Víkurfréttir - 19.12.2019, Síða 33

Við óskum nemendum, viðskiptavinum og
starfsfólki gleðilegra jóla og farsældar á nýju ári.
#Keilir
Birgir Þórarinsson
Ekki mikið fyrir jólaskrautið
Jólamyndin sem kemur þér i jóla-
skap? Alveg ómissandi er að horfa
á Christmas Vacation með Chevy
Chase. Fastur liður hjá fjölskyldunni
með poppi og jólaöli. Annars voru
það jólatónleikar Hvítasunnu-
kirkjunnar, Fíladelfíu sem komu
manni svo sannarlega í jólaskapið.
Síðan ákvað RÚV að hætta að sýna
frá tónleikunum og eru það mikil
vonbrigði. Mér skilst að dagskrár-
deildinni hafi ekki líkað efnisskráin,
hún hafi verið of kristileg og fyrir
það þurfum við að gjalda. Það er
þetta með þennan háværa minni-
hluta sem öllu vill ráða. Við breytum
þessu þegar staður og stund kemur.
Sendir þú jólakort eða hefur Fa-
cebook tekið yfir? Jólakortunum
fer stöðugt fækkandi því miður. Það
var ómissandi þáttur á jólahátíðinni
að setjast niður í rólegheitum og
opna jólakortin frá vinum og vanda-
mönnum. Ég sendi þó enn fáein. Allt
er orðið meira og minna rafrænt.
Þetta er tíðarandinn, hann verður
sífellt ópersónulegri.
Ertu vanafastur um jólin, er eitt-
hvað sem þú gerir alltaf fyrir
jólin? Ég fer ávallt í kirkju á aðfanga-
dag, þó ekki alltaf í sömu kirkjuna. Ég
fer auk þess í kirkjugarðinn á jóladag
og vitja leiða ættingja og vina.
Eftirminnilegasta jólagjöfin
sem þú hefur fengið? Jólagjafir
í bernsku eru þær sem eru eftir-
minnilegastar, sjálfsagt vegna þess
að tilhlökkunin til jóla var svo mikil
á þeim árum. Ég minnist þess sér-
staklega þegar ég fékk rauða bygg-
ingakranann frá foreldrum mínum.
Hann var rafdrifinn og keyptur í
Þýskalandi af frænda mínum, sem
starfaði þá á millilandaskipi. Ég var
að sjálfsögðu öfundaður af vinum
mínum vegna þess að svona flottur
krani hafði ekki sést hér á landi. Ég
á kranann enn þann dag í dag og er
hann í góðu standi. Sá samskonar
grip á ebay og er hann greinilega
orðinn safngripur.
Er eitthvað eftirminnilegt í
huga þér frá yngri árum þínum
á jólum? Það er tvímælalaust
ameríska jólaserían á jólatrénu sem
vinkona mömmu keypti í Banda-
ríkjunum, en hún bjó í New York-
fylki. Perurnar voru ílangar eins
og grýlukerti. Inni í þeim var vökvi,
ýmist blár, grænn, gulur eða rauður.
Þegar perurnar höfðu síðan hitnað
mynduðust loftbólur. Ég var heill-
aður af þessum perum og gat setið
tímunum saman og horft á þær.
Hvað er í matinn á aðfangadag?
Það er hinn klassíski hamborgar-
hryggur.
Hvenær finnst þér jólin vera
komin? Tvímælalaust klukkan sex
þegar kirkjuklukkurnar tvær í Dóm-
kirkjunni hringja inn jólin, á Rás 1 í
útvarpinu.
Hefur þú verið eða gætirðu
hugsað þér að vera erlendis um
jólin? Ég hef haldið jól í Banda-
ríkjunum þegar ég var þar við nám.
Einnig hef ég haldið jól í Jerúsalem
þegar ég starfaði þar fyrir Sam-
einuðu þjóðirnar og fór þá á að-
fangadag í messu í Betlehem, sem
var upplifun.
Átt þú uppáhaldsjólaskraut? Ég
er ekki mikið fyrir jólaskrautið og
sér frúin yfirleitt um þau mál. Mitt
verkefni er að setja upp ljóskastara
utandyra, sem lýsa upp húsið.
Annað jólaskraut þýðir ekki að nota
á Vatnsleysuströndinni, að fenginni
reynslu fýkur það á haf út.
Hvernig verð þú jóladegi? Ég fer í
kirkjugarðinn og messu. Síðan tekur
við hefðbundið jólaboð með stórfjöl-
skyldunni. Borðum saman hangilæri
og spilum á spil fram eftir kvöldi.
Birgir að sinna áhugamálinu
– grjóthleðslu í Knarrarnesinu.
Starfsemi Heilsuleikskólans
Suðurvalla er í hæsta gæðaflokki
Á haustmánuðum fór fram svokallað ytra mat á starfsemi Heilsuleikskólans
Suðurvalla í Vogum. Sótt var um matið til Mennta- og menningarmála-
ráðuneytisins, eins og reyndar hefur verið gert nokkur undanfarin ár en
framkvæmd matsins er á hendi Menntamálastofnunar.
Nokkrir meginþættir
eru metnir, þ.e.
stjórnun, uppeldis-
og menntastarf, leik-
skólabragur, foreldra-
samstarf og innra
mat. Undir hverjum
matsflokki eru á bil-
inu tveir til sex mats-
þættir, samtals 21 matsþættir. Gefin
er einkunn í hverjum þætti, og fær
hver þáttur lit eftir því hversu góð
niðurstaðan er. Hæsta einkunn gefur
dökkgrænan lit, því næst kemur ljós-
grænn, þá gulur og loks rauður.
Skilgreining á dökkgrænum lit er
„flestir eða allir þættir sterkir, mjög
gott verklag sem samræmist fyllilega
lýsingu um gæðastarf“. Skilgreining
á ljósgrænum matsþætti er „fleiri
styrkleikar en veikleikar, gott verklag,
flestir þættir í samræmi við lýsingu
á gæðastarfi.“
„Til að gera langa sögu stutta þá var
niðurstaðan í mati leikskólans okkar
sú að nítján þættir fá hæstu einkunn
(dökkgræna) og tveir þættir næst-
hæstu einkunn (ljósgræna). Enginn
matsþáttur fær gula
né rauða einkunn,“
segir í pistli sem Ás-
geir Eiríksson, bæjar-
stjóri í Vogum, ritaði
um árangurinn.
Kynning á niðurstöð-
unum fyrir starfsfólk
leikskólans, fræðslu-
nefnd og bæjarstjórn fór fram á dög-
unum. Í máli matsaðila kom fram að
niðurstaðan væri einkar glæsileg og í
raun án fordæma. Það heyri nánast til
undantekninga að niðurstaða mats sé
á þann veg að enginn reitur í matinu
sé hvorki gulur né rauður, hvað þá að
nær allir séu með hæstu einkunn.
„Ég vil nota tækifærið og óska öllu
starfsfólki leikskólans til hamingju
með þennan frábæra árangur, sem
færir okkur heim sanninn um það
svo ekki verður um villst að starf-
semi Heilsuleikskólans Suðurvalla
er í hæsta gæðaflokki og með því
besta sem þekkist á landinu. Frábær
árangur og góður vitnisburður. Til
hamingju öll,“ skrifar Ásgeir bæjar-
stjóri.
33FRÉTTIR Á SUÐURNESJUM f immtudagur 19. desember 2019 // 48. tbl. // 40. árg.