Litli Bergþór - maí 2019, Blaðsíða 10

10 Litli-Bergþór
Fréttir úr skólanum
Bláskógaskóli Reykholti
Í samfélagi skólans þarf að takast á við ýmiskonar
verkefni, þau eru misskemmtileg og miserfið, en
við erum mjög stolt af því faglega starfi sem hér fer
fram. Við mætum góðu andrúmslofti og glaðlegum
börnum alla daga. Samstarf við foreldra er til
fyrirmyndar og einhugur um að stefna að sama
marki, að stuðla að alhliða þroska allra nemenda
og þátttöku þeirra í lýðræðisþjóðfélagi sem er í
sífelldri þróun. Fyrir það ber að þakka. Skóli er
flókið samfélag og mikilvægt að við stöndum öll
saman að velferð hans.
Við Hreinn störfum eftir hugmyndafræði
lærdómssamfélagsins. Hún hverfist um þá sýn
að sameinuð og jöfn séum við sterkari og hæfari
en hvert í sínu lagi, til þess að skapa umhverfi
sem eykur námsárangur nemenda. Breytingar á
stofnunum sem eru íhaldssamar í eðli sínu, líkt og
skólar, taka langan tíma og gerast hvergi án átaka.
Opinskáar umræður og hreinskiptin samskipti
eru kjölfestan í starfi að breytingum. Gagnrýni á
skoðanir er ekki gagnrýni á persónu viðkomandi
eða frammistöðu. Enginn er góður í öllu – allir
eru góðir í einhverju.
Ýmislegt hefur drifið á dagana þessa önn. Við
tók um þátt í Verksmiðjunni sem er nýsköpunar-
keppni ungs fólks í 8.-10. bekk. Við getum
stolt sagt frá því að þar eigum við einn fulltrúa
frá skól anum, Matthías Jens Ármann, sem er
kominn í topp 10 úrslitin. Agla Snorradóttir sá
um kennsl una hér í skólanum og svo höfum við
fengið aðstoð frá FabLab á Selfossi. Það var val
nemenda að taka þátt, en þátttakan var mjög góð
og skemmti legar hugmyndir voru sendar inn í
keppn ina. Þetta er í fyrsta sinn sem slík keppni er
haldin fyrir nemendur á unglingastigi og munum
við klárlega halda áfram að taka þátt ef framhald
verður.
Þemadagar voru haldnir 25. – 29. mars.
Þemað að þessu sinni var „samfélagið í gamla
daga“. Við skiptum öllum skólanum upp í þrjá
aldursblandaða hópa, hver hópur vann verkefni
út frá samfélaginu á sínum tíma. Tímabilin sem
unnið var út frá voru:
● 1920-1940
● 1950-1970
● 1980-2000
Starfsfólk á öskudegi. Aftari röð f.v.: Kathrina Andersen,
Auður Ólafsdóttir, Áslaug Alda Þórarinsdóttir og Ásta Rún Jónsdóttir.
Fremri röð f.v.: Lára Bergljót Jónsdóttir, Freydís Örylgsdóttir, Arite Fricke,
Hekla Hrönn Pálsdóttir og Anna Maria Marcinkowska.
Verðlaun fyrir búninga á öskudag:
1. Katla Helgadóttir,
2. Anton Valur Karlsson og María Valgerður Karlsdóttir,
3. Tómas Ingi Ármann.