Fréttablaðið - 10.01.2008, Blaðsíða 36

10. JANÚAR 2008 FIMMTUDAGUR6 ● fréttablaðið ● skólar & námskeið
Símennt Háskólans í Reykja-
vík býður upp á fjölda nám-
skeiða. Nú á vorönn er boðið upp
á nokkrar nýjungar og ber þar
hæst Opinn háskóla þar sem al-
menningi gefst kostur á að taka
valin námskeið til eininga úr
öllum deildum HR. Þetta hefur
áður verið boðið í viðskiptadeild
en nú er í fyrsta sinn í boði í laga-
deild, tækni- og verkfræðideild,
kennslufræði- og lýðheilsudeild
og tölvunarfræðideild.
Tinna Ösp Ragnarsdóttir
verkefnastjóri segir viðtökurn-
ar góðar, einstök námskeið séu
þegar hafin en enn er verið að
skrá í önnur. Þeir sem taka ein-
stök fög innan HR í Opnum há-
skóla fá einingarnar metnar sem
nýtist vel ef ákvörðun er tekin
um að halda áfram námi. Nám-
skeiðin eru þau sömu og í dag-
skóla en eru kennd á öðrum tíma
sem hentar betur vinnandi fólki.
„Fólk getur ekki klárað nám með
þessum hætti en þetta er ágæt
byrjun fyrir þá sem vilja prófa
sig áfram,“ segir Tinna en nán-
ari upplýsingar um Opinn há-
skóla má fá á www.opinnhaskoli.
hr.is.
Aðrar nýjungar sem boðið er
upp á á vorönn eru meistara-
nám fyrir stjórnendur í heil-
brigðisþjónustu, sem er gert í
samstarfi við tvo virta háskóla,
McGill-háskólann í Montreal í
Kanada og Columbia-háskólann
í New York.
Þá verður frá og með hausti
2008 boðið upp á meistaranám í
verkfræði: byggingarverkfræði,
fjármálaverkfræði, rekstrar-
verkfræði, heilbrigðisverk-
fræði, hátækniverkfræði, orku-
verkfræði og hugbúnaðarverk-
fræði.
Opinn háskóli
fyrir almenning
Nokkrar nýjunar verða í boði á þessu ári hjá Símennt Háskólans í Reykjavík.
Ásdís Helga Bjarnadóttir er
verkefnastjóri endurmennt-
unar Landbúnaðarháskóla
Íslands. Hún lýsir því sem þar
er að gerast á næstu vikum.
„Flest námskeiðin í byrjun árs
snúast um hesta og reiðmennsku.
Þau eru ætluð almenningi og
verða haldin á Hvanneyri og í ná-
grenni en einnig dreifast þau að-
eins um landið. Við reynum að
bjóða námskeið á öllum starfs-
sviðum skólans og á heimasíðunni
okkar www.lbhi.is er listi yfir far-
andnámskeið. Þau erum við yfir-
leitt með tilbúin og fólk getur kall-
að eftir þeim fyrir félög, klúbba
eða hópa,“ segir Ásdís Helga. Hún
nefnir einnig námskeið í mars
um fjárhúsbyggingar og vinnu-
hagræðingu. Þau verða hald-
in á tveimur stöðum á landinu: á
Kirkjubæjarklaustri og á Strönd-
um. Skyldi staðarvalið fara eftir
því hvar verið er að byggja flest
fjárhús hverju sinni?
„Nei. Yfirleitt byrjum við á
því að bjóða námskeiðin fram á
Hvanneyri. Síðan erum við í góðri
samvinnu við ráðunautaskrifstof-
ur um allt land og þær geta óskað
eftir námskeiðum á sitt svæði. Í
fyrra vorum við með fjárhúsbygg-
inganámskeið hér á Hvanneyri og
í Þingeyjarsýslum og nú komu
beiðnir frá Klaustri og af Strönd-
um. Garðyrkjutengd námskeið
eru reyndar haldin fyrst á Reykj-
um í Ölfusi en þau fara líka út á
land ef fólk óskar eftir og nú eru
Eyfirðingar að fá eitt slíkt til sín.
Þannig byggjum við þetta upp.“
Áburður og áburðarnotkun heit-
ir eitt námskeiðanna. Það verður á
Egilsstöðum. „Nú eru bændur að
spá í áburðarkaupin sem er einn af
stóru kostnaðarliðunum við búskap-
inn. Því er kjörið tækifæri fyrir þá
að fræðast um hvernig hægt er að
reikna út áburðarþörfina og hvaða
tegundir henta hvar. Það var óskað
eftir þessu námskeiði til Egilsstaða
og þangað fer það.“
Ásdís Helga minnist einnig á
handverksnámskeið eins og flóka-
gerð og spuna sem unnin eru í
samstarfi við Ullarselið á Hvann-
eyri. „Með þeim erum við að vekja
athygli á nýtingu afurða í land-
búnaðinum. Ullin er svo frábært
hráefni. Þessi námskeið henta til
dæmis vel leikskóla- og grunn-
skólakennurum. Svo höfum við
líka verið að sinna arkitektum,
skipulagsfræðingum og skrúð-
garðyrkjumeisturum.“ Að lokum
bendir hún á að námskeið Land-
búnaðarháskólans séu mörg hver
styrkhæf. - gun
Flest námskeiðin
eru farandnámskeið
Útihúsabyggingar er eitt af því sem
hægt er að læra um á námskeiðunum.
„Við reynum að bjóða námskeið á öllum starfssviðum skólans,“ segir Ásdís Helga,
verkefnastjóri endurmenntunar í Landbúnaðarháskóla Íslands.
Jack Canfield er í hópi eftirsóttustu fyrirlesara
Bandaríkjanna. Hann hefur rannsakað hverjir ná
árangri og hverjir ekki og hvað það er sem gerir
gæfumuninn. Hann verður staddur á Íslandi í
byrjun febrúar og heldur námsstefnu um árang-
ursþjálfun í Háskólabíói.
Tíu mánuði ársins ferðast Jack Canfield um heim-
inn og talar til áheyrenda í Evrópu, Asíu, Norður-Am-
eríku og í Afríku. Nú er komið að Íslandi en Canfi-
eld heldur námsstefnu í Háskólabíói 2. febrúar næst-
komandi.
Kristján Viðar Haraldsson er framkvæmdastjóri
New Vision sem sér um viðburðinn. „Canfield mun
fjalla um lögmál sem hann segir frá í bók sinni The
Success Principles: How to Get From Where You Are
to Where You Want to Be,“ segir Kristján. „Um lög-
mál þessi og hvernig við getum mótað þau og beitt
þeim. Um leið segir hann örugglega einhverjar ár-
angurssögur, hann kann ógrynni af þeim,“ bætir
Kristján við.
Jack Canfield hefur háskólapróf frá Harvard og
Massachusetts-háskóla. Hann er þekktur víða um
heim undir heitinu „Árangursþjálfari Bandaríkj-
anna“. Nýjasta bók hans gæti útlagst á íslensku sem
Árangurslögmálin: Hvernig þú kemst þaðan sem
þú ert þangað sem þig langar að vera. Í bókinni er
að finna 64 aðferðir sem afreksmenn á öllum svið-
um mannlífsins hafa notað, að sögn, með góðum ár-
angri. „
„Í rauninni er markhópurinn fyrir námsstefnuna
allir, bæði fólk í viðskiptum og eins fólk sem hefur
áhuga á að ná markmiðum sínum á næsta ári og hefur
gott af því að fá spark í rassinn. Það er mikilvægt að
fólk noti það sem það lærir, það á að vera hægt að
taka vel á í sínu lífi eftir að hafa hlustað á Jack Can-
field.“ segir Kristján Viðar.
Áhugasömum er bent á heimasíðuna newvision.is.
- nrg
Árangursþjálfari Banda-
ríkjanna með námsstefnu
Jack Canfield er annar höfunda „Chicken Soup for the Soul,“ og
var töluvert áberandi í kvikmyndinni „The Secret“.