Fréttablaðið - 05.02.2020, Page 15

Aðaláherslan hjá
mér á þessu ári er að
bæta mig í 100 og 400 metra
hlaupi þar sem það eru þau
hlaup sem eru á dagskrá á
Ólympíuleikunum og ég á
raunhæfa möguleika á að ná
lágmarki í.
ÍÞRÓTTIR Samstarf íþróttafélaga
við skóla er takmarkað, rekstur
íþróttafélaganna er erfiður, mörg
sérgreinafélög eru á hrakhólum
með aðstöðu fyrir sína íþrótta-
grein, mörg íþróttamannvirki eru
úr sér gengin og þarfnast meira
viðhalds og ríkisvaldið hefur lítið
lagt af mörkum við uppbyggingu
á aðstöðu og því byggir aðgengi
landsliða að aðstöðu á velvild
sveitarfélaga og félaga.
Þetta er meðal þess sem kemur
fram í drögum að lokaskjali borgar-
yfirvalda í stefnu í íþróttamálum
Reykjavíkur til ársins 2030 sem lögð
voru fram á síðasta fundi menning-
ar-, íþrótta- og tómstundaráðs.
Alls eru drögin 32 síður og eftir
fallegan texta um hversu jákvætt
íþróttastarf sé og að draumurinn
sé að árið 2030 muni nær allir Reyk-
víkingar stundi reglulega íþróttir,
líkamsrækt eða aðra hreyfingu er
komið að punktum þar sem glans-
myndin hverfur.
Þar er bent á að mörg íþrótta-
mannvirki séu úr sér gengin og
þarfnist meira viðhalds. „Þau mann-
virki sem borgin rekur er viðhaldið
á vegum hennar, sem hækkar leig-
una á ÍTR í gegnum eignasjóðinn á
móti,“ segir orðrétt í drögunum. Í
viðhorfskönnun sem gerð var meðal
íþróttafélaganna í Reykjavík töldu
67 prósent þátttakenda að aðstaðan
væri einn af helstu þáttunum sem
hindruðu félagið/-deildina í að ná
árangri. Hlutfallið bendir til að þó
nokkurt verk sé fram undan við að
koma aðstöðumálum í gott horf.
Mörg sérgreinafélög eru á hrak-
hólum með aðstöðu fyrir sína
íþróttagrein. Margar óskir liggja
fyrir frá íþróttafélögum um upp-
byggingu íþróttamannvirkja og er
reynt að vinna með þeim að því að
þróa lausnir sem eru skynsamlegar.
Í punktunum er einnig bent á
hvað ríkisvaldið sé lélegt að sinna
uppbyggingu og er hvergi dregið
undan. „Ríkisvaldið hefur lítið lagt
af mörkum varðandi uppbyggingu
á aðstöðu og því byggir aðgengi
landsliða að aðstöðu á velvild
sveitarfélaga og félaga. Slík velvild
hefur leitt til þess að árekstrar verða
þar á milli við aðrar æfingar íþrótta-
félaga.“
Um nýjan þjóðarleikvang er
sagt: „Mikill þrýstingur er á um
byggingu þjóðarleikvanga fyrir
ýmsar íþróttagreinar. Nýting slíkra
mannvirkja til æfinga fyrir íþrótta-
félög einkennast af árekstrum við
keppnisleiki og aðra viðburði og eru
því ekki eins heppileg fyrir æfingar
og önnur æfingaaðstaða.“
Þá er bent á stöðu afreksíþrótta-
fólks sem hefur ekki hæfa þjálfara
til að bæta sig í sinni íþrótt. „Staða
afreksfólks á Íslandi er erf ið.
Umhverfi til afreksiðkunar í f lest-
um greinum er ekki gott.
Í sumum greinum er skortur
á hæfum þjálfurum til að þjálfa
afreksfólk. Stuðningur við afreks-
fólk er almennt lítill miðað við þann
fórnarkostnað sem afreksíþrótta-
fólk verður fyrir og tekjumöguleik-
ar afreksmanna eru frekar takmark-
aðir í f lestum íþróttagreinum.“ – bb
Ríkið hefur lítið lagt af mörkum í uppbyggingu á íþróttaaðstöðu
Rekstrarúttekt hefur verið gerð á íþróttafélögunum í borginni sem sýnir að
rekstur félaganna versnaði á árinu 2018 miðað við fyrri ár. FRÉTTABLAÐIÐ/VALLI
Mörg sérgreinafélög eru
á hrakhólum með aðstöðu
fyrir sína íþróttagrein og
mörg íþróttamannvirki eru
úr sér gengin og þarfnast
meira viðhalds.
FRJÁLSAR ÍÞRÓTTIR Sprett hlaup ar-
inn Pat rek ur Andrés Ax els son, sem
hleypur fyrir Ármann, hljóp um
síðustu helgi 60 metra á tímanum
7,99 sek úndur þegar hann tók þátt
í Reykjavíkurleikunum. Þetta er í
fyrsta skipti sem hann fer und ir átta
sek únd ur í þessari grein. Patrekur
Andrés sem er sjónskertur hljóp
án aðstoðarmanns að þessu sinni
og náði þarna markmiði sem hann
setti sér þegar hann hóf hlaupaferil
sinn fyrir um það bil fimm árum.
Patrekur Andrés byrjaði að
hlaupa af fullum krafti þegar hann
byrjaði að missa sjónina árið 2014
en haustið 2015 var besti tími hans
í 60 metra hlaupi 8,65 sekúndur.
Fyrir hlaupið um helgina átti Pat-
rekur best 8,24 sekúndur. Hann
bætti sig þar af leiðandi um 0,24
sekúndur og hefur bætt sig um 0,66
sekúndur á fimm árum. Það er afar
gott í jafn stuttri vegalengd og 60
metra hlaup er.
„Það var mjög góð tilfinning að
ná að hlaupa á þessum tíma, sér-
staklega í ljósi þess að ég var ekki
með aðstoðarmann og á hvaða
tímapunkti ég næ því. Ég næ alla
jafna betri tíma þegar ég hleyp
með aðstoðarmanni þar sem ég næ
að sleppa mér meira og er örugg-
ari í því sem ég er að gera. Af þeim
sökum er rúm fyrir enn meiri bæt-
ingu,“ segir Patrekur Andrés í sam-
tali við Fréttablaðið.
„Ég kýs það frekar að hlaupa með
aðstoðarmann þar sem mér þykir
það mun þægilegra. Ég lenti hins
vegar í því á Evrópumótinu í fyrra
að aðstoðarmaðurinn tognaði í
miðju hlaupi og svo í vikunni fyrir
Meistaramót Íslands að aðstoðar-
maðurinn sem ætlaði að hlaupa
með mér þar meiddist og gat ekki
aðstoðað mig.
Það er fínt að vita af því að ég get
hlaupið með góðum árangri ef sú
staða kemur upp aftur. Það er meira
en að segja það að útvega aðstoðar-
menn til þess að fylla skarðið með
stuttum fyrirvara.“
Góð fyrirheit fyrir það sem koma skal
Það er stórt ár fram undan hjá Pat rek i Andrési Ax els syni en hann stefnir að því að komast á Ólympíuleika fatlaðra sem fram fara í
Tókýó í Japan síðsumars. Patrekur Andrés hefur ekki náð lágmörkum fyrir leikana en hann telur raunhæft að ná þeim í tæka tíð.
Hefur trú á að hann fari til Tókýó
„Aðaláherslan hjá mér á þessu ári
er hins vegar að bæta mig nægilega
mikið í 100 og 400 metra hlaupi
þar sem það eru þau hlaup sem
eru á dagskrá á Ólympíuleikunum
og ég á raunhæfa möguleika á að
ná lágmarki í. Þessi tími gefur góð
fyrirheit um að ég nái nógu mikilli
bætingu til þess að ná lágmarkinu
fyrir leikana síðar á þessu ári. Mér
finnst ég vera í góðu formi og þró-
unin á æfingum og keppnum vera
í rétta átt,“ segir hann um komandi
verkefni hjá sér.
Patrekur á best 12,23 sekúndur í
100 metra hlaupi en lágmarkið fyrir
Ólympíuleikana er 11,90 sekúndur.
Hann á svo best 57,87 sekúndur í
400 metra hlaupi og lágmarkið fyrir
leikana þar er 57 sekúndur.
„Það skiptir svo miklu máli fyrir
mig að eins og staðan er núna lítur
út fyrir að ég verði áfram með sama
aðstoðarmann og byrjaði að vinna
með mér fyrir tæpu ári. Samhæfing
milli mín og hans er mjög mikilvæg
til þess að ég geti bætt mig enn frek-
ar og hún verður betri og betri með
tímanum. Við erum að vinna með
stutt band á milli okkar þegar við
hlaupum og allir hnökrar okkar á
milli gera það að verkum að tíminn
verður lakari sem munar um í svona
stuttum vegalengdum,“ segir þessi
metnaðarfulli hlaupari.
„Ég er á leiðinni á alþjóðlegt mót
í Dúbaí um miðjan mars og æfinga-
planið núna miðar að því að toppa á
þeim tíma. Það væri geggjað að vera
búinn að tryggja mig til Tókýó eftir
það mót. Ég er afar vongóður um að
það takist og hlaupið um helgina
gefur mér sjálfstraust og trú á að
ég sé á leiðinni á Ólympíuleikana.
Síðan fer ég á EM og það er því nóg af
spennandi verkefnum handan við
hornið.“ hjorvaro@frettabladid.is
Patrekur Andrés tekur af stað í 60 metra hlaupi á Reykjavíkurleiknunum um síðustu helgi en þar bætti hann besta tíma sinn í greininni. FRÉTTABLAÐIÐ/VALLI
5 . F E B R Ú A R 2 0 2 0 M I Ð V I K U D A G U R14 S P O R T ∙ F R É T T A B L A Ð I Ð
SPORT