Litli Bergþór - maí 2019, Blaðsíða 18

18 Litli-Bergþór
Skólinn var búinn um hálf tólf og þá hjólaði
ég til ömmu og afa í Kistuholti og fékk mér að
borða. Þangað fer ég flestalla daga þegar skólinn
er búinn. Eftir að ég var búinn að borða fór ég
smá í símann. Það þurfti að moka stéttina fyrir
ömmu og auðvitað fórum við litli frændi minn út
að moka fyrir hana.
Eftir moksturinn fór ég heim að laga krossarann
minn, smá upptekt á plöstum, en ekkert stórkostlegt
í þetta skiptið og það tók ekki langan tíma. Ég gat
því tekið smá rúnt á hjólinu áður en frændsystkini
mín, sem voru væntanleg, komu í heimsókn, en
þá þurfti ég að fara heim. Ég fór út með þeim og
lékum við okkur með fjarstýrðan rafmagnsbíl
sem ég á. Við bjuggum til stökkpalla í snjónum
fyrir bílinn og var það mjög skemmtilegt.
Þarna var liðið langt á daginn og kominn
kvöldmatur hjá okkur svo við fórum inn að borða.
Restinni af kvöldinu eyddi ég í að hanga í tölvunni
þar til að ég fór að sofa.
Ofurmenni
Ég er ofurmenni
án skikkju eða skrauts,
en samt í skóm.
Ég flýg skýjum ofar,
skima yfir land og sæ
og borða ís.
Úr fjarska horfi ég
ofan á fjallahringinn,
gleraugnalaus,
enda er ég ofurmenni.
Páll M. Skúlason
LjóðBípólar
Tveggja póla segulstál.
Sogar að og hrindir frá.
Ýmist brennur í mér bál
eða bara tíran smá.
Sumum stundum borubrött,
setur næstum óða.
Öðrum stundum út er flött,
ekkert hef að bjóða.
Þess á milli þokkaleg,
þykist vera venjuleg.
Tvenn öfl í mér togast á
taugarússíbani.
En áfram held ég samt, ójá!
Er það og minn vani.
Unnur Malín Sigurðardóttir, 2018
Vor
Smám saman breyttist
stormurinn í blæ,
frostið í þey,
ísinn í skoppandi læk.
og ég
úr myrkraveru
í sólargeisla.
Páll M. Skúlason
Ketilbjörn ehf.
Vinnuvélaverktaki
Syðri – Reykjum
Grímur Þór - Sími 892 3444