Litli Bergþór - maí 2019, Blaðsíða 35

Litli-Bergþór 35
Ritstjórn Litla-Bergþórs lék forvitni á að vita hvað hefði orðið af
fyrrum sveitungum okkar sem lagt hafa land undir fót og búa fjarri
heimahögunum. Við höfðum samband við Ingvar Ólafsson og Sigrúnu
Þórisdóttur sem tóku okkur afar vel og fylgja svör þeirra hér.
Sjaldséðir sveitungar
Ingvar Ólafsson heiti ég, fæddur 1968 á Selfossi og ólst þar upp fyrstu 10 árin, en er alltaf, þegar ég er spurður, frá Arnarholti í Biskupstungum, sonur Theódóru frá
Arnarholti og Ólafs frá Kjóastöðum.
Það vildi þannig til árið 1986 að við Siggi Óli (Birkilundi)
ætluðum að fara til Ekvador sem skiptinemar, en ég var
eitthvað of seinn að sækja um, þannig að það voru bara í
boði 2 mánuðir í Evrópu eða USA. Varð það til þess að ég
endaði í Noregi, lítilli byggð við Nordfjord í vestur Noregi.
Voru það góðir 2 mánuðir. Í kjölfarið plataði ég svo Gústa
bróður minn með mér til Noregs í nóvember sama ár, og
ætluðum við að vinna í nokkra mánuði og fara svo áfram til
Svíðþjóðar eða Danmerkur. Gústi komst til Svíþjóðar, en
ég hef verið hér eiginlega síðan, rétt fyrir utan Stavanger.
Ég er giftur og á 3 dætur, kött og hús. Ég hef unnið
við sitthvað. Var í fleiri ár við afleysingaþjónustu fyrir
bændur, samtímis annarri vinnu. Vann í gluggaverksmiðju,
sem húsasmiður og múrari. Var við störf í verksmiðju
sem framleiddi sumarbústaði sem sendi um 20 bústaði
til Íslands, eftir skjálftana árið 2000. Í 7 ár vann ég í
Fjölskyldan mín: Siv (43), Miriam (28), Tuva (17), Benedikte (20) og þá ég (49).
Í Reykholtsskóla 1980.
Coop (kaupfélaginu) og endaði svo í
verksmiðju sem býr til steypueiningar,
þar sem ég tók skóla og meistarabréf.