Morgunblaðið - 14.12.2019, Qupperneq 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 14. DESEMBER 2019
14. desember 2019
Gengi Kaup Sala Mið
Dollari 122.53 123.11 122.82
Sterlingspund 161.66 162.44 162.05
Kanadadalur 92.98 93.52 93.25
Dönsk króna 18.24 18.346 18.293
Norsk króna 13.458 13.538 13.498
Sænsk króna 13.043 13.119 13.081
Svissn. franki 124.66 125.36 125.01
Japanskt jen 1.1271 1.1337 1.1304
SDR 169.05 170.05 169.55
Evra 136.32 137.08 136.7
Meðalgengi/Viðskiptavog þröng 163.4284
Hrávöruverð
Gull 1474.7 ($/únsa)
Ál 1751.0 ($/tonn) LME
Hráolía 63.9 ($/fatið) Brent
● Hlutabréf Icelandair Group tóku að
lækka hratt seinni partinn í gær og
nam lækkunin 6,35% þegar dagurinn
var gerður upp í Kauphöll.
Lækkun bréfanna hófst um svipað
leyti og fréttir bárust af því að Steve
Dickson, framkvæmdastjóri banda-
rísku flugmálastofnunarinnar, hefði
kallað eftir því í samtali við Dennis
Muilenberg, framkvæmdastjóra flug-
vélaframleiðandans Boeing, að félagið
hætti við að gefa út yfirlýsingu um
„yfirvofandi“ afléttingu kyrrsetningar á
Boeing 737 Max-vélum fyrirtækisins.
Á meðal atriða sem virðast ætla að
valda frekari töf á endurkomu vélanna
er óvissa sem kom upp við prófanir á
tékklistum flugmanna í liðinni viku.
Gerðist það þegar Boeing fékk flug-
menn frá nokkrum flugfélögum til
þess að fara í gegnum prófanir á
mögulegum flugatvikum þar sem sér-
staklega var litið til mannlegra þátta
við notkun á stýrikerfi vélanna.
Fram kom í frétt ViðskiptaMoggans
á miðvikudag að forsvarsmenn Ice-
landair Group vinni nú að áætlunum
sem gangi út frá þeim möguleika að
Boeing 737 MAX-þotur fyrirtækisins
fari ekki í loftið fyrr en á síðari hluta
næsta árs. Félagið hugðist hafa 13 vél-
ar af þessari tegund í sinni þjónustu á
komandi ári.
Icelandair Group lækk-
aði mest í Kauphöllinni
STUTT
BAKSVIÐ
Þóroddur Bjarnason
tobj@mbl.is
Guðlaugur Þór Þórðarson utanrík-
isráðherra segir að bæði Boris
Johnson, forsætisráðherra Bret-
lands, og forveri hans í embætti,
Theresa May, hafi lagt mikla
áherslu á fríverslun, og með svip-
uðum hætti og Ísland gerir. „ Það
skaðar ekki fyrir fríverslunarþjóð
eins og okkur Íslendinga að fimmta
stærsta efnahagsveldi heims sé að
leggja þetta mikla áherslu á frí-
verslunarmál,“ sagði Guðlaugur
þegar Morgunblaðið leitaði við-
bragða hans við stórsigri Íhalds-
flokksins í bresku þingkosningunum
á fimmtudaginn.
Spurður út í jákvæð viðbrögð Do-
nalds Trumps Bandaríkjaforseta við
kosningasigrinum, og mögulegan
fríverslunarsamning Breta og
Bandaríkjamanna í kjölfar úr-
slitanna, segir Guðlaugur að það sé
gott ef slíkur samningur komist á,
enda sé enginn fríverslunarsamn-
ingur í gangi milli Bandaríkjanna og
Evrópusambandsins. „Eitt af því
sem við höfum lagt áherslu á er að
efla samskiptin við Bandaríkin. Við-
skiptasamráðið sem við Mike Pom-
peo, utanríkisráðherra landsins,
settum af stað í febrúar og hefur
verið í gangi allt þetta ár er liður í
því. Þessi mál tengjast ekki, en við
skulum ekki útiloka að einhverjir
möguleikar geti opnast fyrir okkur
ef Bretar og Bandaríkin semja sín á
milli. Aðalatriðið er að aukin frí-
verslun skapar möguleika fyrir alla.
Sérstaklega útflutningsþjóð eins og
okkur. “
Guðlaugur segir að eftir að Bret-
land gengur úr ESB 31. janúar nk.,
eins og nú megi gera ráð fyrir, þá
taki við aðlögunartímabil, þar sem
EES-samningurinn haldi áfram að
gilda að minnsta kosti út árið 2020.
„Við munum hefja viðræður við
Breta um framtíðarskipan mála
fljótlega eftir 31. janúar. Þetta mál
hefur verið forgangsmál allan minn
tíma hér í ráðuneytinu, og við erum
ekkert að byrja á núllpunkti. Við
vinnum í nánu samstarfi við EFTA-
ríkin og fylgjumst einnig vel með
samningum Bretlands við ESB. Við
höfum lagt áherslu á að undirbúa
okkur vel, þannig að þegar við get-
um farið að semja um framtíðar-
skipan, þá verðum við eins mikið
tilbúin og hægt er. Það sem flækir
málið er að þetta er ekki bara á milli
okkar og Bretlands, heldur hafa
samningar Breta við önnur lönd í
álfunni og ríkjabandalög áhrif.“
Óvissu eytt
Kjartan Broddi Bragason, hag-
fræðingur hjá greiningarfyrirtæk-
inu IFS, segir í samtali við Morg-
unblaðið að kosningaúrslitin hafi
eytt tiltekinni óvissu. Hann segir að
almennt finnist fjármálamörkuðum
gott þegar óvissa hverfur enda
byggist verð fjármálaafurða al-
mennt á væntingum til komandi
framtíðar. „Fyrstu viðbrögð voru að
pundið styrktist og FTSE hækkaði
lítillega í dag [í gær]. Stóra spurn-
ingin er hins vegar hvað gerist í
framhaldinu,“ segir Kjartan.
Hann bætir við að flestir hafi ver-
ið á því að Brexit muni draga úr
vergri landframleiðslu í Bretlandi
um einhver prósent, og sá samdrátt-
ur eigi sér stoð í auknum viðskipta-
kostnaði almennt, kostnaði við að
endurreisa landamæragæslu o.fl. „Á
móti þessu getur komið til þess að
innlend framleiðsla aukist með til-
heyrandi nýjum störfum, allt vegið
með auknum tollum og/eða við-
skiptakostnaði. Fyrir okkur hérna
heima er Bretland mikilvægur
markaður fyrir okkar útflutning og
því æskilegt fyrir Íslendinga að
kaupmáttur almennings í Bretlandi
sé sem mestur. Gangi spár um sam-
drátt í VLF eftir mun það hafa ein-
hver áhrif á okkar viðskiptakjör en
hversu mikil er einfaldlega aðeins of
snemmt að spá um.“
Leggja mikla áherslu á frí-
verslun eins og Íslendingar
AFP
Stjórnmál Boris Johnson forsætisráðherra vann kosningasigur í Bretlandi í vikunni.
 Eftir útgöngu Breta úr ESB tekur við aðlögunartímabil út árið 2020
Rækjuvinnslan Kampi á Ísafirði hef-
ur þurft að vinna að jafnaði á 55%
framleiðslugetu frá því á þriðjudag
vegna ofsaveðursins sem fór yfir
landið í vikunni. Engin framleiðsla
var hjá fyrirtækinu á miðvikudag. Að
sögn Alberts Haraldssonar, rekstrar-
stjóra fyrirtækisins, er um að ræða
um 20 milljóna króna tekjutap. Fyrir-
tækið veltir á fjórða milljarð króna á
ári. Fullum straumi var komið á fram-
leiðsluvélar Kampa eftir hádegi í gær.
Að sögn Alberts fékk fyrirtækið
tölvupóst frá Orkubúi Vestfjarða á
mánudag þess efnis að 97% líkur
væru á því að það yrði rafmagnslaust
hjá fyrirtækinu. Í ljósi þess að magn
þeirrar rækju sem fyrirtækið hafði
sett í lageringu, þ.e. þegar henni er
komið fyrir í þar til gerð kör þar sem
hún er látin liggja daginn fyrir
vinnslu, var hugsað fyrir 100% fram-
leiðslugetu, var útlit fyrir töluvert
tap. Orkubú Vestfjarða kom hins veg-
ar til móts við fyrirtækið á þriðjudag
sem starfaði þann daginn á 67% fram-
leiðslugetu. Starfsemi lá aftur á móti
niðri á miðvikudag en var takmörkuð
á fimmtudag og í gær. Kampi fram-
leiðir 3.000 tonn af tilbúinni vöru á ári
og framleiðir fyrir 15,5 milljónir á
hverjum vinnsludegi. „Við ákváðum
árið 2014 að losa okkur við olíuketil og
kaupa rafmagnsketil. Við viljum vera
umhverfissinnuð og kynna okkur fyr-
ir markaðnum þannig,“ segir Albert
en Kampi selur rækju m.a. til Bret-
lands. Kampi framleiðir einnig
rækjumjöl úr rækjuskel og selur til
innlendra og erlendra kaupenda. „Við
notum gufuketil, sem er rafmagns-
kyntur og knúinn áfram á afgangs-
orku, til að sjóða rækjuna. En ég er
alveg tilbúinn í neyðartilfellum að
borga fullt gjald fyrir orkuna. Og þá á
hún bara að heita forgangsorka. Nú
sýnist okkur að við verðum að skoða
það alvarlega að koma okkur upp
varaafli í formi olíuketils.“
Ofsaveður Framleiðsla Kampa hef-
ur verið takmörkuð síðustu daga.
20 milljóna tekju-
tap vegna veðurs
 Takmörkuð
framleiðslugeta
hefur hrjáð Kampa