Víkurfréttir - 19.12.2019, Blaðsíða 22

Eva Rut Vilhjálmsdóttir býr í Garðinum og er með risastórt
Víðishjarta. Hún er stuðningsmaður Víðis númer eitt. Eva er
starfsmaður í Íþróttamiðstöðinni í Garði, knattspyrnuþjálf-
ari og þar að auki gjaldkeri Knattspyrnufélagsins Víðis.
Aðventan í mínum huga …
er dásamlegur tími þrátt fyrir
dimma daga, þá lýsa jólaljósin
upp bæinn sem gefur manni
gleði í hjarta. Samverustundir
með fjölskyldunni og vinum er
ómetanlegar og þær allra bestu.
Kósý spilakvöld, bakstur með
börnunum en hún Heba Lind
mín er einstaklega iðinn við jóla-
baksturinn, Reykjavíkurferð með
vinkonunum, tónleikar, hangi-
kjöts- og skötuveisla Víðis ásamt
undirbúningi Þorrablóts Suður-
nesjamanna einkennir dáldið að-
ventuna hjá mér, annars reynum
við að hafa hana eins afslappaða og
hægt er (haha).
Ég skreyti … hóflega mikið en
byrja yfirleitt um miðjan nóvember
að setja ljós í gluggana til að lýsa
upp skammdegið, kveikja á kertum
og dreifa fallegu jólaskrauti víða
um heimilið.
Jólahlaðborðið … klikkaði í ár en
við höfum síðustu 11 ár farið á jóla-
hlaðborð víðsvegar um landið.
Grænar baunir eru … ofmetnar,
borða þær sennilega bara með
hangikjötinu á jólunum.
Laufabrauð … með smjöri er
ómissandi með hangikjötinu.
Jólaskraut fer á húsið mitt … í
byrjun desember eða í kringum
fyrsta í aðventu.
Jólatréð skreytum við … börnin
viku fyrir jól eða í kringum 20.
desember.
Jólastemmningin … eru kósý
stundir í faðmi fjölskyldunnar,
skemmtilegar hefðir, góður matur
og gleði barnanna.
Hangikjötið er … möst um jólin og
í algjöru uppáhaldi hjá Jóni Grétari
syni mínum.
Malt og appelsín … er allt of gott.
Jólasveinarnir eru … frábærir og
gleðja unga sem aldna. Stúfur er þó
minn uppáhalds.
Ég kaupi alltaf jólagjöfina …
handa Gumma mínum á Þorláks-
messu nema í ár þá hef ég fjárfest í
Krónukorti og samlokugrilli handa
honum.
Á Þorláksmessu fer ég … með
systkinum mínum, börnum,
mökum, vinum og ættingjum í
íþróttahúsið i Garði og þar hefjum
við daginn. Við leikum við börnin
og tökumst á í ýmsum kapp-
leikjum. Þetta er ein uppáhalds
hefðin mín og finnst mér ómiss-
andi hluti af jólaundirbúningnum.
Hópurinn er alltaf að stækka og
mig minnir að fjöldinn hafi verið
um það bil 50 í fyrra. Þessi hefð
byrjaði fyrir um það bil 10 árum
en þá þurftum við að rýma Akur-
húsin fyrir fjölda barna fyrir
árlega skötuveislu sem mamma
og pabbi héldu fyrir ættingja og
vini. Þá fórum við með öll börnin
í góða hreyfingu og síðan beint
í gómsæta skötuna. Á seinni
árum höfum við haldið okkur við
hreyfinguna og stækkað hópinn
enn meir.
Aðfangadagur er … fallegur
dagur þar sem við byrjum daginn
á að fara í kirkjugarðinn og kíkja
á leiðin hjá látnum ástvinum,
skutlumst með pakkana og síðustu
kortin í hús. Eftir það er bara ró-
legheit og biðin eftir að klukkan
slái 18:00. Við fáum tengdaforeldra
mína í mat og eigum notalega
kvöldstund.
Um áramótin ætla ég … að vera
heima í fyrsta skiptið í langan
tíma en nú fæ ég þann heiður að
fá stórfjölskylduna mína og ætt-
ingja til okkar. Það hentar vel að
búa við hliðina á flottustu brennu
Suðurnesja. Við höfum verið hjá
Brynju systur og fjölskyldu fram að
þessu en nú tökum við við keflinu,
njótum samverunnar, borðum
kalkún, förum á brennuna, horfum
á skaupið og endum á góðu spili.
Gleðileg jól,
farsælt nýtt ár.
Þökkum viðskiptin!
Jóngeir H. Hlinason er deildarstjóri hjá Vinnumálastofnun,
býr í Vogum og er bæjarfulltrúi í Sveitarfélaginu Vogum.
Aðventan er í mínum huga
... tími anna, en á sama tíma
er það tímabil ljóss og ljósa-
skreytinga í skammdeginu.
Ég skreyti ... með hefð-
bundum jólaskreytingum sem
við höfum átt í mörg ár, ásamt
eiginkonu og sonum.
Jólahlaðborðið ... er grafinn
lax í forrétt og lambahryggur
og lambalæri með öllu meðlæti
í aðalrétt.
Grænar baunir eru ... nauðsyn-
legar á jólaborðið.
Laufabrauð ... gerum við með
systur minni og fjölskyldum
okkar.
Jólaskraut fer utan á húsið mitt
... helst fyrsta í aðventu ef þess er
nokkur kostur.
Jólatréð skreytum við ... um
miðjan desember þegar við höfum
góðan tíma í það.
Jólastemmningin ... er yndisleg.
Hangikjöt er ... haft á jóladag hjá
okkur.
Malt og Appelsín eru ... nauðsyn-
leg að hafa með jólamatnum.
Jólasveinarnir eru ... hjá jólahús-
inu sem við setjum upp á heimili
okkar á hverjum jólum.
Á Þorláksmessu fer ég ... stundum
í skötuveislu en oftast förum við í
kvöldkaffi til vinafólks.
Aðfangadagur er ... haldinn með
eiginkonu og sonum okkar.
Um áramótin ætla ég ... að vera
heima hjá mér að vanda með fjöl-
skyldu minni og afkomendum,
borða gott, horfa á skaupið og etv.
skjóta upp smávegis.
Grænar baunir eru ...
nauðsynlegar á jólaborðið
Aðventan í mínum huga ...
er dásamlegur tími þrátt fyrir dimma daga
Enginn vinningur?
Þú átt enn möguleika! Skilaðu miðanum
í kassa í næstu Nettó-verslun á Suðurnesjum.
Næsti útdráttur er á Þorláksmessu kl. 18:00.
Skafmiðaleikur Víku
rfrétta og verslana á
SuðurnesjumJólalukka
Áramótablaði Víkurfrétta verður dreift um öll Suðurnes
föstudaginn 27. og mánudaginn 30. desember.
HÖ
NN
UN
: V
ÍK
UR
FR
ÉT
TIR
Gjafavöru- og blómabúð
Tjarnargötu 3 - Sími 421-3855
Georg Jensen og Rosendahl gjafavörur - Kerti og úrval af smávöru
GJAFAVÖRUR MEÐ30%AFSLÆTTI
PÚÐAR 30-50% AFSLÁTTUR
VALDAR
22 FRÉTTIR Á SUÐURNESJUM f immtudagur 19. desember 2019 // 48. tbl. // 40. árg.