Fréttablaðið - 10.01.2008, Blaðsíða 4
„Það er léleg stemning á
hlutabréfamarkaðnum og kaup-
hliðin lítil,“ segir Edda Rós Karls-
dóttir, forstöðumaður greiningar-
deildar Landsbankans, um mikla
lækkun á íslenskum hlutabréfa-
markaði það sem af er árs.
Vísitalan féll um 3,26 prósent í
gær og nemur árslækkunin 13,44
prósentum á þeim fimm viðskipta-
dögum sem af eru á árinu. Vísital-
an endaði í gær í 5.469 stigum og
hefur ekki verið lægri síðan um
miðjan ágúst í hittifyrra. Þetta var
í samræmi við lækkun á alþjóðleg-
um hlutabréfamörkuðum þótt þró-
unin hafi verið meiri hér en víða.
Ástæðan er sú að vægi fjármála-
fyrirtækja í Úrvalsvísitölunni er
talsvert meira en í öðrum löndum.
Hlutabréfamarkaðir víða um
heim hafa lækkað frá miðju síð-
asta ári eftir að vanskil jukust á
fasteignalánamarkaði í Bandaríkj-
unum. Í kjölfarið hefur álag á láns-
fé farið í hæstu hæðir og gert
skuldsetningu þunga í vöfum. Í
ofanálag hefur ótti við samdráttar-
skeið í bandarísku efnahagslífi og
vísbendingar um að farið sé að
hægja á vexti í Evrópu stýrt mark-
aðnum beggja vegna Atlantsála.
Fjármálasérfræðingar bæði hér
og erlendis telja líkur á að seðla-
bankar víða um heim muni bregð-
ast við ástandinu með lækkun
stýrivaxta fyrr en reiknað var
með.
„Menn eru hræddir við ytra
umhverfi og ástandið [á hluta-
bréfamörkuðum] lagast ekki fyrr
en fjárfestar fá sjálfstraust
aftur,“ bætir Edda Rós við og
leggur áherslu á að lítið þurfi til
að hreyfa við markaðnum, orðr-
ómur um slæma lausafjárstöðu
einstakra fjárfestingafélaga
nægi. Edda sagði óhægt um vik
að spá fyrir um hvenær lækkana-
ferlinu verði náð en taldi líkur á
að það muni gerast þegar jákvæð-
ar fréttir berist, hvort heldur sem
það verði af erlendum eða inn-
lendum markaði.
Ásgeir Jónsson, forstöðumaður
greiningardeildar Kaupþings,
tekur undir með Eddu en bendir á
að lausafjárþurrðin hafi valdið því
að fjárfestar hafi leitað í tryggari
fjárfestingar á borð við skulda-
bréf. Markaður með slík bréf
hefur verið líflegur upp á síðkastið
sló veltumet í gær, þriðja daginn í
röð.
Dansk-grænlenska
nefndin, sem í þrjú ár hefur unnið
að gerð nýrra heimastjórnarlaga,
getur nú hafið
störf á ný eftir
að hlé varð á
þeim vegna
dönsku
þingkosning-
anna í nóvem-
ber.
Anders Fogh
Rasmussen,
forsætisráð-
herra Dan-
merkur, upplýsti á þriðjudag að
hann hefði ákveðið að skipta
aðeins um einn dönsku fulltrú-
anna í nefndinni, jafnvel þótt
sumir þeirra væru nú hættir á
þingi. Þeir fá nú tækifæri til að
ljúka verkinu, sem var alveg að
lokum komið í haust. Eini nýi
fulltrúinn er Kim Andersen úr
Venstre, sem tekur við af Birthe
Rønn Hornbech sem er orðin
ráðherra.
Nefnd hefur
aftur störf
Vond stemning og
sjálfstraustið lítið
Úrvalsvísitalan hefur fallið alla daga ársins og hefur ekki verið lægri síðan í
ágúst í hittifyrra. Greiningardeildir banka segja markaðinn afar viðkvæman.
„Þetta er kuldaleg byrj-
un á árinu,“ segir Þórður Friðjóns-
son, forstjóri íslensku Kauphallar-
innar, um mikla lækkun á gengi
hlutabréfa að undanförnu.
„Ég man ekki eftir því að hafa
séð svona mikla lækkun í upphafi
árs, að minnsta kosti ekki frá því
ég kom til Kauphallarinnar árið
2002. En þótt það sé einna mest
lækkun hjá okkur þá verður jafn-
framt að hafa í huga að hlutabréfa-
markaðir eiga víðast hvar í heim-
inum undir högg að sækja um
þessar mundir,“ segir Þórður og
minnir á að hlutabréfavísitalan á
Íslandi hafi á síðustu fimm árum
eða svo hækkað langt um meira en
sambærilegar vísitölur í Banda-
ríkjunum og Evrópu.
Þórður segir aðstæður á mark-
aði nú vera þannig að búast megi
við stimpingum þar til sér fyrir
endann á þeim hremmingum sem
séu á alþjóðlegum fjármálamörk-
uðum.
„Það glittir ábyggilega í betri
tíð við sjónarrönd en það er ekki
gott að segja hvar sjónarröndin
er,“ segir forstjórinn og rifjar upp
að gengi hlutabréfa í Kauphöllinni
hafi áður lækkað hratt.
„Síðasta lækkunarhrina var í
febrúar og mars 2006. Markaður-
inn jafnaði sig þá tiltölulega fljótt
og undir lok árs var hann að fullu
búinn að rétta úr sér og gott betur,“
segir Þórður Friðjónsson.
Kuldalegt en glittir í betri tíð
jan feb. mars apríl maí júní júlí ágúst sept. okt. nóv. des. jan.
2007 2008
Ú R V A L S V Í S I T A L A N
9.000
8.000
7.000
6.000
0
Ári eftir að
ísbjarnarhúnninn Knútur, sem
síðar varð heimsfrægur, var
fjarlægður frá áhugalausri
móður sinni í dýragarðinum í
Berlín í Þýskalandi og uppeldið
færðist í hendur dýragarðsvarð-
ar virðist sagan vera að endur-
taka sig.
Í dýragarðinum í Nuremberg í
Þýskalandi ákváðu stjórnendur á
þriðjudag að fjarlægja mánaðar-
gamlan ísbjarnarhún frá móður
sinni Veru vegna ótta um að hún
kynni að borða hann eftir að hún
sást bera hann um í skoltinum.
Annar ísbjörn, Vilma, fæddi
húna í dýragarðinum um leið og
Vera en talið er að hún hafi
drepið þá og borðað vegna þess
að þeir voru veikir.
Húnn tekinn
frá móður sinni
Einingaverksmiðjan
Borg, sem Kópavogsbær hefur
kært til lögreglu fyrir að reka
steypistöð í óleyfi á Kársnesi,
óskar nú eftir því við bæjaryfir-
völd að fá leyfi til rekstrarins.
Borg hefur haft leyfi til að reka
einingaverksmiðju en ágreiningur
er um hvort það leyfi nái einnig til
að framleiða og selja steypu.
Nágrannar hafa kvartað undan
steypistöðinni og bæjaryfirvöld
segja Borg hafa unnið skemmdar-
verk á eigum bæjarins utan við
lóðina í Kársnesi. Afgreiðslu
leyfisumsóknarinnar var frestað á
síðasta fundi byggingarnefndar.
Sækir um leyfi
fyrir steypistöð