Fréttablaðið - 26.02.2020, Blaðsíða 36

20.02.2020
MARKAÐURINN Instagram@frettabladid Facebookfacebook.com/Frettabladid
Miðvikudagur 26. febrúar 2020FYLGIRIT FRÉTTABLAÐSINS UM VIÐSKIPTI OG FJÁRMÁL |
Þorsteinn Friðrik
Halldórsson
SKOÐUN
Ríkisstjórnin hefur haft eitt og hálft ár til að búa sig undir og bregðast við gjaldþroti
WOW air. Haustið 2018 varð öllum
ljóst að flugfélag sem stóð undir
miklum straumi ferðamanna til
landsins og fjölda starfa væri í
verulegum fjárhagserfiðleikum.
Nú, þegar ellefu mánuðir er liðnir
frá falli WOW air, bíður atvinnu-
lífið enn eftir aðgerðum sem
sporna við frekari niðursveiflu svo
nokkru muni.
Atvinnuleysi þokast upp á við,
óvissa er um loðnuveiðar, ferða-
þjónustan glímir við samdrátt í
eftirspurn, og róttækir verkalýðs-
foringjar vilja setja lífskjarasamn-
inginn í uppnám. Kórónaveiran
veldur sívaxandi áhyggjum. Allt
leggst þetta á eitt, á sama tíma og
séríslenskt regluverk heftir útlána-
getu bankanna. Staðan er vægast
sagt viðkvæm.
Versnandi horfur og lækkandi
vextir hafa skapað kjöraðstæður
fyrir stjórnvöld til að ráðast í
innviðafjárfestingar sem örva hag-
kerfið. Að því sögðu er vert að hafa
tvennt í huga. Annars vegar mikil-
vægi þess að innviðafjárfestingar
sem ráðist verður í séu skynsam-
legar og arðbærar. Hins vegar það
að tímasetningar skipta öllu máli.
Spurningin er hvenær hægt
verður að hrinda verkefnum í
framkvæmd og hvernig tímasetn-
ingar munu ríma við hagsveifluna.
Það er hætta á því að svifasein
stjórnvöld geri illt verra með því
að ráðast í fjárfestingar of seint
þannig að áhrifin verði ekki þau að
mýkja niðursveiflu heldur að ýkja
næstu uppsveiflu.
Lilja Alfreðsdóttir kallaði eftir
átaki í uppbyggingu innviða í síð-
ustu viku og það er kannski lýsandi
fyrir kæruleysi annarra ráðherra
að mennta- og menningarmálaráð-
herra hafi fundið sig knúinn til að
setja málið á dagskrá. Þegar Katrín
Jakobsdóttir forsætisráðherra var í
kjölfarið innt eftir svörum sagðist
hún hafa talað fyrir slíku átaki og
vísaði til þess að á næstu vikum
yrðu kynntar tillögur sem byggja á
niðurstöðum átakshóps.
Undarleg ummæli í ljósi þess að
hópurinn tók til starfa í desember
eftir ofsaveðrið sem hafði þá nýlega
gengið yfir. Hópurinn var skipaður
meira en átta mánuðum eftir fall
WOW air, tillögurnar eiga að miða
að öryggi innviða en ekki skil-
virkri hagstjórn, og ólíklegt er að
þær feli í sér nógu viðamiklar fjár-
festingar. Og kannski er ekki síður
undarlegt að síðustu tveir pistlar
forsætisráðherra, sem birtust í
víðlesnasta blaði landsins á meðan
óveðurskýin hrönnuðust upp, hafi
fjallað um kynferðislega friðhelgi
og heimsmarkmið Sameinuðu
þjóðanna í jafnréttismálum.
Vonir um að ríkisstjórnin taki
afgerandi og tímanlegar ákvarðan-
ir til að koma til móts við atvinnu-
lífið fara þverrandi.
Hrópandi
kæruleysi
Hluthafar FoodCo og Gleðipinna eiga sameinað félag, sem tók nýverið til starfa í kjölfar samþykkis Sam-
keppniseftirlitsins, til helminga.
Eftirlitið lagði blessun sína yfir samein-
ingu FoodCo og Gleðipinna en sameinað félag
verður rekið undir nafni Gleðipinna.
Veitingastaðirnir sem tilheyra sameinuðu
félagi eru Hamborgarafabrikkan, Saffran,
Keiluhöllin, Shake&Pizza, American Style,
Blackbox, Roadhouse, Eldsmiðjan, Aktu
Taktu, Pítan og Kaffivagninn.
Eigendur FoodCo fara með helming hluta-
fjár í sameinuðu félagi, samkvæmt upplýs-
ingum Markaðarins, en feðgarnir Jóhann
Örn Þórarinsson og Þórarinn Ragnarsson
með 21,25 prósenta hlut hvor og Bjarni
Stefán Gunnarsson heldur á 7,5 prósenta hlut.
Þá á félag Guðmundar Auðunssonar og Guð-
ríðar Maríu Jóhannesdóttur 28,35 prósenta
hlut og er stærsti einstaki hluthafi þess og
Jóhannes Ásbjörnsson fer með 21,65 prósent.
Hjá sameinuðu félagi starfa um sjö hundruð
manns á alls 26 veitingastöðum. – kij
Eiga sameinað félag Gleðipinna til helminga
Jóhannes
Ásbjörnsson,
einn eigenda
Gleðipinna.
PwC | Sími 550 5300 | www.pwc.is
PwC á Íslandi er framsækið og traust fyrirtæki sem veitir sérfræðiþjónustu á sviði fyrirtækja- skatta- og lögfræðiráðgjafar,
endurskoðunar og reikningsskila. Fyrirtækið er íslenskt og er hluti af alþjóðlegu neti sjálfstæðra fyrirtækja sem aðstoðar
viðskiptavini sína við að auka verðmæti, stjórna áhættu og bæta árangur sinn.
Reykjavík | Akureyri | Reykjanesbær | Húsavík | Selfoss | Hvolsvöllur | Vestmannaeyjar
2019
Jafnlaunavottun
Sanngjörn
laun fyrir jafn-
verðmæt störf
PwC býður upp á heildstæða þjónustu í launamálum
og jafnlaunavottun. Við búum yfir áralangri reynslu
og lausnum sem virka.
Ég tel að við séum í
dauðafæri til að
koma með meiri innspýt-
ingu, flýta framkvæmd-
um sem eru tilbúnar
og við eigum að nýta
kjöraðstæður á
markaði.
Lilja Alfreðsdóttir,
mennta- og menn-
ingarmálaráðherra