Fréttablaðið - 08.02.2020, Page 2

Ég stunda mikið
jóga og veit ekki
hvar ég væri í þessu öllu ef ég
hefði ekki þá hækju.
Hildur Guðnadóttir
Fjölskyldur drengjanna
vilja koma á framfæri
þakklæti fyrir þann stuðn-
ing sem þau hafa fengið í
samfélaginu.
Veður
Suðaustan 15-23 og rigning
sunnan- og vestanlands. Suðaust-
an 8-15 norðanlands og þurrt að
kalla. Hiti 5 til 10 stig. Lægir í nótt
og kólnar. SJÁ SÍÐU 40
Brennið þið vitar
Guli innsiglingarvitinn við Sæbraut í Reykjavík var vígður við hátíðlega athöfn í gærkvöld. Hann leysti af hólmi innsiglingarvitann sem var í turni
Sjómannaskólans frá árinu 1945. Sá þjónaði hlutverki sínu þar til háhýsi nútímans við Borgartún og Hátún tóku að skyggja á geislana. Karlakórinn
Fóstbræður og Karlakór Reykjavíkur komu saman og sungu meðal annar ljóðlínur skáldsins Brennið þið, vitar. FRÉTTABLAÐIÐ/ SIGTRYGGUR ARI
Ný og kraftmikil blanda
fyrir þá sem þjást af lið-
verkjum og brjóskeyðingu.
Betri
heilsa
SAMGÖNGUMÁL Tæplega átta pró­
senta samdráttur varð í umferð á
Hringveginum í nýliðnum janúar­
mánuði miðað við síðasta ár. Þetta
kemur fram í tilkynningu frá Vega­
gerðinni.
Þar segir að þennan samdrátt
megi líklega að stórum hluta rekja
til veðurfars, sem var afar slæmt í
mánuðinum.
Dróst umferð saman í öllum
landshlutum en mest á Vesturlandi
þar sem samdráttur var tæp 17 pró­
sent. Á Norðurlandi dróst umferð
saman um tæplega 16 prósent og
um tæp 11 prósent á Suðurlandi.
Öllu minni samdráttur varð á
Austurlandi, eða 3,5 prósent, og á
höfuðborgarsvæðinu þar sem hann
var tæp fjögur prósent.
Tölur Vegagerðarinnar byggja
á talningu á sextán lykilstöðum á
Hringveginum. Alls fóru tæplega 58
þúsund bílar um þessa staði á dag
í janúar en á síðasta ári voru þeir
tæplega 66 þúsund. – sar
Veðrið í janúar
dró úr umferð
HAFNARFJÖRÐUR Annar af tveimur
drengjum sem fluttir voru á bráða­
mót töku Land spítalans eftir að hafa
fallið í Hafnar fjarðar höfn þann 17.
janúar síðast liðinn er kominn heim.
Hinn hefur nú verið fluttur á Barna­
spítala Hringsins.
Þetta stað festir Rósa Kristjáns­
dóttir, djákni á Land spítalanum,
í sam tali við Frétta blaðið, en hún
gerir það fyrir hönd fjöl skyldna
drengjanna.
Þrír drengir voru í bílnum sem féll
ofan í höfnina. Einn á grunn skóla­
aldri og tveir á fram halds skóla aldri.
Fimm kafarar frá sér að gerða deild
Land helgis gæslunnar voru kall­
aðir út.
Voru tveir drengjanna f luttir á
gjör gæslu og sá þriðji á al menna
deild. Þann 25. janúar var svo annar
drengurinn fluttur af gjör gæslu og
á al menna deild, og er sá kominn
heim núna.
Rósa tekur fram að fjöl skyldur
drengjanna vilji koma á fram færi
þakk læti. Þau hafi verið studd af
sam fé laginu og trúa því að það haldi
á fram að hjálpa þeim. – oæg
Annar kominn
heim af spítala
Einn drengjanna sem lenti í höfn-
inni er nú á Barnaspítala Hringsins.
SAMFÉLAG „Mér líður bara nokkuð
vel. Sit hérna í sólinni að drekka
kaffi og sonur minn er að busla í
sundlauginni þannig að ég gæti
eiginlega ekki haft það betra,“ segir
Hildur Guðnadóttir tónskáld.
Hildur var stödd í Los Angeles
þegar Fréttablaðið náði tali af
henni, en þar fara Óskarsverðlaunin
fram á morgun. Hildur er tilnefnd
til verðlaunanna fyrir tónlist sína í
kvikmyndinni Joker.
Hún hefur nú þegar hlotið fjölda
verðlauna fyrir tónlist sína í bæði
Joker og sjónvar psþáttunum
Chernobyl, meðal annars Golden
Globe, Emmy, Grammy og BAFTA.
„Þetta er búið að vera ótrúlega
skemmtilegt en líka mikil vinna,“
segir Hildur. „Óskarinn er óvenju
snemma í ár svo þetta er svolítil
kremja af því að ég er bæði í sjón­
varps­ og kvikmyndaflokknum, svo
ég er eiginlega í tvöföldum skammti
af verðlaunaaf hendingum,“ segir
hún.
„Það er dásamleg orka í fólki
hérna og ég var í mat með þeim
sem eru tilnefndir fyrir tónlist og
leikurunum í gær og maður gerir
sér í hugarlund að það sé svo mikil
samkeppni á milli fólks en það er
það alls ekki, fólk er svo áhuga­
samt og stuðningsríkt og talar fal­
lega saman. Ég er bara búin að eiga
yndislegan tíma með öllu þessu
fólki,“ segir Hildur.
Hún segist spennt fyrir Óskarn­
um og að hún sé nú þegar búin að
ákveða í hverju hún ætlar að vera.
„En á ég nokkuð að segja þér það?
Verður þetta ekki að koma á óvart?“
segir Hildur og hlær.
Aðspurð hvort hún sé stressuð
yfir Óskarnum og stjörnufansinum
sem honum fylgir, segir Hildur að
svo sé ekki. „Ég er nú bara frekar
róleg og ég held að ég sé ekki alveg
búin að átta mig á þessu öllu saman.
Þetta er búið að vera svo mikið og
gerðist ótrúlega hratt,“ segir Hildur
og bætir því við að hún hafi alla tíð
unnið markvisst að því að vera með
fæturna á jörðinni.
„Ég stunda mikið jóga og veit ekki
hvar ég væri í þessu öllu ef ég hefði
ekki þá hækju,“ segir hún.
Eftir Óskarsverðlaunin ætlar
Hildur heim til Berlínar og slaka á
með fjölskyldunni. Ég hlakka til að
komast aftur í hversdagslíf og hafra­
graut. Hamingjan felst nefnilega í
hafragrautnum,“ segir hún.
Hildur segist þó ekki þurfa að
hafa áhyggjur af því að pússa arin­
hilluna til að raða þar verðlaunun­
um því að öll séu þau geymd inni í
herbergi Kára, sonar hennar.
„Þau eru öll bara við hliðina á
teiknimyndasögunum hans, þar var
lego en það er ekki pláss fyrir það
lengur,“ segir hún hlæjandi.
„Hann missti Emmy­inn í gólfið
um daginn en það skiptir engu máli.
Þetta er svona kona sem er að teygja
sig upp í loft en okkar Emmy teygir
sig aðeins til hliðar, tekur svona
hliðarteygju, þetta er bara enn
skemmtilegra og gerir hana per­
sónulega,“ segir Hildur að lokum og
skilar kærri kveðju heim til Íslands.
birnadrofn@frettabladid.is
Hildur segir hamingju
felast í hafragrautnum
Hildur Guðnadóttir er tilnefnd til Óskarsverðlauna fyrir tónlist sína í kvik-
myndinni Joker. Hún er nú stödd í Los Angeles með fjölskyldunni og nýtur
þess að slaka á fyrir verðlaunahátíðina sem fram fer aðfaranótt mánudags.
Hildur með Emmy-styttuna sem sonurinn missti. NORDICPHOTOS/GETTY
8 . F E B R Ú A R 2 0 2 0 L A U G A R D A G U R2 F R É T T I R ∙ F R É T T A B L A Ð I Ð