Víkurfréttir - 19.12.2019, Blaðsíða 27

Sendum viðskiptavinum okkar
og Suðurnesjamönnum öllum bestu óskir um
gleðilega jólahátíð
og farsæld á komandi ári!
Þökkum ykkur viðskiptin
á árinu sem er að líða!
Hótel
Grásteinn ehf
ehf.
Trésmiðja - Verktakar
Kt: 621071-0689
Tannlæknastofan
Tjarnargötu 2
Borg
Gistiheimili
ÞJÓNUSTUVERKSTÆÐI
„Þið eruð orðnir stórir strákar,“ sagði Konráð Lúðvíksson, fyrrverandi
kvensjúkdómalæknir á Heilbrigðisstofnun Suðurnesja þegar hann hitti
tvíburana Val Þór og Aron Örn Hákonarsyni en Konráð tók á móti þeim
þegar þeir komu í heiminn í janúar 2004.
Tilefni hittings Konráðs og tvíbur-
anna var mynd af Konráð í aðal við-
tali jólablaðs Víkurfrétta í síðustu
viku. Á stórri mynd sem Jóhannes Kr.
Kristjánsson, blaðamaður Víkurfrétta
tók, sem fylgdi viðtalinu, hélt Konráð
stoltur á öðrum tvíburanum en þá var
sá fyrri kominn í heiminn. Sá seinni
sem fékk nafnið Valur Þór er á þessari
mögnuðu mynd þar sem læknirinn
heldur á honum alblóðugum.
Mamma drengjanna, Margrét Arn-
björg Valsdóttir er sjálf eineggja tví-
buri en strákarnir hennar eru tvíeggja
og vægast sagt ekki mjög líkir. Mar-
grét hlær þegar hún rifjar upp þessi
stóru tímamót þegar þeir fæddust
en þeir voru báðir tíu og hálf mörk.
„Það eru sumir sem halda að þeir séu
ekki bræður, hvað þá tvíburar. Þeir
héldust í hendur með stærð fram
eftir aldrei en nú hefur Valur tekið
meiri vaxtarkipp,“ segir hún og svarar
aðspurð að meðgangan hafi gengið
vel en ákveðið hafi verið að taka þá
með keisaraskurði vegna þröngrar
mjaðmagrindar. „Uppeldið gekk
vel. Þeir voru heilsuhraustir og mér
fannst þetta einhvern veginn ekkert
mál. Ég er sjálf tvíburi og kannski
hefur það eitthvað haft að segja.“
Konráð segir að tvíeggja tvíburar eigi
oft tvíbura en sjaldgæfara sé að ein-
eggja eigi tvíeggja eins og í þessu til-
felli. Konráð var ánægður með þessa
hugmynd að fá að hitta tvíburana og
hann spurði þá aðeins út í gang mála
og spjallaði við þá. Þeir eru báðir fót-
boltastrákar og leika með Keflavík í
3. flokki en þeir verða 16 ára í janúar
2020. Aron er varnarmaður en Valur
er í framlínu og á kantinum og lék
sinn fyrsta leik með meistaraflokki
í síðustu viku.
Á þessum árum þegar þessir flottu
peyjar komu í heiminn var starf-
rækt skurðstofa á Heilbrigðisstofnun
Suðurnesja. Nú er öldin önnur og
Konráð er líka hættur störfum vegna
aldurs. En hugur hans er hjá HSS
eins og lesa má í skemmtilegu viðtali
í jólablaði Víkurfrétta sem kom út í
síðustu viku.
Konráð starfaði í þrjá áratugi hjá HSS
og aðspurður segir hann eftir stutta
umhugsun að hann hafi komið nálægt
fæðingu um fimm þúsund barna.
En hvað mörgum tvíburum spyrjum
við? „Ætli ég hafi ekki tekið á móti
um tuttugu tvíburum. Það var mjög
skemmtilegt,“ segir kvensjúkdóma-
læknirinn fyrrverandi.
Óvæntur hittingur á heilbrigðisstofnun
Konráð læknir hitti fimmtán ára tvíbura sem hann tók á móti í janúar 2004.
Konráð með Val í höndunum í janúar 2004.
Konráð sýnir mömmunni og sonunum
lítinn dúkku-dreng svipaðan að stærð og
þeir voru við fæðingu.
Aron Örn t.v., Konráð og Valur Þór á fæðingarstofu á HSS í desember 2019.
VF-texti og myndir/pket.
27FRÉTTIR Á SUÐURNESJUM f immtudagur 19. desember 2019 // 48. tbl. // 40. árg.