Heimsmynd - 01.06.1990, Síða 10

sntouM
M

HÖRÐ VALDABARÁTTA:
r r
• Olíkir hópar berjast um yfirráð einkasjónvarps á Islandi.
HÁPUNKTUR ÁTAKANNA:
• Stöð 2 hótaði að ná hlutafé úr Islandsbanka með fógeta-
valdi.
I febrúarhefti HEIMSMYNDAR var
rakin saga frumkvöðla Stöðvar tvö frá
því þeir byrjuðu með tvær hendur tómar
í galtómum buxnavösum að breyta því
sem allir töldu draumóra eina í veruleika
sem blasir í dag við allra augum: Stöðin,
150 manna starfslið, 45 þúsund áskrif-
endur, 1500 milljóna króna skuldir. Hér
verður sagt frá sporgöngumönnunum
sem síðastliðna mánuði hafa barist með
kjafti og klóm um hver fengi að axla
1500 milljóna skuldirnar og þá gloríu
sem því getur fylgt að skipa vegtyllur í
þessari upplýsinga- og afþreyingarveitu.
Hvað er það sem knýr áfram kaupsýslu-
menn, stjórnmálamenn og íþróttamenn í
æðisgenginn kappleik um að höndla
þetta hnoss? Vonin um skjótfenginn
gróða, áhrif, völd, upphefð eða ánægjan
af leiknum sjálfum, þegar út í hann var
komið? Sjálfsagt mismunandi blanda af
einhverju þessu eða öllu, mismunandi
eftir einstaklingum.
Hafi barátta frumkvöðlanna verið ör-
væntingarfullur slagur upp á líf og dauða
til að halda þessu óskabarni sínu, sem
hafði vaxið þeim og Verslunarbankanum
svo gersamlega yfir höfuð að við lá að
þeir kremdust undir því, þá var sá slagur
kalt útreiknandi kaupsýslumanna, sem á
eftir fór, ekki síður óvæginn og bitur,
þar sem beitt var á víxl hótunum og
ógnþvingunum, blíðmælgi og sáttfýsi eft-
ir því sem við átti. Þótt hrikti og brakaði
í innviðum kaupsýsluheimsins og stofn-
unum hans eins og Verslunarbanka og
arftaka hans, hins nýstofnaða íslands-
banka, var reynt að gæta þess vandlega,
að ekkert bærist út af þessum átökum og
baráttuaðferðum hinna stríðandi aðila.
HEIMSMYND tókst þó að rjúfa ýmis
skörð í þagnarmúrinn og hér á eftir er
meginþráðurinn rakinn í samfelldu máli
frá áramótum til hins sögulega sam-
komulags 4. maí, þegar sverðin voru
slíðruð eftir fjögurra sólarhringa sam-
fellda samningalotu, rýtingarnir aftur
dregnir upp í ermarnar og allir aðilar
samþykktu að snúa bökum saman til
nýrrar samkeppni við ríkisútvarpið, á
öllum rásum sjónvarps og hljóðvarps.
Tólf manna nefnd frá öllum aðilum vinn-
ur nú að því að móta hinn nýja fjölmiðla-
risa einkaframtaksins í samræmi við
gerða friðarsamninga.
Eftir er að sjá hvort sú lausn tekst með
friðsamlegum hætti og hvort þá verður
friður um nýja stjórn, sem sennilega
verður kosin undir lok þessa mánaðar,
eða hvort ófriðurinn blossar upp að nýju
um yfirráð og tignarstöður. Verður nú
reynt að fá risana á hlutafjármarkaðn-
um, Eimskip, Flugleiðir, Sjóvá-Almenn-
ar - Kolkrabbann, sem sumir kalla -
ásamt Heklu til að lægja öldurnar og
koma á langþráðum stöðugleika svo að
stjórnarmenn og starfslið geti snúið sér
af alhug að því brýna verkefni að mynda
og móta myndugan og verðugan sam-
keppnisaðila við Ríkisútvarpið á sviði
Bjargvættirnir
10 HEIMSMYND
komnir til sögunnar í janúar 1990.
Glaðbeittir og bjartsýnir en bak við
bros Jóns Óttars Ragnarssonar eru
blendnar tilfinningar.