Skessuhorn - 31.10.2018, Blaðsíða 16

MIÐVIKUDAGUR 31. OKTÓBER 201816
Í byrjun mánaðarins fór rithöf-
undurinn og teiknarinn Bergrún
Íris Sævarsdóttir um grunnskóla
á Vesturlandi, annars staðar en á
Akranesi, og hélt námskeið í skap-
andi skrifum. Menntamálastofnun
fékk Bergrúnu Írisi til liðs við sig í
verkefni sem heitir Skáld í skólum.
Námskeiðinu var ætlað að auka
áhuga barna á bókalestri, ritun og
skapandi skrifum.
„Krakkar sem eru á miðstigi
í grunnskóla eru að móta sjálfs-
mynd sína fyrir framtíðina. Þeir
eru á þeim aldri þar sem hið kassa-
laga skólakerfi hefur náð að móta
töluvert og leikgleði leikskólaald-
ursins byrjar að dofna. Þau halda
jafnvel að það sé bara ein rétt leið
til að segja sögu eða teikna sól.
Það sé rétta og ranga leiðin til að
gera allt og árangur sé mælanlegur
í tölum,“ segir Bergrún Íris. „Þau
eiga það til að bíta það í sig að þau
séu „léleg að teikna“ eða „léleg
að skrifa sögur“. Með því að læra
skapandi skrif sjá þau að allir geta
sagt sögur, líka þau sjálf. Með réttu
tækin í verkfæratöskunni sinni geta
þau skapað persónur úr engu, sett
persónurnar í spennandi aðstæður
og töfrað fram heilan söguheim.
Það hafa allir hæfileikann til þess
en oft þarf að tendra neistann og
vona að hann verði að báli.“ Það
að læra skapandi skrif sé alls ekki
tilgangslaus hæfileiki og komi sér
vel hvar sem er seinna á lífsleið-
inni. „Þetta er hæfileiki sem mun
fylgja fólki út í lífið, hjálpa þeim í
samskiptum við annað fólk og nýt-
ast vel í hverju starfi sem þau kjósa
að taka sér fyrir hendur.“
Önnur upplifun
úti á landi
Bergrún ber Vestlendingum vel
söguna eftir ferðalagið um lands-
hlutann en hún var á ferðinni í
þrjá daga. „Gestrisni starfsfólks
skólanna kom mér mjög á óvart.
Mér er nú alltaf vel tekið í skóla-
heimsóknum en Vesturlandið tók
öllu fram. Mér var tekið svo opn-
um örmum og fékk hvergi að fara
svöng eða þyrst út. Krakkarnir
voru líka einstaklega agaðir og ró-
legir og greinilegt að lítið er um
stress í sveitinni,“ segir Bergr-
ún og ber heimsóknina saman við
heimsókn í borginni sem sé oft að-
eins frábrugðin. „Krakkarnir sem
bíða mín þar hafa oftar en ekki
upplifað sama morgunstress og ég
á heimili sínu og allir eru dálítið
hátt uppi. Það er önnur stemning
úti á landi.“
Enginn fæðist
rithöfundur
Því miður er það svo að bækur
eiga undir högg að sækja. Börn
sækja síður í bækur, þar sem mik-
ið af annarri afþreyingu er í boði.
„Bókin á í gríðarlegri samkeppni
við til dæmis leikjatölvuna,“ seg-
ir Bergrún Íris. „Krakkar læra á
tölvuleiki og verða betri með því
að verja tíma í þeim og æfa sig. Þau
læra jafnvel að svindla, eða hakka,
eins og það er kallað, til að komast
í gegnum leikinn.“ Bergrún reynir
að nálgast krakkanna á þeirra stigi.
„Mig langaði að gefa þeim ákveðin
tæki, svindl eða hökk, til að skrifa
sögu og sýna þeim að enginn fæð-
ist rithöfundur. Við þurfum öll að
æfa okkur til að komast „í næsta
borð“ og við verðum betri með
tímanum.“
Samstarf margra
að búa til bók
Bergrún Íris skrifaði metsölubók-
ina „Langelstur í bekknum“. Fjöl-
mörg börn þekkja til sögunnar og
hún hefur skrifað framhald af æv-
intýri Eyju og Rögnvalds, „Lang-
elstur í leynifélaginu“. „Ég upp-
lifði mig eins og algjöra rokk-
stjörnu því mörg þeirra þekktu
bækurnar mínar og vildu spjalla
um persónurnar. Það var frábær
upplifun.“ Krakkarnir á námskeið-
inu voru mjög móttækileg. „Við
unnum mikið með persónusköpun
og hvernig tvær venjulegar hug-
myndir geta gert eina óvenjulega,
spennandi og skemmtilega. Ég
sagði þeim frá því hvernig ólíkir
listamenn vinna saman og hversu
mikilvægt það er að vera opinn fyr-
ir hugmyndum annarra. Við fórum
í gegnum allt ferlið sem fylgir því
að búa til bók með áherslu á það að
bók sprettur ekki fullbúin úr kolli
rithöfundarins. Þetta er alltaf sam-
starf margra.“
Allir hafa hæfileika til
að bulla og segja sögur
Bergrún segir að hennar upplif-
un af námskeiðinu hafi verið góð
og hún hafði tilfinningu fyrir því
að krakkarnir hefðu virkilega not-
ið þess að taka þátt í sköpuninni.
„Þau voru svo gríðarlega frjó og
greinilegt að tröll og aðrar verur
úr náttúrunni eru þeim hugleikin.“
Sumar persónur sem krakkarnir
sköpuðu hafi verið speglun af þeim
sjálfum, á meðan aðrar voru mun
meira framandi. Það voru engin
mörk fyrir því hvað hægt var að
gera. Mikil gleði ríkti á námskeið-
inu í hverjum skóla fyrir sig. „Það
sem er svo frábært við námskeið
sem þessi er að ég er ekki komin
til að lesa yfir þeim um staðreynd-
ir og tölur. Sköpun er leikur og í
hverju leik býr sköpun, hvort sem
þú leikur þér með legó, perlur eða
ert í gamnislag við vini þína. Öll
börn hafa hæfileikann til að bulla.
Námskeið sem þetta gengur frek-
ar út á að beisla heldur en að bæla
bullið og þá eru hlátursköst eins
og olía á sköpunareldinn.“
Gestrún, Stórólfur,
Skeggi og Sóllilja
Krakkarnir sköpuðu alls kyns pers-
ónur. Bergrún gaf krökkunum nafn
úr stórri nafnabók og upp spruttu
alls kyns hugmyndir, hver annarri
frjórri og skemmtilegri. „Sögurn-
ar um hótelstýruna Gestrúnu, ris-
ann Stórólf og einmana sjóarann
Skegga eru meðal þeirra skemmti-
legu persóna sem fæddust á nám-
skeiðinu. Sóllilja var líka skemmti-
legur karakter því hún var blóm
en ekki manneskja. Hún var of-
urhetja sem reif sig upp úr mold-
inni á nóttunni til að bjarga öðr-
um blómum heimsins.“ Krakkarn-
ir voru mjög skapandi og Bergrún
segir að framtíðin sé björt. Nokkr-
ir krakkar hafi jafnvel þegar skrif-
að sögur sem þau vilji fá útgefnar.
„Ég er líka spennt að sjá hvað ger-
ist hjá þeim krökkum sem hingað
til hafa ekki haft neinn áhuga á að
skrifa og vilja heldur spila tölvu-
leiki. Oft eru það frjóustu hugar-
nir, þeir sem eru jafnvel svo frjóir
að það verður þeim um megn og
þá finnst þeim gott að fá hvíld fyr-
ir framan skjáinn. Þessi börn eiga
eftir að uppgötva ótrúlega hæfi-
leika í framtíðinni.“
Munu halda
áfram að skrifa
Bergrún Íris tók ekki með sér sög-
ur frá krökkunum af námskeiðinu,
en hún er viss um að persónurnar
sem spruttu fram eigi eftir að enda
í einhverjum sögum. „Kennar-
arnir fengu ýmis verkefni frá mér
til að vinna áfram með skapandi
skrif. Allir hóparnir vildu ólm-
ir halda áfram með persónurnar
sem þau höfðu skapað, setja þær
í spennandi aðstæður og láta þær
hitta persónur hinna hópanna í
sögu.“ Bergrún hvatti krakkana til
að senda sögurnar inn til Krakk-
aRÚV, þar sem þau eru fóru af stað
með verkefnið Sögur í haust. „Það
er frábær vettvangur fyrir skapandi
krakka.“ Til stendur að hafa sama
námskeið í grunnskólum á Akra-
nesi 22. nóvember næstkomandi.
klj
Skapandi skrif gott
nesti út í lífið
-Bergrún Íris Sævarsdóttir fór
í grunnskóla á Vesturlandi með
námskeið í skapandi skrifum
Bergrún Íris fór um grunnskóla víða á Vesturlandi og kenndi krökkum á miðstigi skapandi skrif. Hún segir að hún hafi skemmt
sér mjög vel með krökkunum.
Í Ólafsvík tóku börnin ekki síður vel á móti Bergrúnu Írisi.
Krakkar í Grundarfirði sitja hér ein-
beittir við persónusköpun.
Bergrún gaf krökkunum nafn á
persónurnar sem oft leiddu til mjög
frjórra sagna.
Krakkar í Laugagerðisskóla voru
áhugasamir um persónusköpunina.
Bergrún Íris hefur skrifað nokkrar
barnabækur sem krakkarnir þekktu.
Þessi piltar báðu hana um eigin-
handaráritun.