Litli Bergþór - maí 2019, Blaðsíða 3

Formannspistill
Sæl verið þið, ungmennafélagar og aðrir lesendur.
Þegar þetta er skrifað er aðalfundi félagsins nýlokið. Var hann að þessu sinni
haldinn í nýjum sal eldri borgara í Bergholti. Gunnar Örn Þórðarson lét af störfum
sem formaður íþróttadeildar og í hans stað kom Gústaf Sæland. Vill stjórn aðaldeildar
þakka Gunnari fyrir störf hans.
Íþróttafólk ársins hjá ungmennafélaginu voru þau Jóna Kolbrún Helgadóttir og
Ólafur Magni Jónsson. Þau hafa bæði staðið sig vel í frjálsum íþróttum og meðal
annars unnið til Íslandsmeistaratitla. Þau hafa einnig náð frábærum árangri á öðrum
mótum hér heima. Jóna keppti einnig á Gautaborgarleikunum í fyrra þar sem hún náði t.d. 6. sæti í 80 metra
hlaupi og 4. sæti í 300 metra hlaupi. Þá keppti Ólafur Magni í mótorkrossi á tveim mótum í unglingaflokki.
náði1. sæti á Unglingalandsmóti og 2. sæti á Íslandsmóti.
Fjárhagsstaða félagsins er afar góð. Sérstaklega vegna þess hve vel sveitarfélagið Bláskógabyggð hefur
staðið við bakið á félaginu og lottótekjur einnig aukist töluvert. Á aðalfundi félagsins var það ákveðið að rukka
ekki félagsgjöld fyrir árið 2019.
Einnig var það ákveðið á aðalfundi að Aðaldeild myndi leggja fram 400.000 króna styrk, sem verði varið í
nýtt hlaupabretti í Íþróttamiðstöðinni Reykholti og hvetjum við fleiri félagasamtök í sveitinni til
þess að taka þátt í kostnaði við nýtt bretti sem skal vera gert fyrir líkamsræktarstöð.
Líka verður það skoðað að halda áfram tilraunum með rútuferðir vegna sameiginlegra
æfinga með öðrum félögum. Í fyrrasumar var farið einu sinni í viku frá Reykholti yfir á
Laugarvatn fyrir sameiginlega fótboltaæfingu með Laugdælum. Er það einnig von okkar,
að slíkt gæti orðið fyrir aðrar íþróttagreinar, ekki bara fótbolta. Er það líklegra en hitt að
þetta gæti styrkt samstarf við önnur félög enn frekar og að íþróttastarf í uppsveitum verði enn
öflugra.
Af öðrum verkefnum aðaldeildar er það að frétta, að unnið er að breytingum á lögum félagsins, til
samræmingar lögum annarra félaga í uppsveitum. Einfaldar það samstarf félaga til dæmis.
Einnig, eins og flestum er kunnugt, þá hefur ný persónuverndarlöggjöf tekið gildi á Íslandi,
en með tilkomu hennar hafa verið lagðar nýjar skyldur og kröfur á félagasamtök og fyrirtæki
og er ungmennafélagið þar ekki undanskilið. Gerð er krafa um, að ungmennafélagið haldi
skrá um alla vinnslu persónuupplýsinga og vinni að áhættumati og úrbótaáætlun, ef nauðsyn
er talin á. Einnig er gerð krafa um að félagið setji sér gilda persónuverndarstefnu, sem skal
vinna eftir. Þetta verkefni er nokkuð á veg komið og hefur verið unnið eftir leiðbeinandi
upplýsingum sem ÍSÍ hefur unnið í samstarfi við Advice/Advania.
Að lokum vill stjórn félagsins þakka öllum þeim sem hafa komið að starfi félagsins með
einum eða öðrum hætti fyrir samstarfið og óskar Tungnamönnum gleðilegs sumars.
F.h. Ungmennafélags Biskupstungna,
Oddur Bjarni Bjarnason, formaður.
Ég myndi nú þiggja
hóflegan styrk til
sumarmála.