli: Stakkhamar SH:
28.012 kg í þremur löndunum.
Stykkishólmur: 5 bátar.
Heildarlöndun: 72.376 kg.
Mestur afli: Hannes Andr-
ésson SH: 25.547 kg í fimm
löndunum.a
Topp fimm landanir á tíma-
bilinu:
1. Hringur SH - GRU:
59.702 kg. 24. október.
2. Helgi SH - GRU:
44.296 kg. 22. október.
3. Farsæll SH - GRU:
36.065 kg. 23. október.
4. Stakkhamar SH - RIF:
11.743 kg. 26. október.
5. Saxhamar SH - RIF:
8.595 kg. 23. október.
-kgk
Byggðarráð Borgarbyggðar tók á
fundi sínum síðastliðinn fimmtudag
fyrir tillögu Sigurðar Inga Jóhanns-
son samgönguráðherra að fimm-
tán ára samgönguáætlun. Byggðar-
ráð bókaði m.a. í umsögn sinni að
litlu er áætlað að verja í vegagerð
á Vesturlandi á komandi árum. Þá
mótmælir byggðarráð harðlega
hversu litlum fjármunum er varið
í vegabætur innan sveitarfélagsins
á næstu fimmtán árum, ekki síst í
ljósi landstærðar sveitarfélagsins og
slöku ástandi vega. Bókun byggðar-
ráðs er í heild þessi:
„Borgarbyggð er með lands-
tærstu og víðfeðmustu sveitarfé-
lögum landsins. Það gefur sveitar-
félaginu ákveðna sérstöðu á lands-
vísu. Ein af sérstöðu sveitarfélagsins
er hve búseta er dreifð um sveitar-
félagið. Því er vegakerfi mjög um-
fangsmikið innan þess. Miklu máli
varðar að samgöngur séu greiðar
í svo landstóru sveitarfélagi, hvort
sem er fyrir íbúa í dreifbýlinu til að
sækja atvinnu eða þegar þörf er á
að að veita þeim margháttaða þjón-
ustu. Um 60% vega á Vesturlandi
eru ekki lagðir bundnu slitlagi. Stór
hluti þessara malarvega eru innan
Borgarbyggðar. Í allri þeirri um-
ræðu um að þörf sé á að leggja sér-
staka áherslu á að taka þurfi sérstakt
tillit til aukningar á ferðamanna-
straumi til landsins við áherslur um
aðgerðir í vegamálum þá má ekki
gleyma því að vegir eru einnig og
ekki síður fyrir þá íbúa sem land-
ið byggja. Um 300 km. af vegakerfi
Borgarbyggðar eru malarvegir.
Víða er ástand þeirra mjög slæmt.
Með grófri nálgun má færa fyrir því
rök að skólaakstur fari fram á um
helmingi þessara vega. Þjónusta
þarf mjólkurframleiðendur reglu-
bundið á álíka löngum malarveg-
um. Akstur skólabíla og mjólkurbíla
fer þó alls ekki alltaf saman. Mikið
af malarvegum og þá sérstaklega á
Mýrunum eru illa uppbyggðir og
illa viðhaldnir troðningar.“
Engar framkvæmdir á
vegum í lágsveitum
Byggðarráð Borgarbyggðar mót-
mælir harðlega hve litlir fjármun-
ir eru lagðir til uppbyggingar vega-
kerfisins innan Borgarbyggðar í
langtímaáætlun í samgöngumálum.
„Ekki er gert ráð fyrir að lagðir séu
fjármunir til að ljúka Uxahryggja-
vegi fyrr en eftir 5-10 ár. Sú leið
er gríðarlega mikilvæg hvað varð-
ar bættar samgöngur milli Vestur-
lands og Suðurlands. Síðan er svo-
kölluð „hjáleið“ framhjá Borgar-
nesi sett inn á samgönguáætlun eft-
ir 10-15 ár. Þessi framkvæmd hef-
ur verið inni á samgönguáætlun um
áratuga skeið en án þess að af fram-
kvæmdum hafi orðið. Hæpið er
því að búast við að úr henni verði
á þessu tímabili frekar en á liðnum
áratugum. Með hliðsjón af fram-
ansögðu þá er ekki að sjá að neinar
framkvæmdir í uppbyggingu vega í
lágsveitum Borgarbyggðar séu fyr-
irhugaðar á næstu 15 árum þrátt
fyrir gríðarlega langt malarvega-
kerfi sem að verulegu leyti er í mjög
lélegu ástandi.“
Nánast ekkert á
Vesturland
Í samantekt þeirri sem SSV hefur
nýlega tekið saman kemur fram að
einungis eigi að leggja 500 m.kr.
til nýframkvæmda á Vesturlandi á
næstu fimm árum. „Það er alger-
lega óviðunandi niðurstaða. Fjár-
veitingar til tengivega eru einnig
óásættanlegar miðað við umfang og
ástand malarvega í sveitarfélaginu.
Þegar litið er til samgönguáætl-
unarinnar í heild sinni þá vaknar sú
spurning hvort eðlilegt sé að setja
Vesturland og Vestfirði í einn flokk
sem nefnist Vestursvæði. Miklir
fjármunir renna til þessa svæðis í
samgönguáætlun þeirri sem kynnt
hefur verið. Að langstærstum hluta
renna þeir til Vestfjarða vegna
þeirra umfangsmiklu framkvæmda
sem þar standa yfir eða eru fyrir-
hugaðar. Ekki skal á nokkurn hátt
dregið úr nauðsyn fyrirhugaðra
vegabóta á Vestfjörðum. Það kæmi
á hinn bóginn miklu skýrar í ljós í
þeim tillögum að samgönguáætlun
sem lögð hefur verið fyrir Alþingi,
hve litla fjármuni er fyrirhugað að
leggja í vegaframkvæmdir á Vestur-
landi á komandi árum, ef Vestur-
land stæði eitt og sér í áætluninni.“
Byggðarráð fól sveitarstjóra að
óska eftir fundi með þingmönnum
kjördæmisins um samgönguáætlun.
mm
Borgarbyggð mótmælir framlagðri
samgönguáætlun ráðherra
Samkvæmt fyrirliggjandi samgönguáætlun verða vegir í lágsveitum Borgarbyggðar friðaðir a.m.k. næstu fimmtán árin. Þessi
mynd er tekin á Mýrunum fyrir allmörgum árum, er og verður að óbreyttu í fullu gildi áfram.
Skagamaðurinn Guðlaugur Hjart-
arson vélfræðingur og rafvirki
keypti í sumar tvinnbíl af Out-
lander gerð. „Mér fannst ekki
nógu gott að hleðslutæki bílsins
þyrfti alltaf að liggja fyrir fram-
an bílskúrshurðina í öllum veðr-
um og fékk fljótlega leið á því að
opna bílskúrinn til þess að hlaða
bílinn,“ segir hann. „Ég ákvað því
að hanna sjálfur hleðslukassa og lét
smíða hann fyrir mig og hef kom-
ið honum í sölu,“ segir Guðlaugur
í samtali við Skessuhorn.
Guðlaugur segist hafa leitað eft-
ir sambærilegum kassa á markað-
inum en ekki fundið. „Hleðslu-
kassinn er því alíslensk hönnun og
smíði, gerður úr plexigleri. Í kass-
anum er innstunga sem hleðslu-
tækinu er stungið í samband við og
tækið sjálft lagt í botninn á kassan-
um. Kassinn er læstur með lykli og
niður úr honum kemur kapallinn
sem tengist bílnum. Kaplinum er
hægt að vefja utan um hleðslukass-
ann. Kassinn er skrúfaður á vegg
en einnig er hægt að kaupa staur
til að hafa hleðslukassann frístand-
andi. Hleðslukassinn passar fyrir
öll helstu hleðslutæki rafmagns-
bíla,“ segir hann.
Hleðslukassinn kostar 34.900
krónur, en 39.900 ef keyptur er
búnaður til að láta hann vera fríst-
andandi. Hægt er að panta með að
senda skilaboð á info@hledslukassi.
is Nánari upplýsingar má finna á
Facebook undir Hleðslukassi.
mm
Hannaði og selur hleðslukassa
fyrir rafmagnsbíla
Hleðslukassi á skúrvegg. Hleðslukassi við innkeyrslu.