Fréttablaðið - 26.02.2020, Blaðsíða 28

Það væri í raun
ótrúlegt ef aðrar
matvöruverslanir væru ekki
að undirbúa innkomu á
markaðinn.
Þorsteinn Friðrik
Halldórsson
tfh@frettabladid.is
250.000.000 kr.
200
150
100
2016 2017 2018 2019
✿ Afslættir sem viðskiptavinir Nettó hafa fengið
vegna verkefnisins Minni sóun
Net tó hef u r náð markmiði sínu um að tífalda veltu í netverslun sinni á innan við þremur ár u m. Net versl­
unin er að ná þeirri stærðarhag­
kvæmni sem þarf til að hún verði
arðbær og fyrirtækið býr sig undir
að samkeppnin harðni á þessu ári.
Þetta segir Gunnar Egill Sigurðsson,
framkvæmdastjóri verslunarsviðs
Samkaupa sem reka Nettó.
„Við höfum séð stöðugan vöxt frá
því að við settum netverslunina í
loftið og janúar var stærsti mánuð­
urinn frá upphafi. Hins vegar höfum
við vísvitandi reynt að stjórna vext­
inum til þess að passa upp á gæðin
og forðast of mörg mistök. Allir sem
hafa verslað á netinu vita að það þarf
ekki mikið til að fæla viðskiptavini
frá kaupum og þá er erfitt að ná
þeim til baka. Okkur hefur tekist
þetta og nú förum við að stíga á
bensíngjöfina,“ segir Gunnar Egill í
samtali við Markaðinn.
Netverslun Nettó fór í loftið
haustið 2017 í samstarf við Aha,
sem þróaði tæknina og sér um heim­
sendingar. Viðskiptavinir geta einn­
ig valið að sækja pantanir í verslanir
Nettó. Upphaflega var aðeins einn
afhendingarstaður en í sumar var
lokið við að innleiða afhendingu á
öllum þeim svæðum þar sem Nettó
rekur verslanir.
Samkvæmt tölum Rannsóknar­
seturs verslunarinnar jókst net­
verslun í f lokki stórmarkaða og
dagvöruverslana um 230 prósent
í nóvember 2019 miðað við sama
mánuði árið 2018. Veltan á netinu
í nóvembermánuði í fyrra nam alls
180 milljónum króna samanborið
við 54 milljónir í nóvember 2018.
Gunnar Egill segir að hlutfall net­
verslunar í rekstri Nettó sé hátt í
samanburði við það sem gengur og
gerist í nágrannalöndum.
„Ef við skoðum til dæmis breska
markaðinn þá er hlutfallið hjá okkur
með því besta sem finnst. Þetta segir
okkur að þótt Íslendingar séu stund­
um seinir að innleiða tækninýjung­
ar eru þeir mjög fljótir að tileinka sér
þær. Við höfum séð svipaða þróun
með sjálfsafgreiðslukassana sem eru
nokkuð nýleg tækni hér á landi en
hafa verið til staðar í meira en 10 ár
í sumum nágrannalöndum,“ segir
Gunnar Egill.
„Það tekur á bilinu þrjú til fimm
skipti fyrir fólk að byrja að tileinka
sér regluleg innkaup á netinu og við
höfum reynt að hanna kerfið þann­
ig að innkaupin séu eins auðveld og
mögulegt er. Til dæmis man kerfið
hvað þú hefur keypt áður og auð­
veldar þér að velja vörurnar sem þú
kaupir í hverri viku. Ef þú vilt bæta
einhverju við þá er leitarvélin síðan
mjög skilvirk.“
Hafa vaxið í góða stærð
Sérfræðingar á sviði netverslunar
hafa bent á að fá dæmi séu um arð­
bærar netverslanir. Spurður hvort
hann sjái fram á að rekstur net­
verslunar Nettó verði arðbær svarar
Gunnar Egill játandi.
„Þú getur rekið arðbæra net­
verslun ef þú færð viðskiptavini til
að sækja vörurnar. En ef þú ætlar að
bjóða upp á heimsendingar þarftu
að ná stærðarhagkvæmni sem ég
held að við séum að ná núna. Við
erum búin að vaxa í góða stærð á
flestum afhendingarstöðum,“ segir
Egill Gunnar og nefnir þrjú atriði
sem hann telur að muni gera Nettó
kleift að reka arðbæra netverslun til
framtíðar litið.
Búa sig undir innreið keppinauta
Nettó náði markmiði sín um að tífalda veltu netverslunarinnar á innan við þremur árum. Er að ná stærðarhagkvæmni sem þarf
til að hún verði arðbær. Framkvæmdastjórinn býst við að stórir keppinautar í smásölu komin inn á markaðinn á þessu ári.
Stöðugur vöxtur hefur verið frá því að netverslunin var sett í loftið og janúar var stærsti mánuðurinn frá upphafi.
Gunnar Egill segir að mesta áskorunin sé að halda verkferlum nógu einföldum svo að hver starfsmaður geti tínt pantanir til. FRÉTTABLAÐIÐ/ANTON BRINK
800 milljónir í afslætti
Árið 2015 ýttu Samkaup verkefn-
inu „Minni Sóun – Allt nýtt“ úr
vör þar sem áherslan er á aukna
flokkun og minni sóun matvæla.
Allar verslanir Samkaupa bjóða
nú stigvaxandi afslátt af vörum
sem nálgast síðasta söludag.
Vöruverð lækkar eftir því sem
líftími vöru styttist og stuðlar
þetta að minni sóun matvöru.
Samkvæmt gögnum frá Sam-
kaupum hafa afslættirnir sem
viðskiptavinir hafa fengið vegna
verkefnisins numið tæpum 800
milljónum króna frá árinu 2016.
„Íslenski markaðurinn er lítill og
þess vegna ákváðum við að fara þá
leið að tína vörur til afhendingar í
verslunum okkar í stað þess að reka
miðlægt vöruhús. Við fundum Aha
sem samstarfsaðila til að geta notað
tæknigrunn sem var þegar til staðar
frekar en eyða tíma og orku í að þróa
tæknina frá grunni. Og svo erum við
að nota heimkeyrslukerfi Aha sem
eru sérfræðingar í því að besta heim­
keyrsluna,“ segir Gunnar Egill.
Aðspurður segir Gunnar að mesta
áskorunin sé að halda verkferlum
nógu einföldum þannig að hver
starfsmaður geti stokkið til og tínt
pantanir til.
„Ég tel að við séum búin að ná
stærðarhagkvæmni í mörgum versl­
unum og nú er verkefnið að besta
tínsluna. Á ákveðnum tímum dags
getur myndast mikið álag á vinsæl­
ustu afhendingarstöðunum og þá er
meiri hætta á að einhver geri mistök.
En ég lít á það sem lúxusvandamál,“
segir Gunnar Egill.
Fóru inn á réttum tíma
Nettó og Heimkaup eru nú stærstu
fyrirtækin í sölu á matvöru á netinu.
Önnur stór smásölufyrirtæki á borð
við Hagkaup hafa ekki hætt sér inn
á markaðinn en samkeppnin mun
harðna á þessu ári að sögn Gunnars
Egils.
„Það væri í raun ótrúlegt ef aðrar
matvöruverslanir væru ekki að und­
irbúa innkomu á markaðinn. Sér­
staklega í ljósi árangursins sem við
erum að sjá og mikils vaxtar í sölu á
matvöru á netinu. Maður hittir fleiri
og fleiri sem hafa prófað á að kaupa
matvöru á netinu og sú þróun mun
fyrirsjáanlega halda áfram. Ég er
viss um að eftir tíu ár muni kröfur
viðskiptavina verða mjög ólíkar því
sem við erum vön í dag,“ segir Gunn­
ar Egill.
„Við erum allavega að búa okkur
undir harðari samkeppni á þessu
ári. Ég tel að við höfum farið inn á
markaðinn á hárréttum tíma en
aftur á mót geta keppinautarnir
lært af mistökum sem við höfum
gert. Það er ókosturinn við það að
vera fyrstur af stað.“
Ánægjulegar hliðarsögur
Þá segir Gunnar Egill að netverslun
sé umhverfisvænn valkostur í inn­
kaupum. Til að mynda notast Aha,
sem keyrir vörurnar út fyrir Nettó,
eingöngu við rafmagnsbíla og í lok
árs var milljónasti kílómetrinn
ekinn í heimkeyrslu.
„Samkvæmt rannsóknum sem
hafa verið framkvæmdar í Banda­
ríkjunum kemur fram að hver við­
skiptavinur eyðir um það bil 40
mínútum í að versla á um það bil
fimm daga fresti. Eldra fólk, slasað
eða veikt fólk segir okkur reglulega
sögur af því hvernig þetta léttir því
lífið. Þetta eru ánægjulegar hliðar­
sögur sem voru ekki inni í hug­
myndafræðinni til að byrja með.“
2 6 . F E B R Ú A R 2 0 2 0 M I Ð V I K U D A G U R12 MARKAÐURINN