Skessuhorn - 31.10.2018, Blaðsíða 30

MIÐVIKUDAGUR 31. OKTÓBER 201830
MT: Stefán Gísli með verðlauna-
gripinn síðastliðinn sunnudag.
Þegar þú varst barn,
hvað ætlaðir þú að verða
þegar þú yrðir stór?
Spurni g
vikunnar
(Spurt á Akranesi)
Barbro E Glad
Ég ætlaði að verða ljósmóðir.
Friðrika Bjarnadóttir
Viðskiptafræðingur eða eitt-
hvað tengt því.
Sigríður Selma Sigurðardóttir
Búðarkona.
Díana Guðlaug Ingvarsdóttir
Hárgreiðslukona.
Eydís Ósk Hilmarsdóttir
Hárgreiðslukona.
Ríflega þrettán mánuðir eru liðnir
frá því bræðurnir Gunnar Smári og
Jóhann Örn Jónbjörnssynir ásamt
Sunnefu Burgess opnuðu CrossFit
stöðina CrossFit Ægi á Akranesi.
„Það er óhætt að segja að fyrsta
árið hafi gengið framar okkar
björtustu vonum. Við erum alveg
ótrúlega stolt af þessu litla sam-
félagi sem iðkendum okkar hef-
ur tekist að skapa,“ segir Sunnefa
í samtali við blaðamann Skessu-
horns. „Nú æfa um og yfir 100
manns hjá okkur daglega, allt frá
nýbökuðum mömmum með krílin
sín upp í eldri borgara í Eldra-fit,“
bætir hún við.
Fundu eftirspurn í
Borgarnesi
Á mánudaginn opnuðu þau Gunn-
ar Smári, Jóhann og Sunnefa útibú
CrossFit Ægis í Borgarnesi, við
Brákarbraut 20. „Við Jói bjugg-
um um tíma í Borgarnesi og fannst
vanta fjölbreytileikann fyrir þá
sem vildu gera eitthvað meira en
bara mæta í ræktina. Þegar okkur
bauðst húsnæði fyrir CrossFit síð-
asta vetur stukkum við á það og
ákváðum að opna lítið box,“ seg-
ir Sunnefa aðspurð hvers vegna
þau hafi ákveðið að opna útibú í
Borgarnesi. „Við höfum líka fund-
ið fyrir eftirspurn og voru nokkr-
ir iðkendur sem hafa keyrt dag-
lega frá Borgarnessvæðinu til að
mæta í WOD [æfingu dagsins,
innsk. blm.] á Akranesi. Stöðin í
Borgarnesi er löng og mjó og hátt
til lofts sem gerir hana frábæra til
CrossFit iðkunnar.Við gerum ráð
fyrir tíu manns í WOD í einu og
stefnum á að hafa 2-3 WOD á
dag fyrsta mánuðinn á meðan við
erum að keyra grunnnámskeið-
in. Svo fjölgar WOD-um eftir því
sem fleiri útskrifast af grunnnám-
skeiði,“ segir Sunnefa og bætir því
við að 30 manns byrji á grunnnám-
skeiði þessa opnunarviku. En all-
ir CrossFit iðkendur þurfa að ljúka
sérstöku grunnnámskeiði áður
en hægt er að mæta í hefðbund-
in WOD. „Svo verða 20 manns á
helgargrunnnámskeiði um næstu
helgi,“ segir hún. Í CrossFit Ægi
í Borgarnesi verða opnir kynning-
artímar á fimmtudag frá klukk-
an 16:30 til 18:30 og föstudag frá
klukkan 16:00 til 17:00 fyrir þá
sem vilja taka æfingu dagsins eða
bara skoða stöðina. Engin þörf á
að skrá sig, bara mæta.
Byrja með æfingar fyrir
fólk með fötlun
Hjá CrossFit Ægi á Akranesi er
boðið upp á æfingar fyrir alla ald-
urshópa og stendur nú til að bæta
við æfingum fyrir fólk með fötlun.
„Við erum búin að þróa með okkur
fjölbreytta dagskrá þannig að allir
geta fundið eitthvað fyrir sig,“ segir
Sunnefa. Fyrir nýbakaðar mæður er
boðið upp á Mömmu-CrossFit auk
þess sem börnum iðkenda er boð-
ið upp á barna-WOD þar sem far-
ið er í skipulagðan og frjálsan leik
einu sinni í viku. „Mömmu-Cross-
Fit er tvískipt hjá okkur, við erum
með fimm mömmur á grunnnám-
skeiði og svo mæta að meðaltali tíu
mömmur sem hafa lokið grunn-
námskeiði í Mömmu-CrossFit þar
sem búið er að „mömmuvæða“
WOD dagsins,“ útskýrir Sunnefa.
Fyrir eldri iðkendur hjá CrossFit
Ægi er boðið upp á sérstakt Eldra-
fit. „Við vorum að byrja með Eldra-
fit og nú eru um fimm snillingar
sem mæta tvisvar sinnum í viku en
við vonumst til að fá fleiri á næsta
námskeið.“ Þá stendur öllum iðk-
endum til boða að mæta í sérstaka
tíma eins og teygju- og kviðWOD,
ólympískar lyftingar, tæknitíma og
fleira. „Á laugardaginn næsta byrj-
um við svo með Einstakt-WOD
sem er fyrir fólk með fötlun,“ segir
Sunnefa. Aðspurð hvort þau muni
einnig bjóða upp á svipaða tíma
í Borgarnesi svarar hún að til að
byrja með verði bara boðið upp á
hefðbundin WOD. „Við munum
svo aðlaga dagskránna að okkar
iðkendum þar og eftirspurn.“
arg/ Ljósm. aðsendar.
CrossFit Ægir opnað í Borgarnesi
Það eru um og yfir 100 manns sem æfa daglega hjá CrossFit Ægi á Akranesi svo
það er alltaf mikið líf og fjör á æfingum.
Hér má sjá inn í nýju CrossFit stöðina í Borgarnesi.
Íslandsmótið í atskák 2018 verður
haldið í Amtsbókasafninu í Stykkis-
hólmi helgina 17. til 18. nóvember
næstkomandi. Það er Skáksamband
Íslands sem stendur fyrir mótinu.
Tefldar verða tíu umferðir, fimm á
hvorum degi og hefst keppni klukk-
an 13:00 báða dagana. Fyrsti kepp-
andinn til að skrá sig til leiks á Ís-
landsmótið í atskák var stórmeist-
arinn Friðrik Ólafsson.
Verðlaun verða veitt fyrir fjögur
efstu sætin í mótinu þar sem fjórir
efstu keppendur eftir stigaútreikn-
ing fá verðlaun. Verði tveir eða
fleiri keppendur efstir og jafnir skal
telft til þrautar. Verðlaun skiptast
að öðrum kosti eftir Hort-kerfinu.
Þá verða einnig veittur fjöldi auka-
verðlauna. kgk
Íslandsmótið í atskák verð-
ur haldið í Stykkishólmi
Snæfellingar máttu sætta sig við
stórt tap gegn Hamri, 60-89, í
fjórðu umferð 1. deildar karla í
körfuknattleik. Leikið var í Stykk-
ishólmi á föstudagskvöld.
Gestirnir byrjuðu af miklum
krafti og höfðu öll völd á vellinum
í upphafi leiks. Allt virtist ganga
upp hjá þeim á meðan heimamenn
höfðu engin svör. Hamar komst í
19-0 áður en Snæfellingar skoruðu
fyrstu stigin. Þeir leiddu afgerandi
eftir fyrsta leikhluta, 24-7 og veru-
lega á brattann að sækja fyrir Snæ-
fell eftir það. Gestirnir stjórnuðu
ferðinni það sem eftir lifði leiks,
höfðu 22 stiga forskot í hálfleik,
20-42.
Þeir bættu enn við í þriðja leik-
hluta og höfðu 29 stiga forskot fyr-
ir lokafjórðunginn, 37-66. Sami
munur var á liðunum í leikslok.
Þrátt fyrir mikinn dugnað og bar-
áttuvilja ungra og efnilegra leik-
manna Snæfells var brekkan ein-
faldlega of brött. Lokatölur urðu
60-89, Hamri í vil.
Deandre Mason var atkvæða-
mestur Snæfellinga með 21 stig og
níu fráköst. Dominykas Zupkaus-
kas skoraði 15 stig og tók fimm frá-
köst en aðrir höfðu minna.
Everage Lee Richardsson var
stigahæstur í liði gestanna með 29
stig og fimm fráköst að auki. Flo-
rijan Jovanoc skoraði 15 stig og tók
níu fráköst og Gabríel Sindri Möll-
er var með tíu stig.
Snæfellingar eru án sigurs eft-
ir fjóra leiki og sitja í sjöunda sæti
deildarinnar. Næst fá þeir tækifæri
til að krækja í fyrstu stig vetrar-
ins þegar þeir mæta Selfyssingum
á útivelli föstudaginn 9. nóvember
næstkomandi. kgk
Snæfellingar
töpuðu stórt