Fréttablaðið - 26.02.2020, Blaðsíða 2

Veður
Gengur í norðaustan 13-20,
hvassast NV-til, þó mun hægari
vindur sunnan heiða fram á
kvöld. Snjókoma eða él N- og
A-lands, en úrkomulítið á S- og
SV-landi. Frost 0 til 8 stig.
SJÁ SÍÐU 14
Sparaðu allt að 50-70%!
info@fedaszdental.huHafðu samband:
+ 36 70 942 9573 www.tannlaeknathjonusta.is
Fyrir
Eftir
Tannlækningar í Ungverjalandi
Leikhúsferð í verkfalli
Þjóðleikhúsið hefur brugðist við verkfallsaðgerðum leikskólastarfsfólks í Reykjavík. Leikhúsið hóf að bjóða upp á sýningar fyrir börn á
lækkuðu miðaverði eftir hádegi á virkum dögum í síðustu viku og hefur haldið áfram í þessari viku þar sem verkfall stendur enn. Fjöldi Reykja-
víkurbarna hefur slegist í för með Ómari orðabelg, eftir Gunnar Smára Jóhannsson, við að leita að uppruna orðanna. FRÉTTABLAÐIÐ/ANTON BRINK
FJÖLMIÐLAR Gerðar hafa verið
skipulagsbreytingar hjá Torgi,
útgáfufélagi Fréttablaðsins og f leiri
miðla. Breytingarnar miða að því
að einfalda ritstjórn og styðja við
markmið félagsins um fjölbreyttan
og öf lugan fréttaf lutning og miðl-
un upplýsinga í gegnum miðla þess.
Davíð Stefánsson sem verið hefur
annar ritstjóra Fréttablaðsins mun
nú láta af því starfi. Sunna Karen
Sigurþórsdóttir, annar ritstjóra
frettabladid.is og hringbraut. is
lætur einnig af störfum. Báðum eru
færðar þakkir fyrir vel unnin störf
og þeim óskað velfarnaðar.
Tveir fréttastjórar verða ráðnir
að Fréttablaðinu, þeir Garðar Örn
Úlfarsson og Ari Brynjólfsson. Þeir
eru báðir margreyndir í frétta- og
blaðamennsku. Garðar Örn var
ráðinn til starfa hjá Fréttablaðinu
í apríl 2001 og hefur starfað þar
síðan.
Kristjón Kormákur Guðjónsson
verður einn ritstjóri frettabladid.is
og hringbraut.is.
Enn fremur verður Jón Þórisson
ritstjóri Fréttablaðsins og ábyrgð-
armaður og jafnframt aðalritstjóri.
Þá kemur Markaðurinn, fylgirit
Fréttablaðsins um viðskipti, efna-
hagsmál og atvinnulíf, út í aukinni
útgáfu í fyrsta sinn í dag. Um er að
ræða tuttugu síðna blað sem dreift
verður ókeypis sérstaklega til for-
svarsmanna fyrirtækja á dreifing-
arsvæði Fréttablaðsins. Ritstjóri
Markaðarins er Hörður Ægisson,
svo sem verið hefur.
Forstjóri Torgs er Jóhanna Helga
Viðarsdóttir.
Breytingar
hjá Torgi
Breytingarnar miða að
því að einfalda ritstjórn og
styðja við markmið félags-
ins um fjölbreyttan frétta-
flutning og miðlun upp-
lýsinga í gegnum miðla þess.
HEILBRIGÐISMÁL Stjórn ADHD sam-
takanna telur að herferð Landlækn-
isembættisins gegn ADHD-lyfjum
verði að linna.
Þetta kemur fram í ályktun
stjórnarinnar sem samþykkt var
í gær. Um sé að ræða gagnreynd
lyf sem hafi fyrir löngu sannað
jákvæða virkni sína.
Tilefni ályktunarinnar eru nýleg
ummæli Andrésar Magnússonar,
yfirlæknis hjá Embætti landlæknis,
í fjölmiðlum. Sagði hann notkun
þessara lyfja vera óeðlilega mikla
á Íslandi og greindi frá aðgerðum
embættisins til að draga úr notkun
þeirra.
„Að mati ADHD samtakanna ætti
Embætti landlæknis frekar að fagna
viðleitni fólks með ADHD til að leita
eftir greiningum og úrræðum sem
bætt geta líf þess, hvort sem um
ræðir börn eða fullorðna,“ segir í
yfirlýsingunni. – sar
Herferð gegn
ADHD-lyfjum
verði að linna
Stórfelldur innflutningur Wei Li á íslenskri mynt frá Kína vakti mikla athygli á
dögunum en honum gekk illa að fá henni skipt í bönkum. FRÉTTABLAÐIÐ/ERNIR
VIÐSKIPTI Heimsókn kínverska
ferðamannsins Wei Li til Íslands
vakti mikla athygli í byrjun mánað-
arins. Li ferðaðist til landsins með
um 170 kílógrömm, að eigin sögn,
af íslenskri 100 krónu mynt frá Kína
og freistaði þess að skipta pening-
unum hérlendis. Heildarverðmætið
taldi Li vera um 1,6 milljónir króna.
Fréttablaðið greindi ítarlega frá
tilraunum Li til að skipta myntinni
þá rúmu viku sem hann dvaldi
hérlendis. Að hans sögn var þetta
þriðja heimsókn hans til landsins
og hafði hann náð að skipta rúm-
lega fjórum milljónum króna af
mynt í fyrri heimsóknum.
Í þessari heimsókn tókst Li að
fá kvittanir frá Arion banka fyrir
móttöku myntar að andvirði um
400 þúsund k rónur. Bank inn
neitaði að greiða Li þá upphæð en
á móti neitaði Li að taka við mynt-
inni aftur frá bankanum. Þá gaf Li
Samhjálp um 400 þúsund krónur í
mynt í misjöfnu ástandi auk þess
sem hann keypti vörur og þjónustu
hérlendis fyrir hluta þeirra myntar
sem var í hvað bestu ásigkomulagi.
Þá fékk listamaður búsettur hér-
lendis hluta af peningunum sem
viðkomandi hyggst nota við list-
sköpun sína. Li hélt síðan af landi
brott þann 15. febrúar síðastliðinn.
Arion banki hyggst láta rann-
saka hluta myntarinnar betur
og ganga úr skugga um hvort
hluti hennar kunni að vera fals-
aður. Þetta staðfestir Haraldur
Guðni Eiðsson, upplýsingafull-
trúi Arion banka. Verður myntin
send til Seðlabanka Íslands sem
mun áframsenda hana til breska
fyrirtækisins Royal Mint sem slær
íslenska mynt. Þar verða pening-
arnir rannsakaðar gaumgæfilega.
Sambærileg mál hafa komið
upp í Bandaríkjunum. Seðlabanki
Bandaríkjanna hætti að taka við
skemmdri mynt yfir tveggja ára
tímabil, frá árinu 2015 til ársloka
2017, á meðan rannsakað var hvort
stórfelldur innf lutningur á doll-
urum frá Kína væri í raun falsað
fé. Tók Seðlabankinn aftur upp
þráðinn frá árinu 2018 eftir að hafa
breytt reglunum lítillega. Í umfjöll-
un VICE frá árinu 2018 var fjallað
ítarlega um uppruna kínversku
myntarinnar sem átti að koma úr
samanpressuðum bílum og þvotta-
vélum.
Þá greindi vefmiðillinn NJ.com
frá því að saksóknaraembætti New
Jersey-fylkis teldi sig hafa komið
upp um umfangsmikinn smygl-
hring á fölsuðum dollurum frá
Kína. Í frétt miðilsins kom fram að
niðurstöður rannsókna hefðu bent
til þess hluti myntarinnar innihéldi
aðra málma en eru í bandaríska
dalnum. Var umfang hins meinta
svindls talið nema um 700 millj-
ónum íslenskra króna.
bjornth@frettabladid.is
Arion ætlar að skoða
klink Li Wei nánar
Arion banki hyggst láta rannsaka nánar mynt sem kínverskur ferðamaður
kom með til landsins frá heimalandi sínu og freistaði þess að skipta hérlendis.
Ganga á úr skugga um hvort myntin, eða hluti hennar, kunni að vera fölsuð.
2 6 . F E B R Ú A R 2 0 2 0 M I Ð V I K U D A G U R2 F R É T T I R ∙ F R É T T A B L A Ð I Ð