Fréttablaðið - 10.01.2008, Blaðsíða 58
34 10. janúar 2008 FIMMTUDAGUR
menning@frettabladid.is
Á dagskrá Rásar 1 í kvöld kl. 22.15 er
athyglisverður þáttur sem kallast „Hver
vegur að heiman...“ Í þættinum ræðir
dagskrárgerðarkonan Lísa Pálsdóttir við
Ólaf Halldórsson, mann sem hefur marga
fjöruna sopið en kúventi fyrir nokkrum
árum lífi sínu á óvæntan hátt. „Ég hef
þekkt Ólaf í mörg ár og hef áður tekið við
hann útvarpsviðtöl, enda er hann mjög
áhugaverður viðmælandi þar sem hann
hefur lifað heldur óvenjulegu lífi. Hann
hefur alla tíð ferðast mikið og gengið milli
staða með pokann á bakinu, sest að þar
sem honum sýndist og tekið eins langan
tíma til ferðanna og hentaði honum. Hann
byrjaði á rápinu á unglingsaldri, en á milli
ferðalaganna hefur hann skrapað botninn,
lent í mikilli neyslu og jafnvel fangelsi,
en alltaf einhvern veginn haldið höfði og
verið laus við þá siðspillingu sem oft er
fylgifiskur neyslunnar. Fyrir nokkrum árum
tók hann múslímska trú, hætti neyslunni,
og einsetti sér að verða góður múslími.
Fyrir rúmu ári kvæntist hann pakistanskri
ekkju, sem á einn son, án þess að hafa
nokkru sinni hitt hana. Hann hafði aðeins
talað við hana lítillega í síma þegar hann
kvæntist henni, en fjölskyldan er nú búsett
hér á Íslandi.“
Þáttur Lísu er svokallaður fléttuþáttur,
en þeir eru tiltölulega fáheyrðir í útvarpi
hér á landi. „Fléttuþættir eru afar tímafrekir
í vinnslu. Safna þarf gríðarlega miklu efni;
ég tók upp sjö eða átta tíma af viðtalsefni
fyrir þennan þátt. Síðan tekur við stúdíó-
vinnan þar sem efnið er klippt til og sett
saman. Vinnan er þó vel þess virði þar sem
þessir þættir geta kafað djúpt í viðfangs-
efni sín, en vegna mann- og peningaeklu
er ekki framleitt mikið af svona þáttum
fyrir íslenskt útvarp,“ segir Lísa.
- vþ
Tvær listakonur opna í dag sýn-
ingu í Start Art á Laugaveginum í
Reykjavík: Listakonan Sigrid Valt-
ingojer opnar sýningu í dag í gall-
eríinu Start Art á Laugavegi 12 b í
Reykjavík sem hún kallar Ferð án
endurkomu. Á sýningunni eru ny
verk, myndir úr röðinni Ferð án
endurkomu sem eru grafíkmyndir,
auk teikninga og verka með bland-
aðri tækni. Textar úr dagbók lista-
konunnar frá ferð hennar suður til
Palestínu eru einnig frammi við
verkin sem endurspegla þá reynslu.
Sigrid hefur verið búsett hér á
landi í áratugi og nýtur mikils álits
fyrir verk sem og tækni. Hún hefur
sýnt margsinnis, bæði á einka- og
samsýningum. Á loftinu sýnir Elín
Helena Evertsdóttir hljóðverk sitt
„pong“ en þetta er fyrsta einkasýn-
ing Elínar Helenu á Íslandi eftir að
hún lauk mastersnámi frá The
Glasgow School of Art. Opnunar-
tími þeirra í Start Art lætur nærri
annamesta tímanum á Laugavegin-
um: þar er lokað á mánudögum en
alla aðra daga er opið frá kl. 13 til
17 og er aðgangur ókeypis og öllum
velkominn. - pbb
Sýningar í Start Art
LÍSA PÁLSDÓTTIR Gerði þátt um Ólaf Halldórsson
heimshornaflakkara.
Heimshornaflakkari segir frá
JAÐARLANDIÐ ÍSLAND Sýning Steingríms Eyfjörð var framlag Íslands til Feneyjatvíær-
ingsins í fyrra.
Sýning Steingríms Eyfjörð,
Lóan er komin, sem var
framlag Íslands til Feneyja-
tvíæringsins í fyrra, verður
opnuð í Hafnarhúsinu í dag
kl. 17. Sýningin vakti mikla
athygli ytra og var af sum-
um talin meðal hápunkta
Tvíæringsins. Í kjölfar
hennar var Steingrími
boðinn samningur við virt
gallerí í New York þar sem
hann verður með sýningu í
vor.
Innsetningin í Hafnarhúsinu sam-
anstendur af þrettán sjálfstæðum
verkum; ljósmyndum, skúlpt-
úrum, textum, teikningum, mynd-
böndum og öðrum miðlum. Í henni
er fléttað saman ólíkum þráðum
úr íslenskri sögu og samtímanum,
með tilvísun í vestræna heims-
mynd og alþjóðavæðingu.
„Ég var meðvitaður um að ég
væri að setja saman sýningu sem
yrði sýnd í alþjóðlegu samhengi.
Á Feneyjartvíæringnum eru þjóð-
irnar ekki aðeins að sýna mynd-
list heldur eru þær hreinlega að
sýna sig. Stóru þjóðirnar eru þess
vegna mest áberandi þarna og fá
mesta athygli; þjóðir eins og
Bandaríkjamenn, Þjóðverjar,
Frakkar og Bretar. Ísland er á
mörkum hins vestræna heims og
þess að vera hálfgerð jaðarþjóð
og ég upplifði það að verkin sem
ég var að sýna þarna flokkuðust
frekar til verka jaðarþjóðanna
fremur en verka þessara stóru
nýlenduherra,“ segir Steingrímur
um sýningu sína.
Þar sem sýningin hverfist að
miklu leyti um íslenska menning-
ararfleið mætti ætla að ólíkt sé að
setja hana upp fyrir alþjóðlegan
áhorfendahóp á tvíæringnum ann-
ars vegar og Reykvíkinga hins
vegar. Steingrímur segir þó svo
ekki vera. „Við megum ekki gleyma
því að í Reykjavík býr stór hópur
nýrra Íslendinga sem munu upp-
lifa sýninguna frá enn einum vinkl-
inum. Það var kannski hægt að tala
um Íslendinga sem einhverja fasta
stærð fyrir tuttugu árum síðan en
það er ekki hægt lengur, fjölbreytn-
in í þjóðfélaginu hefur aukist gríð-
arlega. Afturámóti er sýningar-
rýmið hér frábrugðið skálanum í
Feneyjum og því liggur helsti mun-
urinn á uppsetningunum tveimur
líklega í því.“
Titill sýningarinnar vísar í
komu vorboðans ljúfa sem á sér
varanlegan sess í hjörtum flestra
landsmanna. „Titillinn kemur frá
þessari frétt sem hefur birst í
Morgunblaðinu einu sinni á ári
síðan 1913. Þar er sagt frá því að
lóan sé komin og tilgreint hver sá
hana og hvar og hvort hún er
snemma eða seint á ferð það árið
og hvað það þýði fyrir veðurfar-
ið. Þessi siður á sér náttúrlega
rætur lengra í fortíðinni og hefur
eflaust verið í gangi frá því á
landnámstíð. Á liðnum öldum las
fólk meira í náttúruna heldur en
tíðkast núna og er þessi árlega
frétt um komu lóunnar einn af
fáum siðum frá þeim tíma sem
lifa enn með okkur. Koma lóunn-
ar er því vísun í samband þjóðar-
innar við náttúru landsins,“ segir
Steingrímur.
Samhliða opnun á sýningu Stein-
gríms Eyfjörð verður opnuð sjö-
unda innsetningin í D-sal Hafnar-
hússins. Í þetta skipti er það
Ingirafn Steinarsson sem sýnir.
Sýningarnar standa báðar til 2.
mars næstkomandi, og má geta
þess að Listasafn Reykjavíkur í
Hafnarhúsinu hefur nú opið til 22
á fimmtudagskvöldum, gestum
sínum til hægðarauka.
vigdis@frettabladid.is
Þjóðin, náttúran og jaðarinn
Kl. 23.10
Sjónvarpið endursýnir í kvöld fyrsta
þáttinn í bresku þáttaröðinni Gatan,
en hún hlaut alþjóðlegu Emmy-
verðlaunin á dögunum. Höfundur
þáttanna er Jimmy McGovern, en
hann á að baki vandaða þætti á borð
við Cracker og The Lakes.
Ásgerði Júníusdóttur söngkonu er boðið að koma fram á óperuhátíðinni
Die Lange Nacht der Oper í Volksbuhne-leikhúsinu í Berlín hinn 26.
janúar næstkomandi. Er verkefninu ætlað að vekja spurningar um
óperulistina og höfðu þeir á Volksbuhne haft spurnir af starfi og
hugmyndum Ásgerðar á þessu sviði og henni boðið að setja saman
dagskrá til flutnings þar. Dagskráin nefnist Opera/Electronica og verða
þar flutt verk eftir Magnús Blöndal Jóhannsson, Ragnhildi Gísladóttur
og Ghostigital en í miðpunkti verður óperuinnsetningin Hanaegg eftir
Ólöfu Nordal og Þuríði Jónsdóttur. Ásgerður vinnur um þessar mundir
að samningu nýrrar óperu ásamt Ólöfu Nordal, Þuríði Jónsdóttur,
Guðrúnu Evu Mínervudóttur og Kristínu Jóhannesdóttur. - pbb
Ásgerður í Berlín
MYNDLIST Eitt verka Sigrid frá ferð
hennar til Palestínu.
Námskeið fyrir byrjendur og lengra komna.
Frönskunámskeið
hefjast 21. janúar
Innritun 7.-18. janúar
Tryggvagötu 8
101 Reykjavík
Veffang: www.af.is
Netfang: alliance@af.is
Upplýsingar
í síma 552 3870
Óhapp! eftir Bjarna Jónsson lau. 12/1
Ívanov fös. 11/1 & lau. 12/1 örfá sæti laus
Konan áður lau 12/1 & sun. 13/1
Skilaboðaskjóðan sun. 13/1 uppselt
Gott kvöld sun. 13/1 kl. 13.30 & 15 örfá sæti laus
Þjóðleikhúsið
um helgina
Afgreiðsla miðasölu á Hverfisgötu er opin frá kl. 12.30–18.00 mán. og þri.
Aðra daga frá kl. 12.30–20.00. Símapantanir frá kl. 10.00 virka daga.
Miðasala í síma 551 1200 og á www.leikhusid.is ÞJÓÐLEIKHÚSIÐ
Allra síðasta sýning
11. janúar
19. janúar
25. janúar